Distant dindirmə dindirmə istinaq hərəkətinin inkişaf etmiş modelidir. Lakin distant dindirmənin özünün də spesifik xüsusiyyətləri vardır. Təqdirəlayiq hal hesab olunan elmi‐texniki tərəqqi insan fəaliyyətinin bütün sahələrinə öz təsirini göstərir. Hüquq sahələri, eyni zamanda cinayət prosesi də bu təsirdən kənarda qalmamışdır. Bəzi müəlliflər bu tərəqqini qəbul etmir, bəziləri isə əksinə tərəqqinin nəticələrini müvafiq qanunvericiliyə daxil edilməsinə səy göstərirlər.
Müəllif :
İntiqam Hacıyev - Bakı Dövlət Universitetinin magistrantı
Nəşr tarixi : 2016
Bütün zamanlarda hüquqi cəhətdən ən aktual suallardan biri ‐ hüquq norması düzgün tətbiq olunmuşdurmu? Fundamental elmlərdə əsasən də riyaziyyatda düstur əsas götürülür və qiymətlər yerlərinə qoyulduqdan sonra müəyyən olunur ki, məsələ və ya misal düzgün həll olundu və ya olunmadı. Bəs hüquqi sahədə elə bir düstur, mexanizm və ya proses varmı ki, onun vasitəsilə biz hüquq normasını düzgün tətbiq etdiyimizə əmin olaq?
Müəllif :
Çingiz Məmmədov - Vəkillər Kollegiyasınn üzvü
Nəşr tarixi : 2016
Günümüzün hüquqi reallıqlarına əsaslanaraq qeyd etməliyik ki, hüquqi yardım almaq hüququ ilə əlaqədar məsələlərə həm nəzəri‐metodoloji, həm də elmi‐empirik aspektlərdən aydınlıq gətirməyə, bəzi məsələlərini isə zamanla yenidən aydınlaşdırmağa ehtiyac vardır. Təklif olunan tematika üzrə mövcud elmi əsərləri diqqətlə analiz etdikdə məlum olur ki, hüquqi yardım almaq hüququnun qanunvericilik tənzimi, onun realizə olunma xüsuiyyətləri, müdafiə və mühafizə məsələləri hüquq elminin müxtəlif yönlü nümayəndələrinin daimi diqqətində olan məsələlər sırasındadır
Müəllif :
Anar Bağırov Vəkillər Kollegiyası Rəyasət Heyətinin üzvü
Nəşr tarixi : 2016
İnsan hüquq və azadlıqlarının müdafiəsi çox qədim zamanlardan cəmiyyət üçün böyük maraq və əhəmiyyət kəsb etmişdir. Belə ki, dövlət və hüququn yarandığı qədim dövrlərdən başlayaraq insan hüquqlarının qorunması problemi dövlətin və cəmiyyətin diqqət mərkəzində olmuşdur. İnsan hüquq və azadlıqlarını müdafiə edən şəxslər meydana çıxmış və müvafiq qurumlar formalaşmışdır ki, həmin şəxslərin və qurumların tarixinə nəzər saldıqda, vəkillik peşəsinin çox qədim tarixə malik olduğunu görürük.
Müəllif :
Tural Hüseynov - Naxçıvan MR Vəkillər Kollegiyasının sədri
Nəşr tarixi : 2016
Hüquqda insan hüquqları və vətəndaş hüquqları kimi iki anlayış fərqləndirilir. Anlayışların qısa məğzi belədir ki, insan hüquqları və azadlıqları hər bir insanın yaşadığı, olduğu məkandan asılı olmayaraq, malik olduğu haqlardır və bu haqları əldə etmək üçün insan fərdinin yaranması kifayətdir, vətəndaş hüquqları və azadlıqları isə hər bir insanın dövlətlə qarşılıqlı hüquqi‐siyasi münasibətindən, vətəndaşlıq faktorundan asılı olaraq yaranır, bir ərazidə bu haqlara malik olan insan başqa dövlətin ərazisində malik olmur.
