Bu gün dünyada azyaşlıların və yetkinlik yaşına çatmayanların cinsi toxunulmazlığı əleyhinə cinayətlərin hüquqi tənzimlənməsi ilə bağlı bir çox məsələlər həllini tapmamış qalır. Bu, qanunvericiliyin mükəmməl olmaması ilə izah olunur; bu növ cinayətin ictimai təhlükəliliyinin hüquq-mühafizə orqanları tərəfindən kifayət qədər qiymətləndirilməməsi; qurbanların qohumları, dostları və cəmiyyət arasında məlumat yaymaq istəməməsi; hüquqi yardımın effektivliyinə şübhələr; zorakı cinayətkarlara nəzarət və idarəetmənin aşağı səviyyədə olmasıdır.
Müəllif :
Nağıyeva A.C.
Nəşr tarixi : 2024
Keçmişdə baş vermiş münaqişələr kimi faciəli hadisələrə baxılması və bunun əsasında müəyyən tarixi faktların soyqırım kimi tanınması ilə bağlı parlament qətnamələrinin tarixi həqiqətə varmadan və problemi təhlil etmədən qəbul edilməsi parlament təcrübəsində kifayət qədər geniş vüsət alıb. Belə bir mövqe irqi nifrətin, dözümsüzlüyün və ya şovinizmin yaranmasına kömək edə bilər və nəticədə yaraların sağalmasına kömək etmir, əksinə, onların ağırlaşmasına, müxtəlif münaqişələrə səbəb ola bilər, terror aktları və münaqişə tərəfləri arasında açıq silahlı qarşıdurma.
Müəllif :
Səlimova L.K.
Nəşr tarixi : 2024
Cinayət Məcəlləsinin Xüsusi hissəsinin sistemində hərəkətsizliklə törədilən cinayətlərin təsbit edilmə nisbətinə görə Hərbi xidmət əleyhinə olan cinayətlər Bölməsi və Fəsli xüsusilə seçilir. Bu əsasda hərəkətsizlik ilə törədilmiş hərbi xidmət əleyhinə cinayətlərin tövsifi və onların cinayət-hüquqi xüsusiyyətlərini təhlil etmək vacib əhəmiyyət daşıyır. Bu məqalədə hərbi xidmət əleyhinə olan cinayətlərə hərəkətsizliklə törədilən cinayətlərin təsnifatında nəzər salınacaqdır.
Müəllif :
Qədimov V.A.
Nəşr tarixi : 2024
Məqalədə qeyd olunur ki, İnsan alverinin qarşısının alınması bu alverlə mübarizənin əsas istiqamətlərindən biridir, o cümlədən potensial qurbanlar üçün ixtisaslaşdırılmış tədbirlərin həyata keçirilməsidir. İnsan alveri ilə məşğul olmaq riski altında olan şəxslərin dəqiq müəyyən edilməsi bu cür kampaniyaların uğurunun açarıdır. İnsan alverinin qarşısının alınması bu alverlə mübarizənin əsas istiqamətlərindən biridir, o cümlədən potensial qurbanlar üçün ixtisaslaşdırılmış tədbirlərin həyata keçirilməsidir. Bu baxımdan qadın qurbanlıq portretinin tərtib edilməsi zəruri görünür, çünki insan alverçiləri qarşısında ən həssas olan qadınlardır. İnsan alveri dünyada bütün ölkələrdə baş verə bilən cinayətdir. O, həm milli, həm də transmilli xarakter daşıyır. İnsan alveri ilə mübarizə sahəsində ən təsirli və zərurətdən doğan mübarizə vasitəsi bu əməlləri törədən təqsirli şəxslərin məsuliyyətə cəlb edilməsi və cəzalandırılması, habelə ciddi hüquq pozuntusunun neqativ nəticələrinin aradan qaldırılmasıdır. İnsan alveri yalnız cinsi istismar məqsədilə insan alverini əhatə etmir, eyni zamanda, bura istismarın bir sıra digər formaları da aiddir. İnsan alverini əmələ gətirən istismarın müxtəlif və yeni meydana çıxan formalarına dair biliklər tədricən artmaqdadır. Son araşdırmalar onu göstərir ki, əməyin istismarı, işləmək üçün xarici ölkələrə üz tutan səriştəsiz insanlarla böyük bir problemlər yarana bilər.
