Məqalə ştat ixtisarı ilə əlaqədar işdən çıxarılmış işçinin sonradan məhkəmə qərarı əsasında əvvəlki vəzifəsinə bərpa olunarkən ona məcburi işburaxma dövrü üçün verilən əməkhaqqının bəzi problemlərindən bəhs edir. Belə ki, işdən çıxarılan zaman müavinət almış işçi sonradan məhkəmə qərarı əsasında əvvəlki vəzifəsinə bərpa edilərkən işəgötürənin həmin işçiyə məcburi iş buraxma dövrü üçün əməkhaqqı ödəmək öhdəliyi əmələ gəlir. Məqalədə məcburi iş buraxma dövrünə görə ödənilən əməkhaqqının işdən çıxarma zamanı verilmiş ödənişlər (əməkhaqqı, müavinət və s.) həcmində azaldılması təklif edilmişdir.
Müəllif :
Ata Vəliyev
Nəşr tarixi : 2025
Bu məqalədə müəllif cinayətə dair məlumatların müvafiq istintaq orqanına göndərilməsi ilə bağlı cinayətprosessual qanunvericiliyinin yanlış tətbiqini müzakirə edir. Müəllif istintaq orqanına göndərilən cinayət məlumatlarının müvafiq icra hakimiyyəti orqanının səlahiyyətinə aid olduğu halda, ilkin yoxlama materialları ilə birlikdə həmin icra strukturunun eyni istintaq orqanına göndərilməsinin yanlış olduğunu qeyd edir. Bu vəziyyət yoxlanılan şəxsin hərəkətlərində cinayət tərkibinin olduğu ehtimalına əsaslanaraq baş verir. Məqalədə müvafiq normaların elmi-praktik izahı verilir və Cinayət-Prosessual Məcəllənin müəyyən müddəalarının təkmilləşdirilməsi üçün konkret təkliflər təqdim olunur.
Müəllif :
Yasin Mikayıllı
Nəşr tarixi : 2025
Cinayət prosesi nəzəriyyəsində tədqiq olunan məsələlərdən biri də “prosessual qərar” institutudur. Elmi ədəbiyyatlarda bir çox nəzəriyyəçilər qərar və prosessual qərar anlayışları arasında fikir müxtəlifliyinə sahibdir. Biz cinayət prosessual hüquq baxımından qərarın mahiyyətini və onun prosessuallığını araşdırmışıq. Qərarın prosessual xarakter daşıması qərarı qəbul edən subyekt və onun qəbul edilmə forması ilə əlaqədardır. Eyni zamanda bu məqalədə bir sıra məsələlər araşdırılmışdır. Bu məsələlərə qərar və prosessual qərar anlayışı, onların növləri, xüsusiyyətləri və s. aiddir
Müəllif :
Barat Sadıqov
Nəşr tarixi : 2025
Məqalədə cinayət mühakimə icraatının məhkəməyədək mərhələsində mütəxəssisin iştirakının bir sıra təşkilati-prosessual aspektləri nəzərdən keçirilmiş, istintaq hərəkətlərində mütəxəssisin iştirakının əsas prinsipləri sistemləşdirilmişdir. Hadisə yerinə baxış, şəxsi müayinə, axtarış, istintaq eksperimenti və digər istintaq hərəkətlərində mütəxəssisin iştirakının bəzi taktiki, təşkilati və prosessual xüsusiyyətləri təhlil edilmişdir. Cinayət mühakimə icraatının məqsəd və vəzifələrinə uyğun olaraq mütəxəssislərin xüsusi biliklərindən və bacarıqlarından istifadə məsələlərinin hüquqi tənzimlənməsinin təkmilləşdirilməsinin əsas istiqamətləri müəyən olunmuşdur.
Müəllif :
Anar Mikayılov
Nəşr tarixi : 2025
Возрастающая степень взаимосвязанности мира требует координации усилий государств в сфере налогообложения, прежде всего в рамках международных организаций и интеграционных объединений. Такая необходимость возникает, в частности, из-за того, что процессы углубления интеграции государств, особенно на региональном уровне, сопровождаются динамичным развитием и гармонизацией налогов, а гармонизация налогов, в свою очередь, предполагает унификацию налоговых систем государств. В этих условиях вопрос создания национальной налоговой системы уже не является чисто внутренним аспектом государств, он приобретает все большее международное значение в процессе углубления интеграции. Следовательно, любая попытка государств разработать эффективную модель национальной налоговой системы без учета международных достижений в этой сфере обречена на провал. На данном этапе развития остро стоит вопрос поиска, прежде всего, механизма устранения налоговых барьеров для международного движения товаров, услуг и капитала. Современный этап развития человечества характеризуется тенденцией, которая в доктрине получила название «Глобальная налоговая реформа». В рамках этой глобальной реформы идет процесс ужесточения не только национального законодательства государств, но и международных налоговых правил и процедур, совершенствуется международно-правовая база в сфере налогообложения. Целью исследования является анализ различных аспектов глобальной налоговой реформы, процессов гармонизации и унификации налоговых систем государств и их влияния на формирование международно-правовых норм и принципов в сфере налогообложения. Достижение данной цели осуществляется путем решения ряда задач: исследовать основные понятия, используемые в международных соглашениях о налогообложении, а также принципы, используемые в налогообложении; рассмотреть различные аспекты суверенитета и территориального верховенства государств, выступающие основой налогообложения.; В частности, в связи с тем, что процессы углубления интеграции государств, особенно на региональном уровне, сопровождаются динамичным развитием и гармонизацией налогов, а гармонизация налогов.