Müəllif :
Gülşən Cəbi - Hüquqşünas
Nəşr tarixi : 2016
Cinayət hadisəsi törətmiş şəxsin özünün hadisənin gedişində həlak olması, yaxud onun sonradan vəfat etməsi hallarında ibtidai araşdırma orqanları və məhkəmələrin məhz hansı məzmunda prosessual qərarlar qəbul etmələri son illərə qədər mübahisə predmeti olmamışdır. Azərbaycan Respublikasının 2000‐ci ilə qədər qüvvədə olmuş Cinayət‐Prosessual Məcəlləsinin (bundan sonra CPM), habelə hazırda qüvvədə olan CPM‐nin 10.07.2011‐ci il tarixə qədərki redaksiyasının normalarına əsasən bu məsələnin sadə və bizim fikrimizcə məntiqi həlli var idi. Hadisə törətmiş təqsirli şəxsin nə vaxt ölməsindən asılı olmayaraq icraatında iş olan orqan tərəfindən icraata xitam verilirdi. Yalnız ölən şəxsin reabilitasiyasının zəruri olması hallarında icraat davam etdirilirdi. Həm də təqsirli şəxsin reabilitasiyası məqsədilə icraatın davam etdirilməsinə təcrübədə o hallarda yol verilirdi ki, cinayət törətməsi ehtimal olunan şəxs haqqında artıq ittiham aktı, yaxud məhkəmə hökmü mövcud olmuş olaydı. Bir sözlə cinayət hadisəsi törətmiş, lakin hadisənin gedişində, yaxud hadisədən sonra ölmüş şəxslər haqqında heç bir halda ittiham aktı yazılmırdı, onlar məhkəmənin hazırlıq iclasının qərarı ilə məhkəməyə verilmirdilər və təbii ki, mühakimə olunmurdular. Hazırda qüvvədə olan CPM‐nin 39.1.5‐ci maddəsi hadisə törətmiş şəxsin ölməsi hallarında onun təqsirinin sübuta yetirilib‐ yetirilməməsindən asılı olmayaraq cinayət təqibini istisna edir. Doğrudur, bəzi hüquqşünaslar hesab edirlər ki, təqsirli şəxs nəinki hadisəni törətdikdən sonra elə hadisəni törədilməsi gedişində də ölə bildiyindən bu maddənin dəqiqləşdirilməsinə eytiyac vardır. Biz hesab edirik ki, bu maddədə düzəliş edilmədən də söhbətin nədən getdiyi aydındır.
Müəllif :
Müzəffər Ağazadə - Əməkdar hüquqşünas
Nəşr tarixi : 2016
Hüquqi, demokratik dövlət quruculuğu şəraitində vəkillik institutunun insan və vətəndaşların hüquqlarının qorunmasında, onların pozulmuş hüquqlarının bərpa edilməsində rolu şəksizdir. Hüquqda hər bir institutun, təsisatın inkişaf istiqamətini müəyyən etmək üçün bu institut və ya təsisat haqqında qanunvericiliyin inkişaf tarixini öyrənmək zəruridir. Ona görə də məqalədə vəkillik institutunun yaranması və inkişafı tarixinə müraciət etməyi lazım bilirik.
Müəllif :
İlham Abbasov - Ədliyyə Akademiyasının baş müəllimi ‐ h.f.d.
Nəşr tarixi : 2016
Hazırda Azərbaycan Republikasında ödənişsiz hüquqi yardım məsələsi dərin və hərtərəfli araşdırma mərhələsindədir. Görülən işlərin başlıca məqsədi bu konstitusion hüququn təmin olunması üçün effektiv mexanizmlərin doktrinal bazasını işləyib hazırlamaq və qanunvericilik səviyyəsndə təsbit etməkdir. Hesab edirik ki, qarşıya qoyulmuş məqsədə nail olunması baxımından qabaqcıl dünya ölkələrinin, xüsusən Avropa Birliyi ölkələrinin yanaşmalarını araşdırmaq, milli təcrübənin yaradılmasında onlara müraciət etmək zəruridir. İndiki məqalə çərçivəsində biz Polşa Respublikasının analoji təcrübəsini nəzərdən keçirəcəyik
Müəllif :
Anar Bağırov Vəkillər Kollegiyası Rəyasət Heyətinin üzvü
Nəşr tarixi : 2016
.jpg)
