Açıqlama:

Təqdim edilən əsər müəllifin cinayət və cəzanın mahiyyəti, ölüm cəzasının problemləri haqqında əvvəllər “Cinayət və cəzanın fəlsəfəsi” (2013), “Cəzanın əxlaqiliyi haqqında” (2016) adlı kitablarında əksini tapmış düşüncələrinin davamıdır. Əvvəlki əsərlərdə müəllif, əsasən, cəzanın, habelə ölüm cəzasının fəlsəfi mahiyyətindən bəhs etmişdirsə, bu kitabda həmin məsələlər çoxfunksiyalı problem kimi nəzərdən keçirilir, tarixi, dini, fəlsəfi, sosioloji və psixoloji amillər kontekstində tədqiq edilir. Müəllif oxucuya ölüm cəzası fenomeni ilə bağlı yalnız öz mühakimələri ilə deyil, həmçinin elmi ədəbiyyatlarda mövcud olan müxtəlif rəylərlə tanış olmaq imkanını verir. Belə yanaşma hər bir oxucu üçün aşağıdakı suala cavab vermək imkanını yaradır: ölüm cəzası olsun, yoxsa olmasın?