Açıqlama:

Bayraq Azərbaycan Respublikasının mühüm dövlət rəmzlərindən biridir. Planetimizin hər bir ölkəsi kimi Azərbaycan Respublikası da dünya dövlətlən sırasında öz bayrağı ilə təmsil olunur, tanınır. Tarixə nəzər salsaq görərik ki, Azərbaycan ərazisində müxtəlif dövrlərdə mövcud olmuş dövlətlərin bayraqları dövlətin xarakterinə, xalqın düşüncəsinə, milli mənəvi keyfiyyətlərinə uyğun bır tərzdə seçilirdi. Bu səbəbdən istər tarixdə, istərsə də indinin özündə hər hansı bır ölkənin bayrağına diqqət yetirsək, həmin bayraq altında hansı cəmiyyət yer alıbsa onun simasını, keçdiyi tarixi inkişafyolunu, bayraqdakı təsvir və rənglərin mənasını görə bilərik. Ölkəmizin başı üzərində dalğalanan üç rəngli bayrağımız da Azərbaycan xalqının milli mənsubiyyətini, mənəvi dünyasını, tarixi keçmişini və müasir mədəni inkişafıni təcəssüm etdirir.