Bu vəsait Birləşmiş Millətlər Təşkilatının (BMT) insan hüquqlarının müdafiəsi mexanizmləri haqqında məlumat vermək və vətəndaş cəmiyyəti təmsilçiləri və hüquqşünaslar üçün bələdçi olmaq məqsədi daşıyır. Toplu BMT mexanizmləri və ondan istifadə imkanlarını təsvir edən bir neçə təlimat və vəsaitin məcmusudur. “Birləşmiş Millətlər Təşkilatının İnsan Hüquqları Mexanizmləri - hüquqların monitorinqi və hesabatlılıq üçün praktiki vəsait” adlı təlimat BMT-nin üzv dövləti kimi Azərbaycan Respublikası üçün çatımlı olan universal müdafiə mexanizmləri barədə nəzəri və praktiki məlumat verir.
Müəllif :
Sahib Məmmədov
Nəşr tarixi : 2015
Kitaba təlimlərdə istifadə üçün praktik materiallar – rol oyunları, məsələlər, testlər, Avropa İnsan Hüquqları Məhkəməsinin qərarları və onlardan seçmələr, hüquqi sənədlərin nümunələri və digər materiallar daxil edilib.
Müəllif :
Nəşr tarixi : 2010
Hüquq üzrə elmlər doktoru elmi dərəcəsi almaq üçün təqdim olunmuş dissertasiyanın avtoreferatı: Dissertasiya işi Bakı Dövlət Universitetinin “Beynəlxalq xüsusi hüquq və Avropa hüququ” kafedrasında yerinə yetirilmişdir.
Müəllif :
Sübhan Əliyev
Nəşr tarixi : 2018
“DİO-nun inzibati fəaliyyəti” kafedrası Bakalavr hazırlığına dair əyani təhsil alanlar üçün “İnzibati hüquq” fənni üzrə praktikum məzmun baxımdan nəzəri suallar, müstəqil həlli üçün tapşırıqlar, tövisyə olunan normativ hüquqi aktlar və s. daxil edilməklə fənnin seminar (təcrübə) məşğələlərin keçirilməsi məqsədilə hazırlanan tədris-metodik vəsaitdir.
"İnzibati hüquq” fənni üzrə praktikum kursantlar, müəllimlər, “İnzibati hüquq "un məsələləri ilə maraqlanan şəxslərə ünvanlanıb.
Müəllif :
Polis Akademıyası
Nəşr tarixi : 2018
Bu nəşr Avropa İttifaqı tərəfindən maliyyələşdirilən və NIRAS tərəfindən həyata keçirilən “Avropa İttifaqi Gender Bərabərliyi Naminə İslahat Üzrə Yardim Xidməti” layihəsi çərçivəsində hazırlanıb. Onun məzmunu yalnız NIRAS-ın məsuliyyətidir və Avropa İttifaqının fikirlərini əks etdirmir.
Müəllif :
Günel Mehdiyeva
Nəşr tarixi : 2023
Dərslikdə insan hüquqlarının beynəlxalq və milli (dövlətdaxili) hüquqi müdafiəsinin nəzəri və praktiki məsələləri hüquq ədəbiyyatında mövcud fikir müxtəlifliyi, beynəlxalq praktika, bu istiqamətdə qəbul edilmiş mühüm beynəlxalq normalar (universal, regional, ikitərəfli), o cümlədən Azərbaycan Respublikası və müxtəlif dövlətlərin qanunvericiliyi əsasında geniş təhlil edilmişdir.
Müəllif :
Əmir Əliyev
Nəşr tarixi : 2013
Kitabda kiberməkanda mövcud olan çoxşaxəli münasibətlərin hüquqi və etik problemləri, İnternetdə insan hüquqları, o cümlədən informasiyanın əldə olunması, ötürülməsi, şəxsi həyat və uşaq hüquqlarının qorunması və elektron xidmətlərin tənzim edilməsi üzrə norma və prinsiplər araşdırılıb.
Kitab ali məktəb tələbələri, hüquqşünaslar, media peşəkarları və ümumilikdə bu sahəyə maraq göstərənlər üçün nəzərdə tutulmuşdur.
Müəllif :
Səyyad Məcidli
Nəşr tarixi : 2015
Bu mövzuda verginin anlayışı, onun yerinə yetirdiyi funksiyalar, verginin hüquqi tərkib elementlərin, vergi hüququnun predmeti, sistemi və prinsipləri, vergi qanunvericiliyi və bura daxil olan ayrı-ayrı normativ - hüquqi aktlar, nəhayət, vergi hüquq münasibətəlri (subyektləri, obyektləri və məzmunu) kimi müxtəlif məsələləri təhlil edilib.
Müəllif :
Azərbaycan Respublikası Daxili İşlər Nazirliyi Polis Akademiyası, İmrəli Məmmədli
Nəşr tarixi : 2018
Bələdçi biznes ictimaiyyətinə, hökumətlərə, vətəndaş cəmiyyətinə və digər maraqlı tərəflərə münaqişənin təsirinə məruz qalmış bölgələrdə biznesin məsuliyyətli iştirakını təmin etmək üçün görülməli olan praktiki tədbirlər haqqında daha dərin anlayışı təmin etmək məqsədi daşıyır.
Təlimat biznes üçün silahlı münaqişələr və geniş yayılmış zorakılıq hallarının təsirinə məruz qalan şəraitdə müvafiq effektiv tədbirlərinin hazırlanması və həyata keçirilməsi üçün parametrləri təqdim edir. Bu Bələdçi Birləşmiş Millətlər Təşkilatının Biznes və İnsan Hüquqları üzrə Rəhbər Prinsiplərinə (UNRP), bizneslə bağlı insan hüquqlarına mənfi təsirlərin qarşısının alınması və aradan qaldırılmasında dövlətləri və şirkətləri rəhbər tutan nüfuzlu, qlobal çərçivəyə əsaslanır.
Müəllif :
Jerald Paçu, Sinişa Milatoviç, BMTİP
Nəşr tarixi : 2022
Kitabda təbiət obyektlərinin ekoloji-hüquqi rejimi, xüsusi mühafizə edilən təbiət obyektləri və komplekslərinin ekoloji-hüquqi mühafizəsi, insanın ekoloji-hüquqi statusu, sağlam ətraf mühitdə yaşamaq hüququ, xarici ölkələrin ekologiya hüququnun ümumi xarakteristikası, beynəlxalq ekologiya hüququ və s. məsələlər təhlil edilir. Dərs vəsaitindən «Hüquqşünaslıq» ixtisası üzrə təhsil alan ali təhsil müəssisələrinin tələbələri, həmçinin ekologiya hüququ və ekoloji qanunvericiliklə maraqlananlar istifadə edə bilərlər.
Müəllif :
Daşqın M. Qənbərov, Əbülfəz İ. Hüseynov
Nəşr tarixi : 2017
.jpg)
