Açıqlama:

Məqalədə vətəndaşların əsas hüquqlarından biri kimi layiqli həyat səviyyəsi hüququ təhlil edilmişdir. Tədqiqatçının fikrincə, insanın layiqli həyat səviyyəsinə olan hüququ sosial sferada ictimai münasibətlərin hüquqi tənzimlənməsi standartlarını müəyyən edən bir sıra hüquq sahələrinin kompleks institutu kimi çıxış edir. Buna görə də o, müxtəlif sahəvi aidiyyətə malik olan normalar vasitəsilə reallaşdırıla bilər. Müəllif, məntiqi uyğunluğun təmin olunması üçün qüvvədə olan sosial təminat və əmək qanunvericiliyində minimum əmək haqqının əsas əlamətlərindən biri kimi onun “layiqli həyat səviyyəsi təmin edən sosial normativ” olmasının təsbit edilməsini təklif edir.