Azərbaycan Respublikasında əcnəbilərin və ya vətəndaşlığı olmayan şəxslərin cinayət məsuliyyətinin hüquqi əsasları - Polis Akademiyasının Elmi Xəbərləri Elmi Hüquq Jurnalı №4 (2021)

Azərbaycan Respublikasında əcnəbilərin və ya vətəndaşlığı olmayan şəxslərin cinayət məsuliyyətinə cəlb edilməsinin hüquqi əsasları beynəlxalq hüquq normalarına uyğun olaraq Azərbaycan Respublikası Cinayət qanunvericiliyinin normaları ilə tənzimlənir. Həmin şəxslərin cinayət məsuliyyətinin hüquqi əsaslarını izah etməzdən əvvəl cinayət və cəza anlayışların hüquqi mahiyyətinin nədən ibarət olduğunu nəzərdən keçirək.
Müəllif : Rasim Ağasiyev - h.ü.f.d., Azərbaycan Milli Elmlər Akademiyasının Hüquq və İnsan Haqları İnstitutunun Əcnəbilərin hüquqları və miqrasiya şöbəsinin müdiri.
Nəşr tarixi : 2021

Müharibə cinayətlərinə görə vəzifəli şəxslərin məsuliyyəti: Yurisdiksiya problemi - Polis Akademiyasının Elmi Xəbərləri Elmi Hüquq Jurnalı №4 (2021)

Müasir beynəlxalq hüquqda yüksək vəzifəli şəxslərin, dövlət başçılarının və s. vəzifəli şəxslərin barəsində xarici məhkəmələrin yurisdiksiyasına qarşı konkret immunitetləri təsbit edilir. Beynəlxalq hüququn bu norması, beynəlxalq hüquq sisteminin mövcudluğu və dövlətin bu sistemin əsas subyekti kimi tanınması ilə praktiki olaraq eyni zamanda formalaşmışdır. XX əsrə qədər dövlətin suverenliyi mütləq və tamamilə sarsılmaz hesab edilirdi, müvafiq olaraq, dövlətin yüksək vəzifəli şəxslərinin immunitetləri də mütləq hesab edilirdi.
Müəllif : Mehriban Eyyubova - h.ü.f.d., Bakı Dövlət Universitetinin Hüquq fakültəsinin Beynəlxalq ümumi hüquq kafedrasının dosenti.
Nəşr tarixi : 2021

The law and linguistic movements dedicated to resolve concrete and specific legal problems - Polis Akademiyasının Elmi Xəbərləri Elmi Hüquq Jurnalı №4 (2021)

Anyone who hears the term ‘legal language’ thinks instantly of grammatically complex, infrequently punctuated, over-lexicalized, whole written text. Because the turning period for the textualizing of the law was during the period when the king and the aristocracy standardly spoke French, legal language still displays vital French influences. French was the language of the courts, though from very early on there were reductions to the fact that the language of the majority of the population was English.
Müəllif : Valida Samadova (Karimova) BETM, “Pedaqogika” jurnalının məsul katibi, German dilləri üzrə doktorant
Nəşr tarixi : 2021

Əməliyyat-axtarış fəaliyyətinin həyata keçirilməsi zamanı insan və vətəndaş hüquq və azadlıqlarının təmin olunmasının əsas müddəalari - Polis Akademiyasının Elmi Xəbərləri Elmi Hüquq Jurnalı №4 (2021)

Əməliyyat-axtarış fəaliyyətinin səciyyəvi xüsusiyyətlərindən biri bu fəaliyyətin əksər hallarda qeyri-aşkar üsullarla həyata keçirilməsidir. Belə halda əməliyyat-axtarış tədbirlərinin səmərəliliyinin artırılması üçün çox vaxt vətəndaşların konstitusion hüquq və azadlıqlarının məhdudlaşdırılmasına zərurət yaranır. Bunun nəticəsində bir çox ağır və xüsusilə ağır cinayətlərin qarşısının alınması, törədilmiş cinayətlərin açılması təmin olunur.
Müəllif : Nurəddin Salmanzadə Azərbaycan Respublikası DİN-in Polis Akademiyasının “Əməliyyat-axtarış Fəaliyyəti” Kafedrasının Baş Müəllimi, Polis Polkovnik-Leytenantı; Nizami Qədirov Azərbaycan Respublikası Dövlət Sərhəd Xidməti Akademiyasının Xüsusi fənlər kafedrasının rəisi, istefada olan polkovnik
Nəşr tarixi : 2021

Dövlət qulluğu ilə əmək hüququnun qarşılıqlı əlaqəsi: hüquqi münasibətlərin müasir modeli - Polis Akademiyasının Elmi Xəbərləri Elmi Hüquq Jurnalı №4 (2021)

Dövlət qulluğu müxtəlif elm sahələrinin tədqiqat predmetinə daxildir. Dövlət qulluğunu şərtləndirən əsas amillər sistemində hüquq mühüm yer tutur. Başqa sözlə hüquq dövlət qulluğunun əsasını təşkil edir. Dövlət qulluğu hüquqi kateqoriya olaraq hüququn müxtəlif sahələrini özündə birləşdirir. Buna görə də, elmi və normativ mənbələrdə dövlət qulluğu kompleks hüquq institutu kimi xarakterizə olunur
Müəllif : Oruc Məmmədov - hüquq üzrə fəlsəfə doktoru, dosent
Nəşr tarixi : 2021

