Açıqlama:

Məqalədə ən əvvəl qeyd olunur ki, hüquqi aktların mahiyyətinin araşdırılması yalnız hüquqi aktların əlamətlərinin və növlərinin təhlilini deyil, habelə hüquqi aktın hüquqi sənədlər sisteminin bir tərkib ünsürü kimi dərindən tədqiqini tələb edir. Çünki hüquqi aktlar hüquqi sənədlərə xas olan ümumi əlamətləri ifadə edir. Məqalədə habelə qeyd olunur ki, qeyri-normativ hüquqi aktın mahiyyəti ilk növbədə onun adı ilə (“qeyri-normativ”), yəni normativ müddəaları əks etdirməyən akt kimi müəyyən edilməlidir. Məhz bu amilin əsasında normativ aktın qeyri-normativ aktdan fərqləndirilməsi meyarlarını təyin etmək lazımdır.