Açıqlama:

: Ölkəmiz də daxil olmaqla dünya praktikasında cinayət törətmiş və buna görə cəza təyin olunmuş şəxslər cəzanı çəkib bitirdikdən sonra belə onlar barəsində müəyyən məhdudiyyətlərin qalmasına rast gəlinir. Qanunvericiliyimizdə məhkumluğun ödənilməsi kimi adlandırılan bu instituta ehtiyacın olması daim bir qədər sual doğurmuşdur. Bu gün də bu institut mübahisə predmeti kimi qalmaqda davam etsə də, geniş tətbiq olunur və müxtəlif hüquqi və qeyri-hüquqi nəticələr doğurur. Bu məqalədə məhkumluq və onun ödənilməsi ilə bağlı müxtəlif fikirlər, yanaşma və nəzəriyyələrdən bəhs olunur, onun mövcudluğunun müsbət və mənfi nəticələri təhlil edilir və həm daha fərqli, həm də daha səmərəli tətbiqi üçün fikirlər irəli sürülməyə çalışılır.