“Uşaq hüquqları haqqında” Qanunun 15-ci (Uşağın məlumat azadlığı) maddəsi uşağın məlumat alma və fikrini ifadə etmək hüququnu təmin edir. Lakin Qanunda rəqəmsal informasiya mühitində təhlükəsiz davranış, etik qaydalar və kibermədəniyyətin formalaşdırılması ilə bağlı maddə göstərilmir. Uşaqlarda rəqəmsal savadlılığın inkişafı, onlayn təhlükələrin tanınması və müdafiə bacarıqlarının artırılması məqsədilə “Rəqəmsal savadlılıq və maarifləndirmə tədbirləri” adlı maddənin Qanuna əlavə edilməsi təklif olunur.