Açıqlama:

Əməliyyat‑axtarış fəaliyyəti qanunvericiliyində insan hüquq və azadlıqlarının təminatı müstəqil norma kimi nəzərdə tutulmuşdur. Bu normada insan hüquq və azadlıqlarının qorunması, müvvəqqəti məhdudlaşdırmaya əsas olan hallar, hüquq və azadlıqları pozulmuş şəxsin şikayət etmək, şəxsin əməliyyat‑qeydiyyat işinin məzmunu ilə tanış olmaq hüquqları diqqətə çatdırılır. Sözügedən normanın tələblərinin əməliyyat‑axtarış fəaliyyəti subyekti tərəfindən pozulması cinayət, inzibati və mülki məsuliyyətə səbəb olur ki, pozuntuya məruz qalmış şəxs bu məsuliyyətin tətbiq olunmasını tələb etmək hüququna malikdir. Eyni zamanda şəxs bu pozuntu nəticəsində pozulmuş hüquq və azadlıqları ilə bağlı onların bərpa olunmasını, bu mümkün olmadıqda isə kompensasiya tələb etmək hüququna da sahibdir.