Açıqlama:

Məqalədə insan alveri cinayətinin anlayışı və qanunvericilikdə təsbiti məsələləri nəzərdən keçirilir.CM-nin 144-1-ci maddəsinin dispozisiyasında və eləcə də “İnsan alverinə qarşı mübarizə haqqında” Qanunda “insan alveri”nə əhatəli anlayış verilmişdir. BMT-nin və digər beynəlxalq qurumların qəbul etdiyi konvensiyalarda da “insan alveri”nə yetərincə anlayış verilmişdir. Bununla belə, beynəlxalq ekspertlər, görkəmli alimlər insan alveri fenomenini təhlil edərkən müxtəlif mövqedən çıxış etmişlər. Təklif olunan bəzi anlayışların üstün cəhəti ondan ibarətdir ki, müəlliflər beynəlxalq qanunvericilik normalarını nəzərə almaqla yanaşı, milli qanunvericilik texnikası qaydalarını da nəzərdən qaçırmamışlar. Son olaraq “insan alveri” anlayışı məqalədə qeyd edilən BMT-nin müvafiq Protokoluna uyğun olaraq hazırlanmışdır.