Beynəlxalq jurnallar üçün elmi nəşrlərin hazırlanmasına dair təlim keçirilmişdir

16 yanvar 2023-cü il tarixində İnstitutun İdarə Heyəti sədrinin müavini Üzeyir Məmmədov hüquqşünas əməkdaşlara “Beynəlxalq jurnal üçün elmi nəşrin hazırlanması: elmi nəşriyyatların tövsiyə və tələblərinin qısa icmalı” mövzusunda təlim keçmişdir. Təlim zamanı ümumi müddəalar, akademik yazı (academic writing), elmi məqalənin tərkibi, elmi məqalənin nəşri barədə ətraflı məlumat verilmişdir. Tədbirdə nüfuzlu beynəlxalq jurnallarda məqalələr dərc etdirmək üçün faydalı ola biləcək bəzi alətlər və platformalar tövsiyə edilmişdir. Bundan əlavə, alimlərin və əməkdaşların məqalələrinin aparıcı beynəlxalq nəşrlərdə dərc olunmasının vacibliyi xüsusi vurğulanmışdir. Ümumilikdə, bu təlimi alim və təşkilatların elmmetrik göstəricilərinə həsr olunmuş əvvəlki təlimin məntiqi davamı hesab etmək olar.

Ətraflı

İnstitut əməkdaşlarına elmmetrik göstəricilərə dair təlim keçirilmişdir

11 yanvar 2023-cü il tarixində İnstitutun İdarə Heyəti sədrinin müavini Üzeyir Məmmədov hüquqşünas əməkdaşlar üçün “Alim və təşkilatların fəaliyyətinin qiymətləndirilməsində elmmetrik göstəricilər” mövzusunda təlim keçmişdir. Təlim zamanı ümumi müddəalar, istinad indeksi, bibliometrik bazalar və elmmetrik servislər, informetriyada istifadə olunan əsas göstəricilər və qeydiyyat üçün faydalı istinadlar barədə ətraflı məlumat verilmişdir. İnstitut əməkdaşlarından 8 nəfərinin elmmetrik sistemlərdə (Google Scholar, eLİBRARY, ORCİD İD və s.) qeydiyyatda olması və 5 nəfərin H-indeksinin olması müəyyən edilmişdir.

Ətraflı

Hüquq tədqiqatçımızın yeni məqaləsi dərc edilib

Hüquq və İnsan Haqları İnstitutunun Hüquqi tədqiqat şöbəsinin hüquq tədqiqatçısı Vəfa Məmmədovanın “İnjuria” jurnalının 6 yanvar 2023-cü il tarixli nömrəsində “Tibb hüququ: yaranması problemləri və inkişaf perspektivləri” adlı məqaləsi dərc olunub. Məqalədə oxuculara tibb hüququnun yaranması və inkişafının qısa tarixi təqdim edilir, beynəlxalq tədbirlər barədə məlumat verilir, eyni zamanda bu sahənin inkişafına səbəb olan sənədlərə və hadisələrə aydınlıq gətirilir. Müəllif tibb hüququnun istiqamətlərinin əhəmiyyətini təhlil edərək, onun praktiki və nəzəri vacibliyi məsələlərini araşdırır. Aparılan təhlillər nəticəsində bu istiqamətin inkişafı və tətbiq olunması üçün mümkün perspektivlər nəzərdən keçirilir.

Ətraflı

İnstitutun rəhbəri yeni ildə əməkdaşlarla görüş keçirmişdir

2023-cü il yanvarın 5-də Hüquq və İnsan Haqları İnstitutunda yeni ildə əməkdaşlarla ilk görüş keçirilib. İnstitutun İdarə Heyətinin sədri Məhəmməd Quluzadə bütün kollektivi yeni – 2023-cü il münasibətilə ürəkdən təbrik edərək, əməkdaşlara uğurlar və yeni fəaliyyət istiqamətlərinə uyğun səmərəli iş arzuladı. İnstitutun qarşıda duran plan və hədəfləri barədə ətraflı məlumat verərək rəhbər hər bir şöbənin öz fəaliyyətinə müvafiq olaraq əsasnamələrinin hazırlanmasını məqsədəuyğun hesab etdi.

Ətraflı

Afaq Sadıqovanın Elmi Xəbərlər jurnalında məqaləsi dərc olunub

İnstitutumuzun əməkdaşı Afaq Sadıqovanın Azərbaycan Respublikasının Daxili İşlər Nazirliyinin Polis Akademiyasının Elmi Xəbərlər jurnalının №1(33) 2022-ci il buraxılışında «Azərbaycan Respublikasında miqrasiya proseslərinin iştirakçıları və onların hüquqları» adlı məqaləsi dərc olunub. Məqalədə göstərilir ki, müəllif Azərbaycan Respublikasında miqrasiya proseslərinin iştirakçıları və onların hüquqlarını araşdırır və təhlil edir.

