Hüquq və İnsan Haqları İnstitutu 24 il bizimlə...

Hüquq və İnsan Haqları İnstitutu Azərbaycan Respublikası Prezidentinin «İnsan Hüquqları üzrə Elmi-Tədqiqat İnstitutunun yaradılması haqqında» 30 noyabr 1998-ci il tarixli Sərəncamı əsasında Azərbaycan Milli Elmlər Akademiyası (AMEA) Rəyasət Heyətinin 26 may 1999-cu il qərarı ilə yaradılıb. 1999-cu ildən 2022-ci ilin may ayına qədər İnstitut Azərbaycan Milli Elmlər Akademiyasının strukturunda fəalliyyət göstərib. Azərbaycan Respublikası Prezidentinin 26 may 2016-cı il tarixli Sərəncamı ilə İnsan Hüquqları İnstitutunun adı dəyişdirilərək, həmin vaxtdan Hüquq və İnsan Haqları İnstitutu adlandırılmışdır.

Ətraflı

Professor Əli Rzayev institut əməkdaşlarına təlim keçmişdir

29 noyabr tarixində professor Əli Rzayev “İdarəetmənin mahiyyəti və problemləri” mövzusunda institut əməkdaşlarına təlim keçmişdir. Təlimdə idarəetmənin mahiyyəti, sistemliliyi, mexanizmi ətraflı şərh edilmiş, həmçinin insanın həyat fəaliyyətində, dövlətçilik sistemində - dövlət, dövlət aparatı və dövlət qulluğunda onun yeri və rolu sosial, siyasi və hüquqi aspektlərdə təhlil olunmuşdur.

Ətraflı

ELAN! 10 dekabr - İnsan Hüquqları Gününə həsr olunmuş MÜSABİQƏ

Müsabiqənin şərtləri: jurnalistika üzrə bakalavr və magistr səviyyələrində təhsil alan tələbələr iştirak edə bilərlər; insan hüquqlarının geniş ictimaiyyət tərəfindən daha yaxşı tanınmasına yönələn qrafik (kollaj) və ya video-çarx formatında (1 dəqiqəyə qədər) təqdimatın hazırlanması; qeydiyyat üçün link: https://forms.gle/dMwYeTsTzSujeRUz8/ hazır təqdimatlar 5 dekabr 2022-ci il (saat 13.00) tarixinədək info@huquq.org.az elektron poçtuna göndərilməlidir.

Ətraflı

İnstitutda “Mediasiya proseslərinin insan hüquqlarının qorunması sahəsində əhəmiyyəti” mövzusunda təqdimat keçirilmişdir

23 noyabr tarixində Mediasiya Surasının İdarə Heyətinin sədri Nadir Adilov Hüquq və İnsan Haqları İnstitutunda “Mediasiya proseslərinin insan hüquqlarının qorunması sahəsində əhəmiyyəti” mövzusunda təqdimat keçirmişdir. Təqdimat İnstitutun İdarə Heyətinin sədri Məhəmməd Quluzadənin, Azərbaycan Respublikası Ədliyyə Nazirliyinin İnsan hüquqları və İctimaiyyətlə əlaqələr idarəsinin rəisi Aynur Sabitovanın, müxtəlif mediasiya təşkilatlarının və institut əməkdaşlarının iştirakı ilə keçirilmişdir.

Ətraflı

Aydın Əliyevin “Hüquqi elmlər və təhsil” jurnalında məqaləsi dərc olunub

İnstitutumuzun əməkdaşı Aydın Əliyevin “Təqsirləndirilən şəxsə müdafiə hüququnu təmin edən birbaşa təsir qüvvəli konstitusiya normaları və onların Azərbaycan Respublikasının Cinayət-Prosessual Məcəlləsində konkretləşdirilməsi” adlı məqaləsi “Hüquqi elmlər və təhsil” jurnalında dərc olunub. Məqalə təqsirləndirilən şəxsin müdafiə hüququnu təmin edən birbaşa təsir qüvvəli konstitusiya normalarının öyrənilməsinə həsr edilmişdir. Aparılmış tədqiqatlar nəticəsində müəllif belə qənaətə gəlir ki, Azərbaycan Respublikası Konstitusiyasının 25-ci və 66-cı maddələrində, 71-ci maddəsinin III hissəsində, habelə 147-ci maddəsində nəzərdə tutulmuş normalar, mahiyyətcə təqsirləndirilən şəxsin müdafiə hüququnu təmin edən birbaşa təsir qüvvəli konstitusiya normalarıdır.

