İnsanın gündəlik tələbatlarının adekvat standartlar çərçivəsində ödənməsinə dair normativ aktlarda əksini tapmış müddəalar yalnız real həyatda təmin olunduğu zaman tam realizə edilmiş hesab oluna bilər. Müəllif tərəfindən öncəki tədqiqat işlərimizdə geniş surətdə təhlil edilmiş Afrika regionunda layiqli həyat hüququnun normativ əsasının müvafiq məqalədə son nəticə olaraq məhz qurumlar vasitəsilə həyata keçirilməsi əsasları təhlil edilir. Məqalədə həmçinin Afrika regionunda layiqli həyat hüquqlarının təşviqi istiqamətində fəaliyyət göstərən təşkilati mexanizmlərin təsnifatı aparılır, onların tarixi, funksiyaları, layiqli həyata nail olmaq istiqamətində fəaliyyəti araşdırılır, həyata keçirilən müvafiq proqram və planlar təhlil edilir, müvafiq təklif və tövsiyələr irəli sürülür.
Müəllif :
Rəhimova Mələkxanım - Azərbaycan Respublikası Vəkillər Kollegiyası Akademiyasının elmi katibi
Nəşr tarixi : 2024
Təqdim olunan məqalə 1990-cı illərdən başlayaraq İnsan Hüquqları üzrə Avropa Məhkəməsinin praktikasında ekoloji zəminli işlər üzrə yaranmaqda olan presedent hüququnun təhlilinə həsr olunmuşdur. Bu məqsədlə, Məhkəmədə baxılmış yüzdən çox iş nəzərdən keçirilmiş, Məhkəmənin öz hüquqi mövqelərini əsaslandırdığı əsas işlərin məzmunu Avropa İnsan Hüquqları Konvensiyasının müvafiq maddələri üzrə təsnif olunmaqla qısa xülasə edilmişdir.
Müəllif :
Səadət Novruzova - Hüquq üzrə fəlsəfə doktoru Xəzər Universitetinin Hüquq kafedrasının müəllimi
Nəşr tarixi : 2024
İnsanların əmək hüquqlarının qloballaşması şəraitində həm beynəlxalq, həm də yerli qanunvericilik aktlarında əməyin mühafizəsi qaydalarının pozulmasına görə hüquqi məsuliyyət tədbirlərinin təkmilləşdirilməsi davam etdirilir. Bu qaydaların hüquqi tənzimlənməsi həm əmək, həm də cinayət qanunvericiliyi ilə həyata keçirilir. Bu məqalədə xarici dövlətlərin cinayət qanunvericiliyi ilə ölkəmiz arasındakı fərq və oxşar cəhətlər təhlil edilir.
Müəllif :
Fuad Nəzərov - Azərbaycan Respublikası DİN-in Pоlis Akademiyasının “Mülki hüquq” kafedrasının müəllimi, polis kapitanı
Nəşr tarixi : 2024
Əxlaqsız əməl adı altında əxlaqa zidd, ədəbsiz əməl başa düşülür. Bununla əxlaq – ictimai şüurun tənzimlənməsinin ümumsosial əsası kimi çıxış edən və insanların davranışının ictimai cəhətdən zəruri tipini təsdiq edən ictimai şüur və onun təcrübədə həyata keçirilməsinin formasıdır. Əxlaqi tələblər adət, ənənə və ümumi qəbul edilmiş təsəvvürlər formasında ictimai şüurda mövcud olur. Mənəviyyat – insanların sosial həyat fəaliyyətinin müxtəlif formalarında, davranış mədəniyyətində və insanlar arasında qarşılıqlı münasibətlərdə mənəvi idealların, məqsədlərin və mexanizmlərin praktiki təcəssümüdür. Hər bir insan əxlaqi şüur, əxlaqi fəaliyyət və əxlaqi münasibətlər prizmasından dünyaya baxmalıdır. Bu komponentlərin birindən kənara çıxma mənəvi tələblərdən kənara çıxma hesab edilir.
