Narkotik vasitələrin, psixotrop maddələrin və onların prekursorlarının qanunsuz dövriyyəsi ilə bağlı cinayətlər beynəlxalq xarakterli cinayətlərdir. Bu sahədə mövcud olan üç Beynəlxalq Konvensiyaya (1961-ci il Narkotik vasitələr haqqında Vahid Konvensiya, 1971-ci il Psixotrop maddələr haqqında Konvensiya və 1988-ci il Narkotik vasitələrin və psixotrop maddələrin qanunsuz dövriyyəsinə qarşı mübarizə haqqında Konvensiya) qoşulmuş Azərbaycan Respublikası onların normalarını 1999-cu il CM-in 26-cı (234-239-cu maddələr) fəslinə transformasiya etmişdir. Müəllif bu cinayətlərə görə məsuliyyət məsələlərinin daha da təkmilləşdirilməsini həm humanistləşdirmə, həm də məsuliyyətin sərtləşdirilməsi istiqamətlərində davam etməsini zəruri hesab edir. Məqalədə, Azərbaycanda narkotik vasitələrin, psixotrop maddələrin və onların prekursorlarının qanunsuz dövriyyəsi ilə bağlı cinayətkarlığın vəziyyətinin müqayisəli təhlili də verilir.
Qiymətləndir