Məqalədə vergi hüququnun anlayışı,onun predmeti, statusu və hüquqi təbiətinə dair digər məsələlər elmi cəhətdən araşdırılır. Belə bir doktrinal definisiya formulə olunur ki, vergi hüququ dedikdə dövlətin vergi fəaliyyəti sahəsində yaranan vergi münasibətlərini tənzimləyən obyektiv hüquq normalarının sistemi başa düşülür. Azərbaycan Respublikasının milli hüquq sferasında vergi hüququnun mövqeyi barədə qeyd edilir ki, vergi hüququ dövlətdaxili hüquq sistemində müstəqil hüquq sahəsi kimi formalaşmış iqtisadi hüququn tərkibində yarımsahə statusuna malikdir. Belə ki, vergilər yolu ilə iqtisadi münasibətlərin tənzimlənməsi həyata keçirilir, çünki vergi və iqtisadi münasibətlər iqtisadi kontekstdə bir-birilə sıx surətdə əlaqəli olan anlayışlardır. Bu bağlılıq həm də Dövlət Vergi Xidməti qurumunun İqtisadiyyat Nazirliyinin strukturuna daxil olmasında təzahür edir.
Qiymətləndir