“Nəşriyyat işi haqqında” Azərbaycan Respublikasının Qanununun 27-ci maddəsinin (Kitabxana Kollektoru) vəzifələrinə - müvafiq elm və ixtisas sahələrinə aid çap olunan nəşrlərin məcburi nüsxələrinin ixtisaslaşmış dövlət qurumlarına göndərilməsi və onların fondlarının zənginləşdirilməsinə xidmət etməsi bəndinin əlavə olunmasına zərurət vardır. Məsələn, hüquq, tibb, iqtisadiyyat, mədəniyyət və incəsənət, texnologiya və digər oxşar sahələr üzrə fəaliyyət göstərən dövlət müəssisələrinin yeni nəşrlərlə təchiz edilməsi və bu prosesin mərkəzləşdirilmiş elektron qeydiyyat sistemi vasitəsilə izlənilməsi təklif olunur. Təklifin tətbiqi ixtisaslaşmış dövlət qurumlarının fondlarının yeni nəşrlərlə zənginləşdirilməsinə və həmin dövlət müəssisələrində çalışan əməkdaşların peşə fəaliyyətinin yaxşılaşdırılmasına töhfə verə bilər.