31 oktyabr 2019-cu il tarixdə AMEA Hüquq və İnsan Haqları İnstitutu, Azərbaycan Respublikasının İnsan Hüquqları üzrə Müvəkkili (Ombudsman) və Azərbaycan Respublikası Dini Qurumlarla İş üzrə Dövlət Komitəsinin birgə təşkilatçılığı ilə “Din və insan hüquqları” mövzusunda konfrans keçirilmişdir. Sözügedən tədbirdə AMEA Hüquq və İnsan Haqları İnstitutunun elmi işlər üzrə direktor müavini, hüquq üzrə elmlər doktoru, professor Nazim Cəfərli “İslam dini və insan hüquqlarının təməl prinsipləri” mövzusunda məruzə ilə çıxış etmiş, institutda bu sahədə aparılan işlər barədə ətraflı məlumat vermişdir.