Açıqlama:

Müasir dilimizdə ən geniş istifadə olunan terminlərdən biri demokratiyadır (xalq hakimiyyəti). Antik dünyada yaranan və 2500 ildən çox tarixi olan demokratiya termini bu gün ictimai həyatın müxtəlif sahələrində istifadə olunan sosial varlıqdır. Hətta cəmiyyətin ictimai, bədii fikrinin və zövqünün formalaşmasında mühüm rol oynayan incəsənət əsərlərinin demokratikliyi barədə yanaşmalara da rast gəlinir. Bu məfhumun semantikasında fikir plüralizminin mövcudluğuna baxmayaraq müasir siyasi leksikonda demokratiya daha çox ümumbəşəri dəyərlər sisteminə əsaslanan ideal ictimai quruluş və ona uyğun dünyagörüşüdür.