Açıqlama:

Bildiyimiz kimi, insan sağlamlığını təhdid edən koronavirus (COVİD-19) epidemiyası ilə bağlı təhlükə qanunvericilik sisteminə də əlavə və dəyişikliklər etmək zərurətini yaratmışdır. Beləki, Cinayət Məcəlləsinə cinayət qanunvericiliyində mövcud olmayan yeni bir ictimai təhlükəli əməl növü – 139-1 maddəsi əlavə edilmişdir. Həmin əməl epidemiya əleyhinə rejimin, sanitariya-gigiyena və ya karantin rejimlərinin pozulması cinayətidir. Xüsusi olaraq qeyd edək ki, cinayət məsuliyyətinin vacib və yeganə əsasları törədilmiş əməldə qanunda göstərilmiş cinayət tərkibinin mövcud olmasıdır. Təqdim edilən məqalədə sözü gedən cinayət tərkibinin obyekti, obyektiv cəhəti, subyekti, subyektiv cəhəti təhlil edilməklə yanaşı, Cinayət Məcəlləsində təsbiti ilə bağlı geniş şərh verilmişdir. Məqalədə həmçinin İnzibati Xətalar Məcəlləsində olan yeni dəyişikliklərdən bəhs olunmuşdur.