Qəribova İnci Elçin
MM-nin 45.2-ci maddəsinin dispozitiv, yoxsa imperativ norma olması ilə bağlı məlumat almaq istəyirdim. Əgər imperativdirsə normanın praktikada geniş tətbiq olunmadığı müşahidə olunur, bu məsələyə münasibət bildirməyinizi xahiş edirəm.
Dərc olunub : 19-11-2024
Qeyd edilən sual ilə əlaqədar hesab etmək olar ki, normanın məzmunu imperativ olmaqdan daha çox dispozitiv xarakterə malikdir. MM-nin 45.2-ci maddəsində ifadə olunan “müəyyənləşdirirlər” ifadəsi normanın məzmununu dispozitivliyə yaxınlaşdırır. Doğrudur 45.2-ci maddədəki “müəyyənləşdirirlər” ifadəsindən əvvəlki məzmun imperativ kimi anlaşılsa da, “müəyyənləşdirirlər” sözü özlüyündə maddənin məzmununu bir mənalı(imperativ olaraq) anlaşılmasına mane olur. Eyni zamanda qeyd etmək lazımdır ki, MM-nin 6.1-6.2 və 390-cı maddələr ilə 45.2-ci maddənin məzmununun uzlaşdırılmış təhlili nəticəsində də belə qənaətə gəlmək olur ki, sual edilən normanın (45.2-ci maddə) mahiyyəti əsasən dispozitiv xarakterə malikdir.