44 günlük müharibədə və erməni təcavüzü ilə mübarizədə Heydər Əliyev siyasi irsinin təntənəsi - Polis Akademiyasının Elmi Xəbərləri Elmi Hüquq Jurnalı №4 (2023)

Azərbaycan 2020-ci ildə Heydər Əliyevin siyasi kursunun davamçısı, ölkə Prezidenti, Müzəffər Ali Baş Komandan cənab İlham Əliyevin rəhbərliyi və qəhrəman Azərbaycan xalqının milisilsiz şücaəti sayəsində 44 günlük Vətən müharibəsində özünümüdafiə hüququndan istifadə edərək əks-hücum əməliyyatları keçirməklə Zəfər qazanmış, ərazilərimizi işğaldan azad etmişdir.
Müəllif : Səyyad Məcidov - Ədliyyə Akademiyasının baş müəllimi, hüquq elmləri üzrə fəlsəfə doktoru
Nəşr tarixi : 2023

Heydər Əliyev milli-mənəvi dəyərlərin keşiyində (XX əsrin 70-80-ci illəri) - Polis Akademiyasının Elmi Xəbərləri Elmi Hüquq Jurnalı №4 (2023)

Dövrün yetişdirdiyi qüdrətli tarixi şəxsiyyət olan Heydər Əliyevin parlaq siyasi zəkası, analitik, geniş miqyaslı düşüncə tərzi, müdrikliyi, uzaqgörənliyi, xarizması, ensiklopedik biliyi, liderlik xüsusiyyətləri sayəsində iki əsrin və iki minilliyin qovuşuğundakı Azərbaycan öz milli-mənəvi dəyərlərini qoruyaraq, üçüncü minilliyə inamla qədəm qoymuşdur.
Müəllif : İradə Hüseynova - BDU-nun “Qafqaz xalqları tarixi” kafedrasının müdiri, tarix elmləri doktoru, professor, Əməkdar müəlli
Nəşr tarixi : 2023

Mənzil oğurluğu cinayətlərinin törədilməsinə səbəb və şərait yaradan halların kriminalistik xüsusiyyətləri - Polis Akademiyasının Elmi Xəbərləri Elmi Hüquq Jurnalı №4 (2023)

Cinayətin qarşısının alınması dövlətin, cəmiyyətin, fiziki və hüquqi şəxslərin bütövlükdə cinayətə və onun müəyyən növlərinə, xüsusən də yeni şəxslərin cinayətə cəlb olunmasının qarşısını alınmasına məqsədyönlü təsiri olub, cinayət əməllərinin törədilməsinin, ictimai münasibətlərin kriminallaşdırılmasının genişləndirilməsinin vaxtında xəbərdarlıq edilməsinə imkan verir. Azərbaycan Respublikasının cinayət-prosessual qanunvericiliyinə əsasən, cinayətlərin törədilməsinə kömək edən hallar, onların səbəb və şəraitlərinin aşkar edilməsi, həmçinin də onların aradan qaldırılması üzrə tədbirlər görməlidir.
Müəllif : Orxan Yaqublu
Nəşr tarixi : 2023

Yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla özgə əmlakını oğurluq yolu ilə talamanın cinayət-prosessual və təcrübi problemləri - Polis Akademiyasının Elmi Xəbərləri Elmi Hüquq Jurnalı №4 (2023)

Cinayətkarlığın strukturunda mülkiyyət əleyhinə edilən cinayətlərin xüsusi çəkisi həmişə yüksək olmuşdur və indi də belədir. Həmin cinayətlər sırasında ən geniş yayılanı isə yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla özgə əmlakını talama əməlləridir. Qeyd olunan cinayətlərin ayrı-ayrılıqda ictimai təhlükəliliyi çox böyük görünməsə də, geniş yayılmasını nəzərə alsaq, onların məcmu halda cəmiyyətə çox böyük maddi və mənəvi ziyan vurduğunu görərik.
Müəllif : İlkin Ələkbərov - Azərbaycan Respublikası DİN-nin Polis Akademiyası “DİO-da inzibati fəaliyyət” kafedrasının müəllimi, polis leytenantı
Nəşr tarixi : 2023

Cərimə cəza növünü icra etməkdən yayınan şəxslərə qarşı bu cəza növünün digər cəza növləri ilə əvəz olunmasının hüquqi problemlər - Polis Akademiyasının Elmi Xəbərləri Elmi Hüquq Jurnalı №4 (2023)

Hər bir ölkənin əhalisinin təhlükəsiz və əmin-amanlıq şəraitində yaşaması, hüquqi dövlətin ən vacib şərti kimi birgə yaşayış norma və qaydalarının, milli əxlaqi dəyərlərin və sosial siyasi mühitin mövcudluğunu özündə əks etdirir. Azərbaycan Respublikası da hüquqi, demokratik dövlət olduğundan dövlətçilik ənənələri də insan hüquq və azadlıqlarının qorunması və müdafiəsi prinsiplərinə istinad edir.
Müəllif : Toğrul Həsənov - Azərbaycan Respublikası DİN-in Polis Akademiyasının I kurs magistrantı, polis baş leytenantı
Nəşr tarixi : 2023