Bu iş hökumətlərarası təşkilatlar üçün yaradılmış “Creative Commons” lisenziyasına uyğun olaraq açıq şəkildə əldə edilə bilər. Nəşriyyatçılar Birləşmiş Millətlər Təşkilatının emblemini öz nəşrlərindən çıxarmalı və onun cildinə yeni tərtibat verməlidirlər. Tərcümələrdə məsuliyyətdən imtina ilə bağlı aşağıdakı qeydlər olmalıdır: “Hazırkı sənəd qeyri-rəsmi tərcümədir və onun üçün naşir tam məsuliyyəti öz üzərinə götürür.” Nəşriyyatçılar özlərinin redaktə olunmuş fayllarını apcict@un.org elektron poçtuna göndərməlidirlər. Müvafiq mənbələr göstərilməklə sitatların surətlərinin çıxarılmasına və yenidən çap edilməsinə icazə verilir.
Müəllif :
Rəhbər dövlət qulluqçuları üçün İKT-nin Əsasları Akademiyası - ESCAP / APCICT
Nəşr tarixi : 2021
“İnformasiya təhlükəsizliyi və kibertəhlükəsizliyin hüquqi aspektləri” fənni üzrə mühazirələr toplusu Azərbaycan Respublikasının Elm və Təhsil Nazirliyinin “Təhsildə könüllü fəaliyyətin təşkili” qrant müsabiqəsi çərçivəsində qalib elan olunmuş “İnformasiya təhlükəsizliyi ixtisası üzrə elmi-metodiki tədris (çap və onlayn) vəsaitlərinin hazırlanması” layihəsi çərçivəsində Azərbaycan Kibertəhlükəsizlik Təşkilatları Assosiasiyasının dəstəyi ilə hazırlanmışdır. Mühazirələr toplusunun hazırlanmasının əsas məqsədini informasiya təhlükəsizliyinin və kibertəhlükəsizliyin elmi-metodoloji, nəzəri və hüquqi əsaslarının ali təhsilin bakalavriat səviyyəsində tədrisinə, habelə mövcud elmi-metodiki boşluqların aradan qaldırılmasına və azərbaycandilli elmi ədəbiyyatın formalaşmasına dəstəyin göstərilməsi təşkil edir. Mühazirələr toplusu informasiya təhlükəsizliyi, o cümlədən kritik informasiya infrastrukturunun təhlükəsizliyi, kibercinayətkarlığa qarşı mübarizə və digər aidiyyəti sahələrdə tətbiq olunan hüquqi tənzimləmə mexanizmlərinə dair təhsilalanların biliklərinin artırılmasına dəstək verəcəkdir.
Müəllif :
Elvin Balacanov, Təbriz Cəfərov, Humay Hüseynova, Vüqar Qədimov
Nəşr tarixi : 2024
Dərslik Milli Aviaisya Akademiyasında bakalavriat səviyyəsində Hava nəqliyyatında texnoloji proseslərin və istehsalatın təhlükəsizliyi mühəndisliyi ixtisasının tədris planında yer alan Mülki aviasiyada informasiya təhlükəsizliyi fənninin proqramı əsasında tərtib edilmişdir. Kitabda sistem yanaşma əsasında müəssisənin informasiya təhlükəsizliyi məsələlərinə, informasiya təhlükəsizliyinin təmini prinsiplərinə baxılmış, informasiyaya olan təhlükələrin təsnifatı, xarakteristikaları, onlarla mübarizə üsulları təqdim edilmişdir. Dərslik ilk növbədə ali təhsil müəssisələrinin tələbələri üçün nəzərdə tutulsa da, ondan müəssisələrdə informasiya proseslərinin təhlükəsizliyinin təmini ilə məşğul olan mütəxəssislər də istifadə edə bilər.
Müəllif :
Milli Aviasiya Akademiyası - X.İ.Abdullayev, N.T.Nağıyev, R.M.Muxtarov
Nəşr tarixi : 2019
“Gender Bərabərliyi” kitabı Almaniya Beynəlxalq Əməkdaşlıq Cəmiyyəti (GIZ GmbH) tərəfindən icra edilən Cənubi Qafqazda Yerli İnkişaf üçün Yaxşı İdarəetmə layihəsi çərçivəsində nəşr olunmuşdur. Hüquqi vəsaitdə kişi və qadınlar arasında bərabərliyin təmin edilməsi, cinsi ayrı-seçkiliklə mübarizə, qadınların qərarqəbuletmədə təmsilçiliyi, beynəlxalq təşkilatların təcrübəsi və digər məsələlər əks olunub. Dərs vəsaiti Azərbaycan Respublikasının tərəfdar çıxdığı beynəlxalq konvensiyalara və milli qanunvericiliyə əsasən hazırlanıb. 6 fəsildən ibarət vəsait aydın və anlaşıqlı dildə yazılıb, ali təhsil ocaqları və dövlət orqanlarının istifadəsi üçün yararlı hesab edilir. Vəsaitin ali təhsil ocaqlarında “İnsan hüquqları”, “Gender bərabərliyinə giriş”, “Ailə hüququ” və digər fənnlərin tədrisində tətbiqi məqsədəuyğun hesab edilir.