Müəllif :
İmamverdi Rəhimov Azərbaycan Respublikası DİN-in Pоlis Akademiyasının “Cinayət hüququ” kafedrasının müəllimi, polis baş leytenantı
Nəşr tarixi : 2024
Cəzanın məqsədlərinə çatmaq üçün bir sıra proseslərin qaydasına salınması, cəzanın çəkildiyi müddətdə şəxslərə qarşı xüsusi yanaşma və tərbiyə işləri ilə bərabər hansısa bacarıqların və peşənin aşılanması, həmçinin cəzacəkmə müəssisəsindən azad olunduqdan sonra keçmiş məhkumlarla işin formal deyil, real aparılması və onlara həyata tutunmaları üçün dövlətin maddi dəstəyinin olması yenidən onların cinayət törətməsinin qarşısını almağa kömək edəcəkdir. Həmçinin cinayət törədən şəxslərə müəyyən müddətə azadlıqdan məhrumetmə cəzaları təyin edilərkən onların cəzalarını çəkəcəyi cəzaçəkmə müəssisəsinin növünün müəyyən edilməsi prosesində cinayətin kateqoriyası və ağırlıq dərəcəsi ilə bərabər, həmin cinayəti törədən şəxsin şəxsiyyəti və digər şəxslər tərəfindən necə xarakterizə olunduğu, onun həyata baxışı, törətdiyi cinayətin motivi nəzərə alınaraq müəyyən edilərsə məhkumların məhkumluq həyatında kriminallaşmasının qarşısını ala bilər. İctimai siyasi tərəqqi, düşüncə tərzinin formalaşması, təhsil, təbliğat, sosial-iqtisadi vəziyyətin yaxşılaşdırılması, insanların rifah səviyyəsinin artırılması digər şəxslər tərəfindən yeni cinayətlərin törədilməsinin qarşısının alınmasında profilaktika kimi əvəzedilməzdir. Bundan əlavə cinayətə görə məhkum edilmiş şəxslərin, daha sonra yaşadıqları peşmanlıq hissinin və onların cinayət törətməsinin ailələrində, cinayətdən ziyan görmüş şəxslərin yaxınlarına, ətrafındakı insanlara mənfi təsirini əks etdirən genişçaplı filmlərin və proqramların hazırlanması, sosial medianın gücündən bu istiqamətdə istifadə olunması da, insanların cinayət törətməyə görə yaranan mənfi fəsadları təsəvvür etməsinə kömək edə və cinayətdən çəkindirə bilər.
Müəllif :
Elnur Nəcəfov Azərbaycan Respublikası DİN-in Pоlis Akademiyasının “Cinayət hüququ” kafedrasının müəllimi, polis baş leytenantı
Nəşr tarixi : 2024
Məqalədə Azərbaycanın hərbi uğurlarının əldə edilməsində müasir hərbi texnoloji nailiyyətlərin tətbiqinin rolu araşdırılır. Burada son dövrdə ölkəmizdə cəmiyyətin həyat fəaliyyətinin müxtəlif sahələrində baş verən texnoloji inkişaf, xüsusilə rabitə və informasiya texnologiyaları sahəsində əldə edilən nailiyyətlər, Azərbaycanın üç peykinin orbitə çıxarılması, Müdafiə Sənayesi Nazirliyinin tabeliyində olan müəssisələrdə yüksək standartlara cavab verən məhsulların istehsalı, ordumuzun silah-sursatla təmin edilməsində yerli istehsalın rolunun artması, həmçinin Azərbaycanın Vətən müharibəsində zəfərinin əldə edilməsinə beynəlxalq əməkdaşlığın və yeni texnologiyaların rolu araşdırılır. Məqalədə konkret-tarixi, müqayisəli təhlil, elmi ümumiləşdirmə kimi tədqiqat metodlarından istifadə edilmişdir
Müəllif :
h.ü.f.d. Hafiz Musayev
Nəşr tarixi : 2024
Məqalədə göstərilir ki, rüşvətxorluğa qarşı mübarizə Azərbaycanın daxili və xarici dövlət siyasətinin mühüm ünsürüdür. Azərbaycan Respublikasının Cinayət Məcəlləsində rüşvətxorluq əməli əsas etibarı ilə iki cinayət tərkibi ilə əhatə olunmuşdur: maddə 311- rüşvət alma (passiv rüşvətxorluq) və maddə 312 – rüşvət vermə (aktiv rüşvətxorluq). Həmin maddələr Cinayət Məcəllənin 33-cü fəslində öz əksini tapmışdır.
