Kitab şəklində təqdim edilən monoqrafiyada presedent hüquq ideologiyasına əsaslanan presedent hüquq nəzəriyyəsi, onun elmi modelləri, presedentlərin mülki hüquqda yeri və rolu, onların məhkəmələr
tərəfindən təcrübədə tətbiqi ilə bağlı nəzəri tədqiqata yer verilmişdir.
Özünün elmi əsaslandırılmış arqumentləri və müvafiq praktik əhəmiyyəti ilə aktuallıq kəsb etməklə, monoqrafiyada presedent hüququ
üzrə beynəlxalq və milli hüquq ədəbiyyatında mövcud fikir müxtəlifliyinə, müxtəlif dövlətlərin qanunvericilik və məhkəmə təcrübəsinə
əhatəli şəkildə müraciət edilmişdir.
Müəllif :
Xamis Seyranov
Nəşr tarixi : 2018
“Avropa İttifaqı hüququ” və ya tədqiqatçı hüquqşünaslar tərəfindən, sadəcə, olaraq “Avropa hüququ” adlandırılan hüquq sistemi, müasir dövrün ən dinamik inkişaf edən hüquq institutlarına malikdir. Məhz XXI əsrin əvvəllərində Avropa İttifaqına üzv-dövlətlərin tərkibinin tədricən artması onunla nəticələnmişdir ki, “Avropa İttifaqı hüququ” artıq, “Avropa hüququ”, İttifaqın özü isə, sadəcə olaraq, Avropa adlandırılır.
Müəllif :
Əkbərov Rahib Abdulla oğlu
Nəşr tarixi : 2016
1995-ci ildə siyasi plüralizm şəraitində ümumxalq səsverməsi yolu ilə suveren dövlətin ilk Konstitusiyası
qəbul edilmiş, Azərbaycan dünya birliyinin bərabər hüquqlu dövlətləri sırasına daxil olmuşdur.
1978-ci ildən fəaliyyətdə olan son Konstitusiyaya nisbətən hazırkı Konstitusiya siyasi, iqtisadi və ictimai
cəhətləri ilə, ümumbəşəri dəyərləri, demokratik – dünyəvi mahiyyət daşıyan cəhətləri ilə kəskin surətdə
fərqlənir.
Müəllif :
A.H. Dəmirov, Ş.N. İsmayılov, Q.F. Hüseynov
Nəşr tarixi : 2010
Respublikasının Konstitusiyasına uyğunluğunun təmin edilməsi
kimi çox geniş bir vəzifəyə malikdir. Konstitusiya Məhkəməsinin
öz vəzifəsini gələcəkdə də icra edə bilməsinə yardım edilməsi
baxımından digər ölkələrin konstitusiya məhkəmələrinin
qərarlarındakı hüquqi əsaslandırmalar ilə tanışlıq əhəmiyyətli bir
yardımçı vasitədir.
Müəllif :
Almaniya Federal Konstitusiya Məhkəməsinin seçilmiş qərarları
Nəşr tarixi : 2018
Kitab mülki hüququn üç yarımsahəsinə (şəxsi qeyri-əmlak hüququ, əqli mülkiyyət hüququ və vərəsəlik hüququ) həsr olunmuşdur. Burada həmin yarımsahələri təşkil edən hüquq institutlarının (müəlliflik hüququnun, patent hüququnun, fərdiləşdirmə vasitələri hüququnun, qanun üzrə vərəsəlik hüququnun və digər institutların) məna və mahiyyətinə aydınlıq gətirilmişdir.
Müəllif :
Sabir Allahverdiyev
Nəşr tarixi : 2009
Dərslik mülki hüququn üç yarımsahəsinə (şəxsi qeyri-əmlak hüququ, əqli
mülkiyyət hüququ və vərəsəlik hüququ) həsr olunmuşdur. Burada həmin
yarımsahələri təşkil edən hüquq institutlarının (müəlliflik hüququnun, patent
hüququnun, fərdiləşdirmə vasitələri hüququnun, qanun üzrə vərəsəlik
hüququnun və digər institutların) məna və mahiyyətinə aydınlıq gətirilmişdir.
Dərslikdən tələbələr və praktiki işçilər istifadə edə bilərlər.
Müəllif :
Sabir Allahverdiyev
Nəşr tarixi : 2008
Kitab ali məktəblər üçün mülki hüquq üzrə nümunəvi proqrama uyğun olaraq hazırlanmışdır. Burada mülki hüququn ümumi hissəsinin institutları işıqlandırılır. Kitabda həmin institutların məna və mahiyyətinə bütün detal və parametrləri ilə aydınlıq gətirilir.
Müəllif :
Sabir Allahverdiyev
Nəşr tarixi : 2008
Kitab mülki hüququn iki böyük yarımsahəsinə — əşya və öhdəlik hüququnun (daha doğrusu, öhdəlik hüququnun ümumi hissəsinin) elmi (doktrinal) işıqlandırılmasına həsr edilmişdir. Burada həmin yarımsahələrin institutlarının məna və mahiyyətinə bütün detal və parametrləri ilə aydınlıq gətirilir.
Müəllif :
Sabir Allahverdiyev
Nəşr tarixi : 2009
Cəmiyyətin cinayətkar qəsdlərdən etibarlı mühafizəsinin təminatı Azərbaycan dövlətinin qarşısında duran ağır problemlərdəndir. Dövlət və hüququn yarandığı formasiyadan başlayaraq cinayətkarlıqla bağlı gərginlik bütün ictimai-iqtisadi formasiyalarda yaşanıb və yaşanacaq. Azərbaycan Respublikasının CM-də insan alveri cinayətləri XIX fəsilin "Şəxsiyyətin azadlığı və ləyaqəti əleyhinə olan cinayətlər” fəsilində ehtiva edilmişdir.
Müəllif :
Şəmsəddin Əliyev
Nəşr tarixi : 2015
.jpg)
