Açıqlama:

Hüquqi mənada cinayət törədənin yaxalanması ilə əlaqədar müəyyən şərtlər daxilində yol verilən tədbirlər cinayət sayılmır. Cinayətkarın yaxalanması ədalət mühakiməsi orqanları qarşısında duran vəzifələrin həyata keçirilməsinə kömək edir, oğurlanmış əmlakın qaytarılmasını, vurulmuş zərərin ödənilməsini təmin edir. Cinayət törədənin yaxalanması, onun yenidən törədə biləcəyi cinayətlərin qarşısını alır. Qeyd edilən cəhətlər bu institutun əhəmiyyətini göstərir [1.305]. Xüsusilə qeyd etmək lazımdır ki, cinayətkarlığın qarşısının alınmasında bütün hüquq sahələrini tənzimləyən hüquq normaları böyük əhəmiyyət kəsb edir.