Məqalədə Müstəqil Dövlətlər Birliyinə daxil olan milli respublikalarda sosial təminat probleminə aid qanunlardan bəhs edilir. Bildirilir ki, MDB respublikalarında problemin həlli ilə bağlı çox işlər görülmüşdür. Lakin hər bir ölkədə bu sahədə vəziyyətin heç də həmişə qaneedici vəziyyətdə olmadığı da göstərilir. Qeyd edilir ki, sosial təminat qanunvericiliyi ilə bağlı əhali arasında təbliğat işlərinin görülməsi olduqca vacibdir. Göstərilir ki, Azərbaycan Respublikasında sosial təminat qanunvericiliyi cəmiyyətdəki yüksək sosial-iqtisadi inkişaf səviyyəsinə uyğun gəlir. Respublikada əhalinin, hətta hər bir vətəndaşın sosial təminatı məsələləri qabaqcıl dünya təcrübəsinə əsaslanaraq, ən operativ formada həyata keçirilir. Hüquqi ədəbiyyatlarda bu problemin müxtəlif məsələlərinə aid qanunlar ətraflı şərh edilmişdir.
Müəllif :
E.F. BaxĢəliyev, AMEA İnsan Haqları və Hüquq İnstitutu
Nəşr tarixi : 2019
Məqalədə mülkiyyətin müdafiəsi və mülkiyyət hüququnun tanınması kimi məsələlər nəzərdən keçirilmiş və mülki hüquq münasibətlərinin cəmiyyətin iqtisadi-sosial həyatında mühüm rol oynadığı qeyd edilmişdir. Məqalədə həm də mülkiyyət hüququnun əşya hüquqları institutunun əsas və aparıcı sahəsi olmasından da bəhs edilmişdir. Bundan başqa məqalədə hər bir fiziki və hüquqi şəxsin mülkiyyətindən dinc istifadə hüququ olmasından bəhs edilmişdir. Belə ki, heç kəsin cəmiyyətin maraqları naminə, qanunla və beynəlxalq hüququn ümumi prinsipləri ilə nəzərdə tutulmuş şərtlər istisna olmaqla, mülkiyyətindən məhrum edə bilməz. Qeyd olunan müddəalarda dövlətin ümumi maraqlara uyğun olaraq, mülkiyyətdən istifadəyə nəzarəti həyata keçirmək üçün, yaxud vergilərin və ya başqa rüsum və ya cərimələrin ödənilməsini təmin etmək üçün zəruri olan qanunları yerinə yetirmək hüququnu məhdudlaşdırmır
Müəllif :
Davudov D.R. Milli Aviasiya Akademiyası
Nəşr tarixi : 2020
Məqalədə beynəlxalq hüquqda iqtisadi sanksiyaların təsnifatı ilə bağlı məsələlər nəzərdən keçirilmişdir. Müəlliflər aparılmış təhlilləri ümumiləşdirərək göstərirlər ki, iqtisadi sanksiyalar bütövlükdə “iqtisadi əlaqələrin tam və ya qismən kəsilməsi” formulu çərçivəsində embarqo, boykot, iqtisadi blokada, maliyyə resurslarının dondurulması, kapital qoyuluşunun qadağan edilməsi və digər bu kimi formalarda reallaşdırıla bilər. Məqalədə bir çox hallarda məqsədyönlü sanksiyaların maliyyə sanksiyalarının sinonimi kimi işlədilməsi və onların eyniləşdirilməsinin düzgün olmadığı fikri irəli sürülür və əsaslandırılır, yekunda beynəlxalq iqtisadi sanksiyaların fərqli təsnifatı verilir
Müəllif :
Əliyev R.Z., Məmmədov C.R. AMEA, Hüquq və İnsan Haqları İnstitutu, Milli Aviasiya Akademiyası
Nəşr tarixi : 2020
Azərbaycanda maliyyə bazarlarına nəzarətin təşkili üçün hüquqi əsaslar Azərbaycan Respublikası Konstitusiyasının ayrı-ayrı müddəalarında öz əksini tapmışdır. Konstitusiyanın 94- cü maddəsinin birinci hissəsinin 15-ci yarımbəndinə əsasən, maliyyə fəaliyyətinin əsasları, vergilər, rüsumlar və ödənişlər haqqında ümumi qaydalar Milli Məclis tərəfindən müəyyən edilir. Nəzarətin təşkilini ayrıca fərmanlar ilə ətraflı tənzimləmək təcrübəsindən geniş istifadə olunur. Azərbaycan Respublikası Maliyyə Bazarlarına Nəzarət İdarəsi (FİMSA) “Azərbaycan Respublikası Maliyyə Bazarlarına Nəzarət Palatasının yaradılması haqqında” Azərbaycan Respublikası Prezidentinin 3 fevral 2016-cı il tarixli Fərmanı ilə yaradılıb. FİMSA Nizamnaməsi, qurulmasından bir ildən çox müddətdə, fəaliyyətlərinin daha təsirli bir şəkildə təşkil edilməsinə ehtiyac duyulduğu üçün 2017-ci ildə dəyişdirildi. FİMSA-nın fəaliyyətinin tənzimlənməsi sahəsində aparılan islahatlar, bir çox normativ hüquqi aktlardakı dəyişikliklər fəaliyyətinin davamlılığını təmin etmək üçün yetərli olmadığını söyləməyə əsas verir. Onun maliyyə bazarlarını daha müasir və effektiv şəkildə idarə etmək üçün yaradılsa da, gözlənilən nəticələri tam doğrultmadı. Nəticədə, Prezidentin 28 noyabr 2019-cu il tarixli "Maliyyə xidmətləri bazarında tənzimləmə və nəzarət sisteminin idarə edilməsinin təkmilləşdirilməsi haqqında" Fərmanı izlənildi. Sifarişlə FİMSA ləğv edildi və səlahiyyətləri Mərkəzi Banka verildi. Mərkəzi Bankın maliyyə bazarlarına nəzarətin səmərəliliyinin təmin edilməsi istiqamətində əldə olunmuş irəliləyişin hərtərəfli qiymətləndirməsi üçün vaxt lazımdır.
