Maliyyə sektoru
Gülşən Müzəffər qızı Xudadarova 1985-ci il fevralın 11-də anadan olub.
2003-2007-ci illər üzrə Azərbaycan Dövlət İqtisad Universitetində “Mühasibat uçotu və audit” ixtisası üzrə təhsil alıb. 2007-ci ildə təhsilini Xəzər Universitetində “MBA in finance” üzrə davam etdirib.
2008-2022-ci illərdə özəl və dövlət sektorun bir sıra müəssisələrində mühasib və baş mühasib kimi fəaliyyət göstərib. Bu müddət ərzində “Bank of Baku” ASC-də lizinq üzrə mütəxəssis, Gənc Mühasiblər Birliyində maliyyə hesabatları üzrə mühasib, “Turan Lizinq” MMC və “Qafqaz Lizinq” MMC-də baş mühasib, 2 saylı Sağlamlıq İmkanları Məhdud Uşaqlar üçün Sosial Xidmət Müəssisəsində baş mühasib, Aztelekom MMC-nin Şimal-Şərq Regional filialında baş mühasibin müavini vəzifələrində çalışıb. Müxtəlif mühasibat forumlarında və beynəlxalq mühasibat uçotu təlimlərində iştirak edib. Hazırda "Hüquq və İnsan Haqları İnstitutu" publik hüquqi şəxsin maliyyə meneceridir.
Azərbaycan, ingilis və rus dillərində sərbəst danışır.
Ailəlidir, 2 övladı var.
Maliyyə sektorunun 2 əməkdaşı var
Sektorun fəaliyyət istiqamətləri:
· İnstituta ayrılmış büdcə və büdcədənkənar vəsaitlərin qanunvericiliyin tələblərinə müvafiq qaydada icra olunmasını təmin edir;
· qanunvericiliklə müəyyən edilmiş hallarda və qaydada vergi hesabatlarının vergi orqanlarına təqdim olunmasını təmin etmək;
· qanunvericiliklə müəyyən edilmiş hallarda və qaydada məcburi dövlət sosial sığorta hesabatlarını müvafiq orqanlara təqdim etmək;
· alınmış mal-materialların mədaxil və məxaric əməliyyatlarının, əsas vəsaitlərin, qeyri-maddi aktivlərin, az qiymətli və tez köhnələn əşyaların uçotunu aparır;
· İnstitutun fəaliyyəti ilə bağlı bank əməliyyatlarını həyata keçirmək məqsədilə zəruri tədbirlər görür;
· həyata keçirilən əməliyyatların mühasibat uçotu hesablarında düzgün əks etdirilməsini, ona nəzarəti və məlumatların operativ təqdim edilməsini təmin etmək, həmçinin mühasibat (maliyyə) hesabatlarını müəyyən olunmuş müddətlərdə tərtib edir.