Ətraflı

Günay Əliyevanın “Təhlükəsizlik və İnsan hüquqlarının müdafiəsinə dair qanunvericiliyin mahiyyəti” adlı məqaləsi dərc olunub

27 dekabr tarixində Azərbaycan Respublikası DİN-in Polis Akademiyası Ümumdünya insan hüquqları Bəyannaməsinin 74 illiyinə həsr olunmuş “Müasir dövrdə insan hüquqlarının aktual problemləri” mövzusunda Beynəlxalq elmi-praktiki konfrans keçirmişdir. Əməkdaşımız Günay Əliyevanın “Təhlükəsizlik və İnsan hüquqlarının müdafiəsinə dair qanunvericiliyin mahiyyəti” adlı məqaləsi konfransın məqalələr toplusuna salınmışdır. Məqalədə qeyd olunur ki, müasir milli təhlükəsizlik konsepsiyaları üçün xarakterik amillərdən biri və daha əhəmiyyətlisi olan insan təhlükəsizliyindən bəhs olunur.

Ətraflı

Tədqiqatçımızın “Müasir Beynəlxalq hüquqda ekoloji insan hüquqları” adlı məqaləsi dərc olunub

Hüquq və İnsan Haqları İnstitutunun əməkdaşı Şəlalə Həsənovanın “Müasir Beynəlxalq hüquqda ekoloji insan hüquqları” adlı məqaləsi 27 dekabr tarixində Azərbaycan Respublikası DİN-in Polis Akademiyasının Ümumdünya insan hüquqları Bəyannaməsinin 74 illiyinə həsr olunmuş “Müasir dövrdə insan hüquqlarının aktual problemləri” mövzusunda keçirtdiyi Beynəlxalq elmi-praktiki konfransın materiallar toplusunda dərc edilmişdir. Məqalədə əsasən İnsan Hüquqları üzrə Avropa Məhkəməsinin (İHAM) təcrübəsinə nəzər yetirilib və insanların əlverişli (sağlam) ətraf mühitdə yaşamaq hüququna “İnsan hüquqlarının və əsas azadlıqlarının müdafiəsi haqqında” Avropa Konvensiyasının 2-ci (Yaşamaq hüququ) və 8-ci (Şəxsi və ailə həyatına hörmət hüququ) maddələri kontekstindən yanaşıldığı geniş şərh edilib.

Ətraflı

İnstitut əməkdaşları üçün təlim keçirilmişdir

28 dekabr tarixində Hüquq və İnsan Haqları İnstitutunda professor Kamran Behbudov “Kontrakt qanunvericiliyinin post-sovet məkanında inkişafı və Avropa İttifaqının (Aİ) müqavilələrini yeniləşdirmək prinsipləri” mövzusunda təlim keçmişdir. İnstitut əməkdaşları üçün təşkil olunmuş təlimdə K.Behbudov müqavilə hüququnun anlayışları, tarixi, mahiyyəti, həmçinin keçən əsrlərdə Azərbaycanda bağlanan ticarət razılaşmaları və müqavilələri haqqında geniş məlumat vermişdir.

Ətraflı

Əməkdaşımızın fikirləri Rusiya saytında dərc edilib

Laçın dəhlizində baş verən son hadisələrdən bəhs edən “Почему Армении не нравятся российские миротворцы” (“Rusiya sülhməramlıları nə üçün Ermənistanın xoşuna gəlmir”) adlı məqalə Rusiyanın “Взгляд. Деловая газета” saytında yerləşdirilmişdir. Məqalədə göstərilir ki, Ermənistan lideri N.Paşinyan Rusiyanı günahlandıraraq, Qarabağda yerləşdirilmiş sülhməramlıların öz öhdəliklərini yerinə yetirmədiyini bildirmişdir. Onun sözlərinə görə, Laçın dəhlizinin nəzarət altında saxlanılması öhdəliyi yerinə yetirilmir, guya Azərbaycan Laçın dəhlizini qanunsuz blokadaya almışdır... Lakin Moskva bu ittihamları qəbul etməmişdir.

Ətraflı

İnstitutumuzun rəhbəri USAID Özəl Sektorun İnkişafı layihəsinin təmsilçiləri ilə görüşüb

27 dekabr 2022-ci il tarixində Hüquq və İnsan Haqları İnstitutu İdarə Heyətinin sədri Məhəmməd Quluzadə USAID Özəl Sektorun İnkişafı layihəsinin nümayəndələri Şəlalə Kamilova və Rəşid Məmmədovla görüşmüşdür. Qeyd olunmuşdur ki, ABŞ İnkişaf Agentliyi (USAİD) tərəfindən maliyyələşən PSA layihəsi (Özəl Sektorun İnkişafı layihəsi) Azərbaycanda qadın sahibkarlar arasında araşdırma aparmış və bu sahədə mövcud olan çətinliklərin aradan qaldırılmasına dair bir sıra tövsiyələri özündə ehtiva edən Qadınların Milli Biznes Gündəliyini hazırlayıb dövlət və özəl sektoru təmsil edən qurumlara təqdim etmişdir. Tövsiyələrin bir qisminin qanunvericiliyə aid olduğunu nəzərə alaraq, tərəflər bu təkliflərin yanvar ayında İnstitutda müzakirə edilməsi barədə razılığa gəlmişlər.

Ətraflı