Description:

Azərbaycan Respublikasında hüquqi dövlət quruculuğu dövründə qanunçuluq və hüquq qaydalarının mühafizəsində duran dövlətin, cəmiyyətin və vətəndaşların hüquq və qanuni mənafelərini müdafiə edən hüquq-mühafizə orqanlarına böyük əhəmiyyət verilir. “Hüquq-mühafizə orqanları” fənni hüquq normaları əsasında təşkil edilmiş Azərbaycan dövlətinin hüquq-mühafizə orqanlarının fəaliyyətini öyrəndiyi üçün hüquq xarakterli fənndir. Hüquq-mühafizə orqanlarının quruluşunu müəyyən edən hüquq sahələri və normaları digər hüquq sahələri ilə qarşılıqlı əlaqədədirlər, bununla da hüquq elmləri və deməli, hüquq fənləri arasında qarşılıqlı əlaqə üçün əsas yaradırlar.