Fiziki şəxsin həyat və sağlamlığına vurulmuş zərər delikt hüququnun əsas anlayşlarından biri kimi - Polis Akademiyasının Elmi Xəbərləri Elmi Hüquq Jurnalı №4 (2021)

Hüquqi anlayış olaraq zərər istilahının tarixi kökləri çox qədimlərə gedib çıxır. Belə ki, hələ Roma hüququnda əmlak zərərinin ödənilməsi mövzusuna xüsusi diqqət yetirilmiş, baxmayaraq ki, bu hüquq sistemində qeyri-əmlak xarakterli zərərin ödənilməsi ilə də bağlı birmənalı mövqe olmamışdır. Zərərin ödənilməsinin əsası qismində isə hüquq pozuntusu və ya delikt çıxış etmişdir. Belə öhdəliklər hər hansı müqavilənin icra edilməməsi və ya lazımi qaydada icra olunmaması nəticəsində, yaxud da baş verən zərərin öz üzərinə götürülməsi üzrə xüsusi müqavilə münasibətlərindən yaranmışdır.
Müəllif : Aynurə Məmmədzadə - Bakı Dövlət Universitetinin “Mülki hüquq” kafedrasının doktorantı
Nəşr tarixi : 2021

Способы совершения преступлений, связанных с бытовым насилием - Polis Akademiyasının Elmi Xəbərləri Elmi Hüquq Jurnalı №4 (2021)

В статье раскрываются способы совершения преступлений, связанных с домашним насилием на основе изучения и анализа общетеоретических положений и сложившейся практики. Методы классифицируются по таким критериям, как длительность преступления, результат домашнего насилия, способ подготовки и сокрытия преступления.
Müəllif : Фарида Мовсумова
Nəşr tarixi : 2021

Ekshumasiyanın taktikası haqqında mülahizələr - Polis Akademiyasının Elmi Xəbərləri Elmi Hüquq Jurnalı №4 (2021)

Kriminalistik taktika kriminalistikanın müstəqil bir bölməsi olub, cinayətlərin açılmasında, istintaqında və qarşısının alınmasında iştirak edən şəxslərin davranışlarının qanunauyğunluqlarını sistemli şəkildə əks etdirən ümumi müddəalar sistemidir ki, onların da əsasında tipik və konkret istintaq şəraitlərində ayrı-ayrı istintaq hərəkətlərinin, taktiki əməliyyatların həyata keçirilməsinin ən optimal variantları haqqında xüsusi elmi-təcrübi təkliflər işləyib hazırlayır.
Müəllif : Kənan Əsgərov - Bakı Dövlət Universitetinin Cinayət prosesi kafedrasının doktorantı
Nəşr tarixi : 2021

Digər prosessual məcburiyyət tədbirlərinin anlayışı və sistemi - Polis Akademiyasının Elmi Xəbərləri Elmi Hüquq Jurnalı №4 (2021)

CPM-in XVIII fəsli “Cinayət prosesində digər prosessual məcburiyyət tədbirlərinin tətbiqi” adlanır və bu fəslin tərkibinə daxil olan 176-cı maddənin birinci cümləsində qeyd edilir ki, CPM-in 147 və 154-cü maddələrində nəzərdə tutulmuş prosessual məcburiyyət tədbirlərindən başqa, cinayət prosesini həyata keçirən orqan sübutların əldə edilməsinə mane olan halları müəyyən etdikdə prosessual hərəkətlərin aparılması üçün digər məcburiyyət tədbirləri tətbiq edə bilər.
Müəllif : Həmid Abbasov - Bakı Dövlət Universitetinin “Cinayət prosesi” kafedrasının doktorantı
Nəşr tarixi : 2021

Ədalətli məhkəmə araşdırması hüququnun ibtidai araşdırmanın ədalətliliyinə təsirinin bəzi aspektləri - Polis Akademiyasının Elmi Xəbərləri Elmi Hüquq Jurnalı №4 (2021)

Ədalətlilik ən qədim tarixə malik olmuş, öncə ideya kimi, sonradan isə prinsip kimi formalaşaraq mövcud olmuşdur. Ədalətlilik haqqında ideyalar hələ ibtidai icma cəmiyyəti üfüqlərində doğmuş, bəşəriyyətin ilk sosial tənzim vasitəsi olan talion qaydaları ədalətliliyin tənləşdirici tələblərinə söykənmişdir. Ədalətliliyin elmi idrakının sonrakı mərhələsində təkcə tənləşdirici deyil, həm də fərqləndirici ölçüyə malik tələblərlə bağlı olduğu aydınlaşmışdır. Hüquq fəlsəfəsində ədalətə, hər şeydən öncə, cəmiyyətdə mövcud olan sosial xarakterli ölçü vahidi kimi baxılır. Bir ölçü vahidi kimi nəzərdən keçirildikdə ədalət həm kəmiyyət, həm də keyfiyyət müəyyən edən kateqoriya kimi çıxış edə bilər.
Müəllif : Firuzə Abbasova Bakı Dövlət Universitetinin “Cinayət prosesi” kafedrasının müdiri, h.ü.e.d., professor
Nəşr tarixi : 2021

Azərbaycan Respublikasında elektron hökümətin formalaşdırılması dövlət idarəetmə sisteminin təkmilləşdirilməsinin əsas istiqaməti kimi - Polis Akademiyasının Elmi Xəbərləri Elmi Hüquq Jurnalı №4 (2021)