Müəllif :
Qələndərli S.H.
Nəşr tarixi : 2024
Məqalədə qeyd olunur ki, beynəlxalq hüquqi tənzimetmənin həlledici elementi olaraq ekoloji təhlükəsizliyin təmin edilməsi məsələləri üzrə müqavilə əməkdaşlığının spesifik xüsusiyyətləri həm dünya birliyi, həm də ayrı-ayrı dövlətlər səviyyəsində qüvvədə olan normalarda öz əksini tapır. Qlobal səviyyədə ekoloji təhlükəsizliyin təmin edilməsi məsələsi üzrə milli implementasiya mexanizminə təsir edən dövlətlərin müqavilələr bağlamaq təşəbbüsləri yüksələn xətlə inkişaf edir. Həmçinin qeyd olunur ki, qadınların iqlim dəyişmələri qarşısında ən böyük zəif cəhəti tarazlığın pozulduğu əmək bölgüsü, daha aşağı gəlir səviyyəsi və dolanacaq imkanlarının daha az olması, həmçinin torpaq və digər istehsalat gücləri ilə bağlı istifadə və nəzarətin daha aşağı səviyyədə olması, qanunla təsbit edilmiş hüquqların az sayda olması, səyyarlıq imkanlarının və siyasət və peşəkar birliklər sahəsində iştirakçılığın daha aşağı səviyyədə olması səbəbindən yaranan gender normaları və ayrı-seçkiliyindən irəli gəlir. Bu gün ekoloji böhran gender məsələlərində də özünü göstərir. Uzunmüddətli sənaye fəaliyyəti nəticəsində daha pis vəziyyətə düşmüş ekoloji şərait təbii balansa mənfi təsir göstərir.
Müəllif :
Mehdiyev N.H., Qibləliyeva A.E.
Nəşr tarixi : 2024
Məqalədə qədim dövrdə həm Azərbaycanda, həm də digər Şərq ölkələrində dövlətlərin təhlükəsizliyin təmin olunmasında əməliyyat-axtarış fəaliyyətinə toxunulur, cinayət axtarışı, siyasi axtarış, kəşfiyyat və əks-kəşfiyyat növlərindən danışılır, onların arasında qarşılıqlı əlaqələrin mövcudluğuna diqqət yönəlir, bu terminlərin mahiyyəti açıqlanır, onların qədim zamanlardaki hüquqi sənədlərdə öz əksini tapması göstərilir və bu baxımdan ayrı-ayrı tarixi faktlar əsasında bu gün üçün də öz aktuallığını saxlamış bir sıra məsələlərə nəzər salınır və araşdırılır.
Müəllif :
Nəbiyev E.Q.
Nəşr tarixi : 2024
Определение и сущность преюдиции в уголовном праве, равно научно-обоснованные аргументы за и против этого института, многочисленные исследования его историко-правовых и сравнительно-правовых аспектов всегда были в центре внимания доктрины уголовного права. Несмотря на то, что действующие уголовные законодательства некоторых государств на постсоветском пространстве (Россия, Узбекистан, Туркменистан, Таджикистан, Грузия, Киргизия, Беларусь, Казахстан), а также уголовные законодательства Азербайджанской Республики советского периода (1922, 1927, 1960) предусматривали административную преюдицию в некоторых нормах, в действующем уголовном законодательстве (1999) Азербайджанской Республики отсутствуют нормы с административной преюдицией. Автор статьи в соответствии со знаменитым высказыванием героя Уильяма Шекспира Гамлета «Быть или не быть – вот в чем вопрос» аргументирует свой ответ относительно административной преюдиции в уголовном праве Азербайджанской Республики.
Müəllif :
Самедова Ш.Т.