Müəllif :
Zaur Allahverdizadə Azərbaycan Respublikası DİN-in Pоlis Akademiyasının doktorantı
Nəşr tarixi : 2024
Məqalə əqli mülkiyyət hüququnun əsaslarını, əqli mülkiyyət hüquqları əleyhinə cinayətlərin anlayışını konstitusion və cinayət hüquqi aspektdən tədqiq edir. Araşdırma zamanı əqli mülkiyyətin nəzəriyyədəki təsnifatına uyğun olaraq cinayət qanunvericiliyində təsbit olunmuş cinayət tərkibləri, habelə əqli mülkiyyət hüquqları sahiblərinin maraqlarının qorunması ilə bağlı yaranan münasibətlər nəzəri olaraq şərh edilmişdir. Həmçinin mövzuda müstəqillik dövründən əvvəl qüvvədə olan cinayət qanunvericiliyində əqli mülkiyyət hüquqlarının təsbitinin səciyyəvi xüsusiyyətləri müasir qanunvericilik aktlarında həmin hüquqlarının müdafiəsinin təmin edilməsi ilə bağlı normalarla qarşılıqlı təhlil edilmişdir
Müəllif :
Ayişə Əliyeva Azərbaycan Respublikası DİN-in Polis Akademiyasının II kurs magistrı, polis leytenantı
Nəşr tarixi : 2024
Məqalədə təcavüz cinayəti və mədəni irsin qorunması problemi hüquq ədəbiyyatında mövcud fikir müxtəlifliyi və mühüm beynəlxalq sənədlərlə geniş təhlil edilir. Qeyd edilir ki, beynəlxalq cinayətlərin bir növü olan təcavüz cinayəti həm də mədəni irsin məhv edilməsinə qarşı yönəlir. Məqalədə belə bir fikir əsaslandırılır ki, təcavüz cinayəti və mədəni irsin mühafizəsi insan hüquqları ilə sıx bağlıdır ki, bu da bütövlükdə mədəni hüquqların təmin edilməsi ilə əlaqələndirilməlidir. Ona görə də mədəni irsin mühafizəsi problemləri insan hüquqları ilə sıx qarşılıqlı əlaqədə təhlil edilməlidir. Sonda, təcavüz cinayəti və mədəni irsin və insan hüquqlarının qorunması probleminə dair bir sıra nəzəri və praktiki təkliflər irəli sürülür. Belə ki, qeyd edilir ki, dövlətlərin təcavüz cinayəti ilə əlaqədar məsuliyyətinin artırılması məqsədilə qəbul edilmiş beynəlxalq sənədlərin icra mexanizmləri dəqiq formalaşdırılmalı və müvafiq məsuliyyət tədbirləri gücləndirilməlidir.
Müəllif :
Leyla Həşimova Bakı Dövlət Universiteti Hüquq fakültəsinin “İnsan hüquqları və informasiya hüququ” UNESCO kafedrasının müəllimi, hüquq üzrə fəlsəfə doktoru
Nəşr tarixi : 2024
Odlu silahdan, soyuq silahdan və ya silah qismində istifadə edilən əşyalardan istifadə etməklə quldurluq və ya qətl törədən cinayətkarlara məhkəmələr tərəfindən ittiham irəli sürülərkən və hökm oxunarkən problemlər yaranır, çünki bu cinayətlərə dair hüquqi normalar bu əməlləri əhatə etmir. Hüquq normaları soyuq silaha sahib olmaq və gəzdirmək üçün məsuliyyət müəyyən edir, lakin ondan istifadə aktını əhatə etmir. Ona görə də hesab edirəm ki, Azərbaycan Respublikası Cinayət Məcəlləsinin bu cinayətlərlə bağlı maddələri təkmilləşdirilməli, soyuq silahdan və ya silah qismində istifadə edilən əşyadan istifadə etmə hərəkətlərini əhatə etməli, quldurluq və qəsdən adam öldürmə cinayətlərinin tövsif edilməsi zamanı yaranan fəsadları aradan qaldırmalıdır.
Müəllif :
Rəşid Yusifov - Azərbaycan Respublikası DİN-in Polis Akademiyasının “Cinayət hüququ” kafedrasının müəllimi, polis baş leytenantı
Nəşr tarixi : 2024
.jpg)