"Elektron hökumət" ən mürəkkəb sosial-hüquqi hadisələrdən biri olaraq müxtəlif baxımdan öyrənilə bilər: siyasi, iqtisadi, təşkilati. Hüquqi baxımdan "elektron hökumət" əslində müəyyən məzmun və quruluşa malik olan inzibati və hüquqi institutlar toplusudur. "Elektron hökumət"-in hüquqi təbiətin öyrənilməsi, həmçinin fəaliyyət istiqamətlərinin təkmilləşdirilməsi ilə bağlı təkliflərin hazırlanması xüsusi maraq doğurur.
Müəllif : Ümman Ağamaliyev AMEA-nin Hüquq və insan haqları institutunun dissertantı, Azərbaycan Respublikasının Vəkillər Kollegiyasının üzvü, Milli Aviasiya Akademiyasının müəllimi
Nəşr tarixi : 2021

Azərbaycan Respublikasında əcnəbilərin və ya vətəndaşlığı olmayan şəxslərin cinayət məsuliyyətinin hüquqi əsasları - Polis Akademiyasının Elmi Xəbərləri Elmi Hüquq Jurnalı №4 (2021)

Azərbaycan Respublikasında əcnəbilərin və ya vətəndaşlığı olmayan şəxslərin cinayət məsuliyyətinə cəlb edilməsinin hüquqi əsasları beynəlxalq hüquq normalarına uyğun olaraq Azərbaycan Respublikası Cinayət qanunvericiliyinin normaları ilə tənzimlənir. Həmin şəxslərin cinayət məsuliyyətinin hüquqi əsaslarını izah etməzdən əvvəl cinayət və cəza anlayışların hüquqi mahiyyətinin nədən ibarət olduğunu nəzərdən keçirək.
Müəllif : Rasim Ağasiyev - h.ü.f.d., Azərbaycan Milli Elmlər Akademiyasının Hüquq və İnsan Haqları İnstitutunun Əcnəbilərin hüquqları və miqrasiya şöbəsinin müdiri.
Nəşr tarixi : 2021

Müharibə cinayətlərinə görə vəzifəli şəxslərin məsuliyyəti: Yurisdiksiya problemi - Polis Akademiyasının Elmi Xəbərləri Elmi Hüquq Jurnalı №4 (2021)

Müasir beynəlxalq hüquqda yüksək vəzifəli şəxslərin, dövlət başçılarının və s. vəzifəli şəxslərin barəsində xarici məhkəmələrin yurisdiksiyasına qarşı konkret immunitetləri təsbit edilir. Beynəlxalq hüququn bu norması, beynəlxalq hüquq sisteminin mövcudluğu və dövlətin bu sistemin əsas subyekti kimi tanınması ilə praktiki olaraq eyni zamanda formalaşmışdır. XX əsrə qədər dövlətin suverenliyi mütləq və tamamilə sarsılmaz hesab edilirdi, müvafiq olaraq, dövlətin yüksək vəzifəli şəxslərinin immunitetləri də mütləq hesab edilirdi.
Müəllif : Mehriban Eyyubova - h.ü.f.d., Bakı Dövlət Universitetinin Hüquq fakültəsinin Beynəlxalq ümumi hüquq kafedrasının dosenti.
Nəşr tarixi : 2021

The law and linguistic movements dedicated to resolve concrete and specific legal problems - Polis Akademiyasının Elmi Xəbərləri Elmi Hüquq Jurnalı №4 (2021)

Anyone who hears the term ‘legal language’ thinks instantly of grammatically complex, infrequently punctuated, over-lexicalized, whole written text. Because the turning period for the textualizing of the law was during the period when the king and the aristocracy standardly spoke French, legal language still displays vital French influences. French was the language of the courts, though from very early on there were reductions to the fact that the language of the majority of the population was English.
Müəllif : Valida Samadova (Karimova) BETM, “Pedaqogika” jurnalının məsul katibi, German dilləri üzrə doktorant
Nəşr tarixi : 2021

Əməliyyat-axtarış fəaliyyətinin həyata keçirilməsi zamanı insan və vətəndaş hüquq və azadlıqlarının təmin olunmasının əsas müddəaları - Polis Akademiyasının Elmi Xəbərləri Elmi Hüquq Jurnalı №4 (2021)

Əməliyyat-axtarış fəaliyyətinin səciyyəvi xüsusiyyətlərindən biri bu fəaliyyətin əksər hallarda qeyri-aşkar üsullarla həyata keçirilməsidir. Belə halda əməliyyat-axtarış tədbirlərinin səmərəliliyinin artırılması üçün çox vaxt vətəndaşların konstitusion hüquq və azadlıqlarının məhdudlaşdırılmasına zərurət yaranır. Bunun nəticəsində bir çox ağır və xüsusilə ağır cinayətlərin qarşısının alınması, törədilmiş cinayətlərin açılması təmin olunur.
Müəllif : Nurəddin Salmanzadə Azərbaycan Respublikası DİN-in Polis Akademiyasının “Əməliyyat-axtarış Fəaliyyəti” Kafedrasının Baş Müəllimi, Polis Polkovnik-Leytenantı; Nizami Qədirov Azərbaycan Respublikası Dövlət Sərhəd Xidməti Akademiyasının Xüsusi fənlər kafedrasının rəisi, istefada olan polkovnik
Nəşr tarixi : 2021