Açıqlama:

Məqalədə müəllif tərəfindən müasir dövrdə formalaşmaqda olan beynəlxalq tibb hüququnun predmeti və metodu barədə məsələlər elmi cəhətdən araşdırılır. Qeyd olunur ki, beynəlxalq tibb hüququnun tənzimetmə predmetini tibb fəaliyyətinin həyata keçirilməsi ilə əlaqədar yaranan ictimai münasibətlər təşkil edir. Beynəlxalq tibb hüququnun tənzimetmə metodu dedikdə, beynəlxalq tibb hüququnun tənzimetmə predmetinə daxil olan tibb münasibətlərinə onun göstərdiyi təsir üsulları (vasitələri) başa düşülür.