Açıqlama:

Yüz il əvvəl Azərbaycan Xalq Cümhuriyyəti istiqlalının elan edilməsi imperiya əsarətində olan xalqımızın milli azadlıq mübarizəsinin qanunauyğun nəticəsi və milli dövlətçilik ənənələrinin davamı kimi xarakterizə olunur. 1918-1920-ci illər Azərbaycan xalqının siyasi və dövlətçilik şüurunun təşəkkül tapdığı, milli mənliyə qayıdış proseslərinin misilsiz vüsət aldığı bir dövrdür. Azərbaycan Xalq Cümhuriyyəti və onun Parlamenti obyektiv və subyektiv amillərin doğurduğu məhrumiyyət və məşəqqətlərlə dolu olan çox mürəkkəb bir tarixi şəraitdə meydana gəlmişdir.