İnstitutun rəhbəri Polis Akademiyasında təşkil olunmuş konfransda iştirak edib

27 dekabr 2022-ci il tarixində Hüquq və İnsan Haqları İnstitutu İdarə Heyətinin sədri Məhəmməd Quluzadə Polis Akademiyası tərəfindən təşkil edilmiş “Müasir dövrdə insan hüquqlarının aktual problemləri” mövzusunda beynəlxalq elmi-praktiki konfransda iştirak etmişdir. Tədbir Ümumdünya insan hüquqları Bəyannaməsinin 74 illiyinə həsr olunmuşdur. Tədbirdə müxtəlif dövlət qurumlarının, o cümlədən Ombudsman, Konstitusiya Məhkəməsi, Daxili İşlər Nazirliyi, Ədliyyə Nazirliyi, Baş Prokurorluğun və s. nümayəndələri iştirak etmişlər. Eyni zamanda tədbirə onlayn şəkildə müxtəlif ölkələrdən olan alimlər, habelə və Akademiyanın müəllim və tələbələri də qoşulmuşlar.

Ətraflı

İnstitutda Mülki Məcəlləyə dair bəzi təkliflər müzakirə edilmişdir

26 dekabr 2022-ci il tarixində institutumuzun əməkdaşı Günay Əliyevanın hazırladığı Azərbaycan Respublikası Mülki Məcəlləsinin 4-cü fəslinə (“Qeyri-kommersiya təşkilatları”) dair təkliflər dinlənilib. Müzakirədə institutun rəhbəri Məhəmməd Quluzadə, əməkdaşlar Fərid Ələkbərov və İsmayıl Musayev iştirak etmiş və təklif edilən tövsiyyələrə dair öz fikirlərini bildirmişlər. Gələcəkdə əməkdaşlar arasında bu cür təkliflərinin hazırlanıb müzakirəyə çıxarılması gözlənilir.

Ətraflı

Əməkdaşımızın “Azərbaycan” qəzetində məqaləsi dərc olunub

İnstitutumuzun əməkdaşı Vüsalə Muradxanlının “Azərbaycan” qəzetinin 22 dekabr 2022-ci il tarixli buraxılışında “Ermənistan beynəlxalq hüququn prinsiplərini pozduğunu bildiyi halda xislətindən əl çəkmir” adlı məqaləsi dərc edilmişdir. Məqalədə qeyd olunur ki, ikinci Qarabağ müharibəsindən sonra Azərbaycan qonşu ölkələrlə, o cümlədən Ermənistanla münasibətlərinin beynəlxalq hüququn prinsipləri əsasında qurulmasının və tənzimlənməsinin tərəfdarı olduğunu nümayiş etdirir. Buna baxmayaraq, Azərbaycan Ermənistanın təcavüzü məsələsinə beynəlxalq hüququn prinsipləri çərçivəsində baxılmasını tələb etdiyi halda, Ermənistan tərəfi "xalqların öz müqəddəratını təyinetmə" prinsipinə istinad edərək təcavüzkar müharibənin səbəblərini və nəticələrini öz üzərindən atmağa çalışır.

Ətraflı

Əməkdaşlarımız təlimdə iştirak etmişlər

19-20 dekabr tarixlərində institumuzun əməkdaşları Nərmin Həsənova, Vüsalə Muradxanlı, Zamiq Aslanov, Əmrah Rəhimli və Araz Abdullasoy BMT-nin İnkişaf Proqramının qanunun aliliyi və insan hüquqları layihəsi əsasında təşkil edilmiş “Süni intellekt və inkişaf edən texnologiyalar dövründə məlumatların mühafizəsində çətinliklər” mövzusunda keçirilmiş təlimdə iştirak etmişlər. Təlimin moderatoru Tural Əhməd və təlimçi Virciniya De Nobreqa mövzu ilə əlaqədar slaydlar təqdim etmiş və interaktiv üsulda təlimi təşkil etmişlər.

Ətraflı

Alimimiz STEM beyin mərkəzinin forumunda moderator kimi çıxış edib

Dekabrın 19-da STEM Analitik Mərkəzi (Siyasət,Tarix və Etnoqrafiya Mərkəzi) və AMEA-nın Qafqazşünaslıq İnstitutunun birgə təşkilatçılığı ilə Azərbaycanın 44 günlük Vətən müharibəsindəki Qələbəsinə həsr olunmuş “Qafqazda təhlükəsizlik və çağırışlar” mövzusunda gənc alimlərin respublika forumu keçirilib. Forumda birinci panelin moderatoru əməkdaşımız Rizvan Hüseynov olub. Tədbir çərçivəsində azərbaycanlı gənc alimlər tərəfindən Qafqazın inkişaf perspektivləri, regionda gələcək əməkdaşlıq formatının hansı istiqamətlərdə aparılması, hansı təhlükəsizlik problemlərinin xüsusi maraq doğurması, müasir dövrün çağırışları və bu kimi digər məsələlər müzakirə olunub.