Nəşr tarixi : 2024
Kommersiya münasibətləri kontekstində sənaye mülkiyyəti obyektlərinin hüquqi mühafizəsinin real təmin edilməsi mexanizmlərinin müəyyən edilməsi daima əhəmiyyətli məsələlərdən biri hesab olunmuşdur. Qeyd edilən məsələ üzrə beynəlxalq tənzimetmənin 19-cu əsrdə həyata keçirilməyə başlanmış və “Sənaye mülkiyyətinin mühafizəsi haqqında” Paris Konvensiyasının hələ 1883-cü ildə qəbul edilməsi bu hüquqi məsələyə beynəlxalq diqqətin mövcud olduğunun əyani sübutu kimi qiymətləndirilə bilər. Bununla belə rəqəmsal inqilabi dəyişikliklər, informasiya texnologiyalarının sürətli inkişafı və bütün sahələrdə geniş istifadəsi biznes və kommersiya münasibətlərinə də təsirsiz ötüşməmişdir. Sənaye mülkiyyəti obyektləri həm əqli mülkiyyət hüququna dair bir kateqoriya, həm də iqtisadi kateqoriya olduğunu nəzərə alsaq, o zaman müasir dövrdə bu obyektlərin hüquqi mühafizəsinin təmin edilməsinin xüsusi əhəmiyyəti ilə seçildiyini qeyd edə bilərik. Rəqəmsal ticarət münasibətlərinin, transsərhəd kommersiya və biznes münasibətlərinin xarakteri nəzərə alınmaqla məqalədə sənaye mülkiyyəti obyektlərinin anlayışı və bu kateqoriya obyektlərin əhatə dairəsi, habelə müasir dövrdə transsərhəd münasibətlərdə tətbiq edilə bilən hüquqi mühafizə rejimləri araşdırılmışdır. Qeyd olunan istiqamət üzrə beynəlxalq sənədlərin tələbləri nəzərə alınmış, müxtəlif dövlətlərin normativ qanunvericiliyi və təcrübəsi baxımından müqayisəli təhlili aparılmışdır.
Müəllif :
Əliyev Ə.E.
Nəşr tarixi : 2024
Bakı şəhərində Kliniki Tibbi Mərkəzin (KTM) neyrotravma şöbəsinə 2021-2022-ci ilin 6 ayı ərzində daxil olmuş zərərçəkənlərin xəstəlik tarixləri və həmin xəstəlik tarixlərinin içərisində olan müasir müayinə metodlarının nəticələri təhlil edilərək öyrənilmişdir. Aparılan araşdırmalar və xəstəlik tarixlərinin tədqiq edilməsi nəticəsində müəyyən edilmişdir ki, şöbəyə daxil olan və kəllə-beyin zədələnməsi ilə olan zərərçəkənlərin əksəriyyətində 97 zərərçəkmişdən 70-də kompüter tomoqrafiya müayinəsi aparılmışdır. Həmin müayinələr klinik diaqnozun düzgün və dəqiq müəyyən edilməsinə, eləcə də xəsarətlərin törənmə mexanizminin aydınlaşdırılmasına kömək edərək, rəyin obyektiv verilməsinə və ekspertizanın keyfiyyətinin yüksəlməsinə imkan yaradacaqdır.
Müəllif :
Ələkbərov E.İ.
Nəşr tarixi : 2024
Məqalədə ən əvvəl hüquq mənbələrinin maddi, ideoloji, idraki, formal və s. mənada anlamının fərqləndirilməsinin zəruriliyi qeyd olunur. Hüquq mənbələrinin fərqli anlamı müəyyən araşdırma dəyərinə malikdir. Bunların sırasında hüquq mənbələrinin maddi mənada anlamı daha mürəkkəbdir. Bu halda mənbə qismində cəmiyyətin maddi şəraiti, onun iqtisadi münasibətləri çıxış edir. Məqalədə xüsusi olaraq qeyd olunur ki, hüquq mənbələrinin formal mənada anlamı “hüquq formaları” anlayışı ilə üst-üstə düşür. Hər ikisi dövlətdə rəsmi olaraq tanınan hüquq normalarının ifadə formaları kimi çıxış edir. Məhz bu mənada hüquq mənbələri və hüquq formaları anlayışlarının eyniliyi müşahidə olunur. Müəllif yanaşmasına görə, hüquq mənbələrinə dair müxtəlif təsnifatlar hüquq mənbələrinin formal (hüquqi) və sosial olaraq daha məntiqli bölgüsü ilə əvəz edilə bilər. Bu zaman formal hüquq mənbələri qismində hüquqi sənədlər sistemini (normativ hüquqi akt, məhkəmə presedenti, normativ müqavilə və s.) nəzərdən keçirmək lazımdır.
Müəllif :
Yavərzadə Y.E.
Nəşr tarixi : 2024
.jpg)
