Açıqlama:

Mәqalәdә qeyd olunur ki, gender bәrabәrliyi insan hüquqlarının qorunması, qanunun aliliyinә hörmәt, dünyada qadınların iqtisadi inkişafı vә rәqabәt qabiliyyәtliliyinin artırılması istiqamәtindә әn әsas prioritetdir. Gender cәmiyyәtin sosial tәbәqәlәşmәsiı üsullarından biridir. Bu üsullar irq, milliyyәt, sinif, yaş kimi sosial demoqrafik faktorlara uyğun olaraq sosial iyerarxiya sistemini tәşkil edir. Qeyd olunur ki, insan potensialının inkişafı davamlı inkişaf prosesinin ayrılmaz tәrkib hissәsidir. Bu sәbәbdәn hәr hansı bir cәmiyyәtdә insan inkişafının iqtisadi, sosial, ekoloji, mәdәni, hüquqi, texnoloji, mәnәvi-psixoloji, sağlamlıq, tәhsil, intelektual, gender vә s. durumu davamlı inkişafın әsas göstәricilәri hesab olunur. Mәqalәdә qeyd olunur ki cәmiyyәtdә mövcud olan başqa inkişaf konsepsiyalarından fәrqli olaraq davamlı inkişaf hәr bir insanın әsas zәruri tәlәbatlarının ödәnilmәsini tәlәb edir vә hamıya yaxşı hәyat şәraiti qurmaq tәlәbatını tәmin etmәk imkanı yaradır.