Texnologiyaların sürətli inkişafı ilə əvvəlki dövrlərdən fərqlənən XXI əsrdə insan hüquqlarının müdafiəsi əsas müzakirə predmetlərindən biridir. Xüsusi həssaslığı ilə seçilən uşaqların hüquqlarının qorunması yönündə təminat mexanizmlərin təhlili bir sıra problemlərin həllinə yönəlsə də, qanunlara edilmiş dəyişikliklər və ya müəyyən sahə üzrə hüquq mənbələrinin azlığı yeni maneələr formalaşdıra bilməkdədir. Bu məqalədə Ümumi Məlumat Mühafizəsinin Tənzimlənməsi (General Data Protection Regulation, bundan sonra GDPR[1]) adlı sənəd təhlil edilməklə onun müsbət və ziddiyyətli tərəfləri açıqlanır, həmçinin başda Birləşmiş Millətlər Təşkilatı Uşaq Hüquqları Konvensiyası (bundan sonra UHK) olmaqla digər hüquq mənbələri ilə qarşılıqlı müqayisəsi aparılır. Məqalədə texnoloji inkişafın uşaqların həyatı və hüquqlarına təsirləri də ətraflı izah edilir.
Qiymətləndir