Açıqlama:

Portuqaliya Respublikasının Azor adaları Muxtar Regionu ölkənin qərb sahillərindən 1360 km qərbdə Atlantik okeanında yerləşən 9 məskunlaşmış və bir neçə kiçik vulkanik adadan ibarətdir. Arxipelaqın ümumi səth sahəsi 2322 km2, əhalisi isə 247 min nəfərdir (ölkə əhalisinin 2,3%-i). Muxtariyyətin inzibati mərkəzi Ponta-Delqada şəhəridir. Adalar şimal-qərbdən cənub-şərqə doğru 644 km məsafədə uzanıb, Avropa ilə bir tərəfdən Afrika, digər tərəfdən Amerika arasında mühüm dəniz və hava tranzit məkanıdır.