Müəllif :
Səfərov Elgün, Səfərova Nigar
Nəşr tarixi : 2023
Qərbi Azərbaycandan etnik təmizlənmənin sonuncu mərhələsi (1987-1991) Çalxanqalaya köç kitabı. "Müvəkkil Hüquq Mərkəzi" İctimai Birliyinin "Çalxanqala: qaçqınların qayıdış həsrəti" layihəsi çərçivəsində hazırlanmışdır. Kitabda sonuncu etnik təmzilənmənin başlanması fonunda Qarabağı Ermənistana birləşdirlməsi "harakatının" ideoloqları Sumqayıt təxribatı, Quqark faciasi, Hamamlı zəlzələsi və digər hadisələr tarix və hüquq kontekstində araşdırılmış həmçinin Qərbi Azərbaycanın müxtəlif bölgələrindən Naxçıvan Muxtar Respublikasının Kəngərli rayonunun Çalxanqala kəndinə köçürülən əhali barəsində də geniş məlumatlar əksini tapmışdır.
Müəllif :
Səməd Vəkilov
Nəşr tarixi : 2024
"Azərbaycan mediasında gender həssaslığının artırılması: Jurnalistlər üçün təlimat kitabı" adlı bu vəsait Avropa İttifaqının maliyyə dəstəyi ilə BMT-nin Əhali Fondunun Azərbaycan Respublikasının Əmək və Əhalinin Sosial Müdafiəsi Nazirliyi, Gənclər və İdman Nazirliyi və Ailə, Qadın və Uşaq Problemləri üzrə Dövlət Komitəsi ilə sıx tərəfdaşlıq çərşivəsində həyata keçirdiyi "Oğlan uşaqlarına verilən üstünlüyün qarşısının alınması və qızların dəyərinin təşviq edilməsi üzrə Qlobal Program" çərçivəsində Azərbaycan Mətbuat Şurası ilə birgə hazırlanıb.
Müəllif :
Ayşe Karabat, Həmmüəlliflər: Semin Gümüşel Güner və Aygün Asimqızı, Redaktor: Almaz Mahmud
Nəşr tarixi : 2020
Kitabda sülh və təhlükəsiz yaşamaq hüququnun təminatının beynəlxalq hüquqi məsələləri təhlil olunub. Elektron kitabda həmçinin Cənubi Qafqazda sülhün və təhlükəsiz yaşamaq hüququnun təminatı ilə bağlı bəzi zəruri məqamlara toxunulur.
Müəllif :
Səyyad Məcidli
Nəşr tarixi : 2024
Bu hesabat iqtisadiyyat üzrə fəlsəfə doktoru Qanna Qerasimenko tərəfindən hazırlanıb. Tədqiqatın strukturu və metodologiyası Avropa Gender Bərabərliyi İnstitutunun (EİGE) Birləşmiş Krallıq (2014) və Ukraynada (2016-2017) vəziyyətin təhlili çərçivəsində uğurla sınaqdan keçirilmiş yanaşmaları əsasında hazırlanıb. Gender məsələləri üzrə ekspert Xalisə Şahverdi bu hesabatın hazırlanmasına texniki və informasiya dəstəyi göstərib. Bu hesabatın ərsəyə gəlməsi üçün məlumatların toplanması və metodoloji məsələlərin müzakirəsində bir çox yerli ekspertlər də töhfə vermişdir.
Müəllif :
Qanna Gerasimenko - beynəlxalq mütəxəssis
Nəşr tarixi : 2020
"Qanunçuluq" jurnalı 1966-cı ildən nəşr olunur. Azərbaycanda demokratik, hüquqi dövlət quruculuğu sahəsində görülən işləri, ölkəmizdə həyata keçirilən məhkəmə-hüquq islahatını, ədliyyə və məhkəmə fəaliyyətini işıqlandırır, öz səhifələrində görkəmli alimlərin, təcrübəli hüquqşünasların məqalələrinə və gənc mütəxəssislərin çıxışlarına yer verir, Azərbaycan ədliyyəsinin tarixi, məhkəmə təcrübəsi və digər mövzularda materiallar, eləcə də yeni qəbul olunan qanunların, fərmanların və digər normativ-hüquqi aktların mətnlərini müntəzəm şəkildə dərc edir.
Müəllif :
Fikrət Məmmədov, Azərbaycan Respublikası Ədliyyə Nazirliyi
Nəşr tarixi : 2021
Kitab mediator olmağa hazırlaşan namizədlər, mediatorlar, hüquqşünaslar, tələbələr və bu kimi fəaliyyət göstərən şəxslər üçün nəzərdə tutulmuşdur. Kitabın məzmununda əks olunan fikir və mülahizələr müəllifə aiddir və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin rəsmi mövqeyini əks etdirməyə bilər. Kitab Avrasiya Hüquqşünaslar Assosiasiyası İB tərəfindən həyata keçirilən və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi tərəfindən maliyyələşdirilən "Mediasiyanın metodologiyası" layihəsi çərçivəsində Mediasiya Şurasının metodiki dəstəyi və rəyi əsasında çap olunmuşdur.
Müəllif :
İrakli Kandaşvili
Nəşr tarixi : 2024
