Açıqlama:

Azərbaycan Respublikasının Prezidenti İ.H.Əliyev dövlət başçısı kimi fəaliyyətinin ilk vaxtından respublikamızın məhkəmə-hüquq sisteminin müasirləşdirilməsi, cinayət-hüquqi siyasətin liberallaşdırılması, cəzanın humanistləşdirilməsi, cəzadan azad etmə institutunun daha geniş tətbiqi istiqamətində ardıcıl tədbirlər həyata keçirmişdir. Bu baxımdan cənab Prezidentin 3 aprel 2019-cu il tarixdə imzaladığı “Məhkəmə-hüquq sistemində islahatların dərinləşdirilmısi haqqında” Fərmanı ölkəmizdə həyata keçirilən məhkəmə hüquq islahatlarının məntiqi davamıdır.