Ətraflı

Əməkdaşımız BDU-nun Hüquq fakültəsinin təşkil etdiyi debatda iştirak edib

19 dekabr tarixində İnstitumuzun əməkdaşı İsaməddin Xamoyev Bakı Dövlət Universitetində təşkil edilmiş “Səhnələşdirilmiş parlament debatı” adlı simulyasiya tədbirində iştirak etmişdir. Bakı Dövlət Universitetinin SABAH Qruplarının və Hüquq fakültəsinin tələbələrinin birgə iştirakı ilə keçirilmiş tədbirdə “Sosial təhlükəsizlik haqqında” Qanun layihəsi müzakirə edilmişdir. Tədbir tələbələrin parlament debatı aparmaq mədəniyyətinin, hüquq düşüncəsi və hüquq mədəniyyətinin, normativ hüquqi aktlara müstəqil münasibət bildirmək, mühakimə irəli sürmək və təhlillər aparmaq bacarıqlarının formalaşdırılması, həmçinin, natiqlik bacarıqlarının inkişaf etdirilməsi və tələbələrin normayaradıcılıq prosesinə fəal surətdə cəlb edilməsi məqsədilə təşkil olunmuşdur.

Ətraflı

İnstitutda BMT nümayəndələri ilə görüş keçirilib

16 dekabr 2022-ci il tarixində Hüquqi Ekspertiza və Qanunvericilik Təşəbbüsləri Mərkəzinin (“Mərkəz”) və Hüquq və İnsan Haqları İnstitutunun (“İnstitut”) rəhbərləri Birləşmiş Millətlər Təşkilatının (BMT) İnsan Hüquqları üzrə Ali Komissarlığının əməkdaşları Vladimir Şkolnikov və Kamran Bağırov ilə görüş keçirmişdir.

Ətraflı

Əməkdaşlarımız onlayn vebinarda iştirak ediblər

15 dekabr tarixində əməkdaşlarımız İdris Zakirov və Gunel Əliyeva ECNL-in təşkilatçılığı ilə (Qeyri-kommersiya hüququ üzrə Avropa Mərkəzi) “Vətəndaş cəmiyyətini məhdudlaşdıran çirkli pulların yuyulmasına qarşı tədbirlər: sübuta əsaslanırmı?” mövzusunda ZOOM platforması üzərindən keçirilmiş onlayn vebinarda iştirak etmişlər. Görüşdə Maliyyə Tədbirləri üzrə İşçi Qrupunun (FATF) eksperti Ben Evans və Vanja Skoric (ECNL) tərəfindən müxtəlif ölkələrdə çirkli pulların yuyulmasına qarşı mübarizə tipologiyaları və çirkli pulların yuyulmasına qarşı tədbirlər haqqında hesabat səsləndirilmişdir.

Ətraflı

Əməkdaşlarımız “VCT dayanıqlıq indeksi - 2021” hesabatının təqdimat mərasimində iştirak ediblər

13 dekabr tarixində İnstitutumuzun əməkdaşları Nərmin Həsənova, Günel Əliyeva və Araz Abdullasoy ABŞ Beynəlxalq İnkişaf Agentliyinin (USAID) maliyyə dəstəyi ilə ICNL və “MG Consulting MMC”-nin əməkdaşlığı çərçivəsində hazırlanmış “VCT dayanıqlıq indeksi - 2021” hesabatının təqdimat mərasimində iştirak etmişlər.

Ətraflı

İnstitutumuzun rəhbəri dekabr ayında bir sıra tədbirlərdə iştirak etmişdir

7-9 dekabr 2022-ci il tarixlərində Hüquq və İnsan Haqları İnstitutu İdarə Heyətinin sədri Məhəmməd Quluzadə İnsan Hüquqları Gününə həsr olunmuş bir sıra tədbirlərdə iştirak etmişdir. Tədbirlər BMT, Avropa İttifaqı, Britaniya Səfirliyi və Bakı Dövlət Universitetinin Hüquq fakültəsi tərəfindən təşkil edilmişdir. BDU-nun Hüquq fakültəsi və Azərbaycan Respublikası Ədliyyə Nazirliyinin birgə təşkilatçılığı ilə keçirilən tədbirdə çıxış edən Məhəmməd Quluzadə Hüquq və İnsan Haqları İnstitutu haqqında ətraflı məlumat vermiş, insan hüquqlarının və əsas azadlıqlarının qorunmasının əhəmiyyətindən, ölkəmizdə bu sahədə görülən işlərdən, eləcə də Azərbaycan Respublikasının insan hüquqları ilə bağlı bütün beynəlxalq sənəd və konvensiyalara, o cümlədən İnsan hüquqları haqqında Ümumi Bəyannaməyə qoşulduğunu və beynəlxalq hüquq normalarının milli qanunvericiliyə implementasiya edildiyini vurğulamışdır.

Ətraflı