Açıqlama:

Son vaxtlar bir çox xarici ölkələrin konstitusiya təcrübəsində deleqə olunmuş qanunvericilik institutunun geniş tətbiq olunması müşahidə olunur (Böyük Britaniya, Fransa, İspaniya, Moldova, Qazaxıstan və s.). Bu cür vəziyyət sosial həyatın mürəkkəbləşməsi və yeni yaranmış münasibətlərin hüquqi tənziminin vaxtında, operativ təmin olunması zəruriliyi ilə izah oluna bilər. Bu məqsədlə Parlament qanunvericilik səlahiyyətinin bir qismini başqa hakimiyyət subyektlərinə həvalə edir. Adətən bu subyektlər qismində icra hakimiyyəti orqanları çıxış edir.