Müəllif :
Rüstəmzadə A.X., Baxışov Ə.M. Milli Aviasiya Akademiyası, Azərbaycan Milli Elmlər Akademiyası, Hüquq və İnsan Haqları İnstitutu
Nəşr tarixi : 2020
Məqalədə Azərbaycanda qanunvericilik hakimiyyətinin təşəkkülünün tarixi mərhələləri nəzərdən keçirilir. Milli parlament institutunun tədqiqində tarixi yanaşma metodundan istifadə edilməsinin zəruriliyi əsaslandırılır, dövlət müstəqilliyini bərpa etdikdən sonra xalqımızın qarşısında duran demokratik hüquqi dövlət quruculuğu vəzifəsinin uğurlu həllində müstəqil dövlətimizin qanunvericilik hakimiyyəti orqanı olan Milli Məclisin müstəsna rolu qeyd edilir, habelə qanunvericilik hakimiyyətinin təşəkkülü tarixinin təhlili əsasında Azərbaycanda nümayəndəli normayaratma, qanunvericilik təsisatlarının inkişaf mərhələləri fərqləndirilir
Müəllif :
Rüstəmzadə A.X ., Həsənov E.E. Milli Aviasiya Akademiyası AMEA Hüquq və İnsan Haqları İnstitutu
Nəşr tarixi : 2021
Məqalədə ekstremist xarakterli cinayətlərin istintaqı zamanı ayrı-ayrı istintaq hərəkətlərinin xüsusiyyətlərindən bəhs edilir. İstintaq hərəkətlərinin təşkili və keçirilməsinin bəzi taktiki xüsusiyyətləri nəzərdən keçirilib. Maddi sübutların və digər məhkəmə əhəmiyyətli məlumatların toplanması və istifadə edilməsinə yönəlmiş istintaq hərəkətlərinin aparılmasının taktiki xüsusiyyətləri nəzərə alınır. Hadisə yerinə baxış, axtarış, sorğu-sual kimi istintaq hərəkətlərinin istehsal xüsusiyyətləri və spesifikası təhlil edilib
Müəllif :
Qurban T.A. Azərbaycan Respublikası Ədliyyə Nazirliyinin Məhkəmə Ekspertizası Mərkəzi
Nəşr tarixi : 2021
Известно, что социальное назначение уголовного процесса обусловлено необходимостью борьбы с преступностью. При отсутствии преступности уголовно-процессуальное регулирование становится бесцельным и беспредметным. Следовательно, первоначальным импульсом для функционирования органов расследования и суда служит наличие преступных нарушений закона и необходимость обнаружения и наказания виновных.
Müəllif :
Нигяр Гасымова
Nəşr tarixi : 2020
Məqalədə korrupsiya və qulluq mənafeyi əleyhinə olan digər cinayətlərdən sayılan vəzifə saxtakarlığının cinayət-hüquqi təhlilindən bəhs edilir. Belə ki, vəzifə saxtakarlığı korrupsiya və qulluq mənafeyi əleyhinə olan digər cinayətlər arasında özünün ictimai təhlükəliliyi, təcrübədə baş vermə tezliyi ilə fərqlənən əməllərdən biridir. Ona görə də, məqalədə vəzifə saxtakarlığı əməli ilə bağlı hüquq ədəbiyyatlarında bəzi müəlliflər tərəfindən səsləndirilən fikirlərə istinad edilməklə, adı çəkilən cinayətin mahiyyət və məzmununa da aydınlıq gətirilir.
Müəllif :
Aslanov O.R. Bakı Dövlət Universiteti
Nəşr tarixi : 2021
Меры принуждения в уголовном праве тесно связаны с основными принципами уголовного права. Одним из таких принципов является презумпция невиновности. В этом утверждении нет не малейшего преувеличения. Наоборот, оно выглядит слишком будничным, прозаичным, по сравнению с тем бесценным человеческим благом, которое презумпция невиновности призвана оберегать и защищать.
Müəllif :
Нигяр Гасымова
Nəşr tarixi : 2019
Məqalədə dövlətin cəmiyyət həyatının bütün sferalarında yeri və rolundan danışılır. Burada, həmçinin dövlətin suverenliyi və müstəqilliyinin əldə edilməsi və qorunub saxlanmasında xalq-dövlət birliyinin vacib faktor olduğu da diqqətə çatdırılır. Həmçinin, məqalədə Azərbaycan Respublikasında milli və dövlət təhlükəsizliyinin anlayışı, onun obyektləri, siyasi və hüquqi əsasları verilir, milli və dövlət təhlükəsizliyinin təmin edilməsində dövlət hakimiyyətinin demokratik prinsiplərlə təşkilindəki rolundan danışılır. Hər bir vətəndaşa məxsus hüquq və azadlıqların təmin edilməsinin milli və dövlət təhıükəsizliyi ilə əlaqə məsələləri də şərh edilir
Müəllif :
Qasımov S.Y. Milli Aviasiya Akademiyası
Nəşr tarixi : 2021