Açıqlama:

Oxucuların diqqətinə təqdim olunan "Xəzər dənizinin hüquqi statusu və sahilyanı dövlətlərin maraqları" adlı kitabda kompleks şəkildə məsələlərə yanaşılmışdır. Xəzərin təbii coğrafi xüsusiyyətləri və onun uğrunda tarixən aparılmış dövlətlərarası mübarizə, problemin meydana çıxma şəraiti və onun tarixi kökləri, Xəzərin neft-qaz ehtiyatları və onun sahilyanı dövlətlər üzrə bölgüsü, beynəlxalq və regional aktorların Xəzər hövzəsində geoiqtisadi və geosiyasi maraqları, hüquqi statusun müəyyənləşməsində sahilyanı dövlətlərin maraqları, Xəzərsahili dövlət başçılarının sammitləri və burada əldə edilmiş razılaşmalar geniş şəkildə şərh edilmişdir. Kitab Xəzər problemləri ilə məşğul olan mütəxəssislər, tədqiqatçılar, beynəlxalq münasibətlər ixtisası üzrə təhsil alan tələbələr və geniş oxucu dairəsi üçün nəzərdə tutulur.