Açıqlama:

Şəxsi toxunulmazlıq hüququna aid olan bu təminat yalnız Konstitusiyada deyil, Azərbaycan Respublikasının digər qanunvericilik aktları ilə də nəzərdə tutulur. Belə ki, Azərbaycan Respublikasının Cinayət Məcəlləsinin 155-ci maddəsinə əsasən yazışma, telefon danışıqları, poçt, teleqraf və digər məlumatların sirrini pozma cinayət məsuliyyəti yaradır. Göstərilən cinayətin obyekti vətəndaşın yazışma, telefon danışıqları, poçt teleqraf və digər məlumatların sirrini pozmada ifadə olunur. Bu cinayət min manatdan iki min manatadək miqdarda cərimə və ya bir ilədək müddətə islah işləri ilə cəzalandırılır.