“Uşaq hüquqları haqqında” Qanunda uşağın hüquqlarının pozulması hallarına qarşı ümumi məsuliyyət prinsipinin olması qeyd olunsa da, lakin rəqəmsal mühitdə hüquq pozuntularına qarşı konkret inzibati və cinayət məsuliyyəti göstərilmir. Eyni zamanda uşağın rəqəmsal istismarına, görüntülərinin icazəsiz paylaşılmasına və onlayn təhqirə görə hansı məsuliyyətin tətbiq ediləcəyi bu qanunda yer almır. Bunları nəzərə alaraq, belə hallara yol verən şəxslərin inzibati və cinayət məsuliyyətinə cəlb edilməsi, həmçinin uşağın psixoloji və hüquqi reabilitasiyasının dövlət tərəfindən təmin olunması nəzərə alınaraq, Qanuna “Rəqəmsal mühitdə uşağın hüquqlarının pozulmasına görə məsuliyyət” adlı yeni maddənin əlavə edilməsi məqsədəuyğun hesab edilir.