Samirə Asəf qızı Qaramollayeva 18 yanvar 1975-ci ildə Bakı şəhərində anadan olub. 1992-1996-cı illərdə Xəzər Universitetinin Beynəlxalq münasibətlər fakültəsində bakalavr təhsili alıb. 2002-ci ildə Beynəlxalq hüquq ixtisası üzrə magistraturanı bitirib. 2007-2012-ci illərdə AMEA-nın Hüquq və İnsan Haqları İnstitutunun dissertanturasında “Beynəlxalq hüquq; İnsan hüquqları” ixtisası üzrə təhsil alıb və 2012-ci ildə hüquq üzrə fəlsəfə doktoru elmi dərəcəsinə layiq görülüb.    

Əmək fəaliyyətinə 1998-ci ildən başlayıb. 1998-2002-ci illərdə Azərbaycan Milli Elmlər Akademiyası Rəyasət Heyətinin Xarici əlaqələr şöbəsində mütəxəssis, 2002-2012-ci illərdə Azərbaycan Milli Elm Fondunda baş proqram meneceri, 2012-2022-ci illərdə AMEA-nın Hüquq və İnsan Haqları İnstitutunda elmi katib vəzifəsində çalışıb.

2023-cü ildən “Hüquq və İnsan Haqları İnstitutu” publik hüquqi şəxsin Hüquq və kadrlar şöbəsində kadr üzrə mütəxəssis işləyib. 2024-cü ilin iyun ayından Sənədlərlə iş şöbəsinin müdiri vəzifəsində çalışır.

Azərbaycan, rus və ingilis dillərini bilir.
Ailəlidir, 1 övladı var.

Sənədlərlə iş şöbəsinin 9 əməkdaşı var.

Şöbənin fəaliyyət istiqamətləri:

·        Kargüzarlıq işini təşkil edir və həyata keçirir;

·        Arxiv işini təşkil edir və fəaliyyətinə nəzarət edir;

·        Vətəndaşların qəbulu, onların müraciətlərinə baxılması ilə bağlı fəaliyyəti əlaqələndirir;

·        İnstitutun elmi kitabxanasının fəaliyyətini təşkil edir və onun fəaliyyətinə rəhbərlik edir;

·        Tərcümə işlərinin görülməsini təşkil edir və həyata keçirir;

·        Elektron sənəd dövriyyəsinin təşkili istiqamətində aidiyyəti üzrə müvafiq tədbirlər görür.