Müəllif :
Р. Абдуллазаде
Nəşr tarixi : 2025
İnsan hüquqları fundamental və daha geniş bir anlayış olub, bir növ hörümçək torunu xatırladır. Beynəlxalq
humanitar hüquq isə nisbətən dar anlayış olmaqla, o tora yapışmalı olan həşəratdır. Bu torun miqyasını böyütmədikcə, o tor bütün dünyanı əhatə etmədikcə biz bütün coğrafi regionlarda baş verən müharibələri tora yapışdırıb hüquqdan asılı hala gətirərək onlara beynəlxalq nəzarəti həyata keçirə bilməyəcəyik. Bu işdə isə bütün
dünya dövlətləri maraqlı olmalıdır.
Müəllif :
Asəf Hüseynov
Nəşr tarixi : 2025
Bu məqalədə dövlətlərin beynəlxalq-hüquqi məsuliyyəti ilə bağlı ən mühüm məsələlər - məsuliyyətin formaları və ziyanın ödənilməsi məsələləri müzakirə edilir. Həmçinin müəllif Ermənistanın işğalı nəticəsində Azərbaycana dəymiş ziyanın ödənilməsi ilə bağlı hüquqi aspektləri analiz edir.
Müəllif :
Zaur Bağırov
Nəşr tarixi : 2025
Layiqli həyat səviyyəsi insanın cəmiyyətdə əldə edilə bilən ən yüksək standartlara ləyaqətlə, təhlükəsiz və tələbatları ödənilmiş şəkildə çatmasıdır. Burada qeyd edilən təhlükəsizlik anlayışı bütün maddi aləmi əhatə edərək təbiətə nəzərən özündə ətraf mühitin mühüm elementləri hesab edilən adekvat mənzil, layiqli su, yararlı qida, təmiz hava və s. kimi məfhumları birləşdirir və son nəticədə sağlam və davamlı ətraf mühit hüququ olaraq insan rifahının təminatına yönəlir. Bu hüquq konstitusiya dəyərləri və əsas hüquqların beynəlxalq ətraf mühit prinsipləri ilə vəhdətini təcəssüm etdirir, insan hüquqlarına və geri çəkilməmək prinsipinə hörmət ruhunda cərəyan eldir. Sağlam ətraf mühit hüququnun Hüquqlar haqqında Bill və digər mühüm universal sənədlərdə tanınmaması məsələni mürəkkəbləşdirən əsas amillərdəndir. Lakin 2022-ci ildə BMT Baş Assambleyası Qətnaməsi ilə onun universal səviyyədə tanınması bu istiqamətdə dövlətlər üçün nəzəri və təşkilati aspektdə müvafiq öhdəliklər formalaşdırır. Məqalədə sağlam və davamlı ətraf mühit hüququnun universal, regional və yerli səviyyələrdə müqavilə əsası təhlil edilir, müəllif tərəfindən bu hüquq sahəsi ilə əlaqədar müəyyən ümumiləşdirmələr aparılaraq Sosial, İqtisadi və Mədəni Hüquqlar haqqında 1966-cı il Paktına “Sağlam və Davamlı Ətraf Mühit Hüquqları haqqında Fakultativ Protokol”un və “Azərbaycan Respublikası Ətraf Mühit Məcəlləsi”nin qəbul edilməsi təklifləri irəli sürülür.
Müəllif :
Mələkxanım Rəhimova
Nəşr tarixi : 2025
Məqalədə Azərbaycan Respublikasında yetkinlik yaşına çatmayanların hüquqlarının müdafiəsi məsələsi dövlət siyasətinin əsas istiqamətlərindən biri kimi araşdırılır. Uşaq hüquqlarının qorunması sahəsində milli qanunvericiliyin beynəlxalq standartlara uyğunlaşdırılması, dövlət qurumlarının bu sahədəki rolu və həyata keçirilən tədbirlər təhlil edilir. Həmçinin uşaq hüquqlarının müdafiəsi sahəsində mövcud problemlər və onların həlli yolları müzakirə olunur. Məqalə Azərbaycan Respublikasının uşaqların rifahını təmin etmək üçün qəbul etdiyi qanunvericilik aktları, sosial proqramlar və digər təşəbbüsləri işıqlandıraraq, bu sahədəki inkişaf istiqamətlərini ortaya qoyur. Məqalədə göstərilən predmet müqayisəli hüquqi təhlil, deduksiya, digər ümumelmi və xüsusi metodologiyadan istifadə edilməklə araşdırılmışdır
Müəllif :
Kənan Ağayev
Nəşr tarixi : 2025
İnsan və vətəndaşın hüquq və azadlıqlarının müdafiəsinin konstitusiya vasitələri bilavasitə hüquq sistemi ilə və bütövlükdə hüquqi müdafiənin mexanizmi ilə bağlıdır. Məsələ burasındadır ki, müdafiə tədbirləri hüquqların bərpası üçün tətbiq edilir və hüquqi tələblərə riayət etməni təmin edən ölçü kimi xidmət edir. Hər bir ölçünün tətbiqinin məzmunu və qaydası təsirin ciddi müəyyən edilmiş formalarını, onların düzgün tətbiqini təmin edən zəmanətin, onun tətbiqinin dairəsini, bu ölçüləri tətbiq edən orqanları müəyyən edən hüquq normalarıyla tənzimlənir. Belə tənzimləmə dövlətin müstəsna səlahiyyətidir. İnsan və vətəndaşın hüquq və azadlıqlarının müdafiəsi institutunun yekunlaşdırıcı elementi, bizim fikrimizcə, insan hüquqlarının müdafiəsinin konstitusiya vasitələridir. Onların anlayışını müəyyən edərək, biz hüquqi vasitələrin ümumi anlayışına əsaslanırıq.
Müəllif :
Hüseyn Əsgərov
Nəşr tarixi : 2025
