Məhkəmə ekspertizasında biliklərin inteqrasiyası – məhkəmə ekspertizasının ümumi nəzəriyyəsi və praktikası qarşısında duran və kompleks xarakter daşıyan vəzifələrin həlli zəruriliyi ilə şərtlənən təbii prosesdir. Bu konseptual müddəalar R.S.Belkin, A.Y.Butırin, Y.L.Dubyaqin, Y.Q.Koruxov, N.P.Maylis, E.R.Rossinskaya, T.V.Tolstuxina, L.Q.Edcubov, A.R.Şlyaxov, A.İ.Vinberq, S.F.Bıçkova, Y.Q.Koruxov, N.P.Malaxovskaya və digər alimlərin əsərlərində əks olunmuşdur. Digər elmi biliklərdən məhkəmə ekspertizasına inteqrasiyasının formaları və istiqamətləri problemi kriminalistik ədəbiyyatda kifayət qədər ətraflı açılmışdır. Elmi-texniki tərəqqinin sürətlənməsi, təbiət və texniki elmlərin nail olduğu ən yeni biliklərinin məhkəmə ekspertizası nəzəriyyəsi və təcrübəsinə inteqrasiyası nəticəsində məhkəmə ekspertizalarının müxtəlif növlərinin və cinslərinin yaranması, bu ekspertizaların icraatı gedişində yeni metodların tətbiqi imkanları yaranmış və xeyli genişlənmişdir [11, s. 18-19].
Qiymətləndir