Ətraflı

Alimimizin “Qadın cinayətkarlığının profilaktikası” adlı məqaləsi dərc olunub

Hüquq və İnsan Haqları İnstitutunun əməkdaşı Səidə Həsənzadənın “Hüquqi Müstəvi” elmi-nəzəri, təcrübü jurnalının 2022-ci il, №3(11) buraxılışında “Qadın cinayətkarlığının profilaktikası” adlı məqaləsi dərc olunub. Məqalədə bildirilir ki, ölkəmizdə qadınların hüquq və azadlıqlarının müdafiəsinin gücləndirilməsi sahəsində məqsədyönlü və sistemli şəkildə həyata keçirilən tədbirlər müstəsna əhəmiyyət kəsb edir. Bu baxımdan, qadın hüquqlarını xarakterizə edən xüsusiyyətlərin öyrənilməsi aktualdır və qadınla kişi arasındakı fərqlərin genetik, bioloji, fizioloji və hüquqi kontekstdə öyrənilməsi, qadınlara məxsus hüquqlar kompleksinin dəqiq müəyyənləşdirilməsi böyük əhəmiyyət kəsb edir.

Ətraflı

Alimimizin erməni mifləri haqqında məqaləsi çıxıb

İnstitutumuzun əməkdaşı Abbas İslamovun “Армянские мифы Америки” (“Amerikanın erməni mifləri”) adlı məqaləsi Qafqaz Tarixi Mərkəzinin saytında yerləşdirilmişdir. Məqalədə göstərilir ki, erməni mentallığının səciyyəvi xüsusiyyətlərindən biri onların yaydıqları uydurmaların ifşa olunmasını qətiyyən qəbul etməmələridir. Belə ki, hər hansı təkzib materialının müəllifini ermənilər dərhal bütün erməni xalqının düşməni kimi qələmə verirlər.

Ətraflı

Əməkdaşımız sammitdə iştirak edib

Noyabrın 18-də İnstitutumuzun əməkdaşı İdris Zakirov “Rəqəmsal diplomatiya və dövlət idarəçiliyi” mövzusunda sammitə Zoom platforması üzərindən qatılmaqla onlayn iştirak edib. Sammitin açılışında İsveçrə Konfederasiyasının Prezidenti İgnazio Cassis, Malta Respublikasının Baş naziri Roberto Abela, BMT Baş katibinin texnologiya üzrə elçisi Amandeep Singh Gill və başqaları çıxış ediblər. Eyni zamanda, Microsoftun prezidenti cənab Brad Smithin sammit iştirakçılarına ünvanladığı video-müraciət də nümayiş etdirilib.

Ətraflı

İnstitutun rəhbəri konfransda iştirak edib

18 noyabr 2022-ci il tarixində Hüquq və İnsan Haqları İnstitutunun (“İnstitut”) İdarə Heyətinin sədri Məhəmməd Quluzadə “İctimai iştirakçılıq: şəffaflıq, hesabatlılıq və informasiya açıqlığı” adlı konfransda iştirak etmişdir.

Ətraflı

YAP Yasamal rayon təşkilatında tədbir keçirilib

16 noyabr tarixində Yeni Azərbaycan Partiyasının İnstitut üzrə ilk partiya təşkilatının sədri İlqar Xəlilov YAP Yasamal rayon təşkilatında partiyanın təsis edilməsinin 30-cu ildönümü münasibətilə təşkil olunan tədbirdə iştirak edib. Toplantı iştirakçılarının diqqətinə çatdırılıb ki, ulu öndər Heydər Əliyevin birbaşa iştirakı ilə təsis edilən YAP ölkəmizin inkişafında mühüm rola malikdir. Azərbaycan Respublikasının Prezidenti, Yeni Azərbaycan Partiyasıın Sədri İlham Əliyevin rəhbərliyi ilə partiya nəinki ölkəmizin, hətta regionun aparıcı siyasi qüvvəsinə çevrilib.

Ətraflı