İlk öncə qeyd edilməlidir ki, apellyasiya şikayəti və ona əlavə olunan yazılı sənədlər işdə iştirak edən şəxslərin sayına görə işə birinci instansiyada baxmış məhkəməyə təqdim edilir (Mülki Prosessual Məcəllənin (bundan sonra MPM) 362‐ci maddəsi). Kassasiya şikayəti isə yazılı formada apellyasiya instansiyası məhkəməsi vasitəsi ilə verilir.
Müəllif :
Pənah Məmmədov - Vəkil
Nəşr tarixi : 2017
Hər il milli məhkəmələrimiz tərəfindən mülki mühakimə icraatı qaydasında minlərlə işə baxılır. Mülki mübahisələrin həlli üçün məhkəmələrin ən çox tətbiq etdiyi məcəllələşdirilmiş aktın Azərbaycan Respublikasının Mülki Məcəlləsi olduğunu desək, yəqin ki, yanılmarıq. Lakin MM normalarının tətbiqində bir sıra nöqsanlara rast gəlinməkdə, məhkəmə təcrübəsi və qanunvericinin maddələşmiş iradəsi arasında açıq uyğunsuzluq meydana çıxmaqdadır. Hazırkı araşdırmanın mövzusunu MMin 337 (Əqdlərin etibarsızlığı anlayışı və onun nəticələri. Mübahisə edilən və əhəmiyyətsiz əqdlər”) və 354‐cü (“Etibarsız əqdlər üzrə müddətlər) maddələrinin tətbiqində rast gəlinən nöqsanların bəzilərinin işıqlandırılması təşkil edir.
Müəllif :
Dünyamin Novruzov - Vəkil
Nəşr tarixi : 2017
Baxmayaraq ki, əməliyyat‐axtarış fəaliyyəti haqqında qanunvericilik insan hüquq və azadlıqlarının təminatını nəzərdə tutur, elə hallar olur ki, insan hüquq və azadlıqlarının hörmət prinsipinə əsaslanan ƏAF‐ın subyekti həyata keçirdiyi əməliyyat‐axtarış tədbiri zamanı istər Konstitusiyada nəzərdə tutulmuş əsas, istərsə də digər normativ hüquqi aktlarda nəzərdə tutulmuş əlavə insan hüquq və azadlıqlarını pozmuş olur.
Müəllif :
Paşa Səfərov - vəkil
Nəşr tarixi : 2017
İnsan hüquqlarının məhz peşəkar şəkildə müdafiəsini həyata keçirən şəxslərin – vəkillərin minimal peşə standartları, onların vəkillik peşəsinə daxil olmalarının institusional normativləri, şübhəsiz, mövcud olmalıdır. Adı çəkilən standartların tətbiqi isə labüd etmişdir ki, ölkəmizdə 1995‐ci ildən etibarən ümummilli lider Heydər Əliyevin başçılığı ilə başladılmış hüquq islahatlarının bəhrələrindən biri qismində, 1999‐cu ildən “Vəkillər və vəkillik fəaliyyəti haqqında” yeni qanun əsasında fəaliyyət göstərən vəkillərin peşəkar birliyi olan Vəkillər Kollegiyası yaradılmışdır.
Müəllif :
Anar Bağırov - VKRH‐nin üzvü
Nəşr tarixi : 2017
Publik hüquqi şəxs anlayışı hüquq sisteminə daxil edilənədək təcrübədə inzibati orqanın qeyri‐kommersiya hüquqi şəxsinin təsisçisi səlahiyyəti tanınırdı, buna misal olaraq, rayon (şəhər) məktəblərini, tibb müəssisələrini və s. göstərmək olar. Həmin müəssisələr Dövlət orqanı tərəfindən yaradılır, lakin dövlət orqanı deyil, ictimai maraqların təmin edilməsi ilə bağlı olan münasibətləri tənzimləyən qeyri‐kommersiya hüquqi şəxslərdir.
Müəllif :
Aygün Məmmədova - Hüquqşünas
Nəşr tarixi : 2018
İstintaq‐məhkəmə təcrübəsində CM‐nin 264‐cü maddəsinin özəlliklərindən danışılarkən həmin maddə ilə müəyyən edilən normanın tətbiqi ilə bağlı çətinliklərin və anlaşılmazlıqların olmasını qeyd etməklə kifayətlənilmir. Belə hallarda həmçinin ümumiyyətlə həmin maddənin cinayət qanununda yer alıb‐almaması məsələsinin özü də mübahisə doğurur.
Müəllif :
Müzəffər Ağazadə - Əməkdar hüquqşünas
Nəşr tarixi : 2018
Azərbaycan Respublikası Vəkillər Kollegiyasının 07.12.2017‐ci il tarixli konfransında Kollegiyanın Rəyasət Heyətinin sədri və üzvləri dəyişildikdən sonra Kollegiyanın tarixində yeni bir səhifə açılmış və kollegiyanın fəaliyyətində canlanma baş vermişdir. Belə ki, Azərbaycanda vəkilliyin daha mütərəqqi instituta çevrilməsi istiqamətində innovativ tədbirlər görülmüşdür. Vəkillərin etik davranış qaydalarına riayət etməsi istiqamətində təbliğatlar aparılmış, vəkillik institutu ilə bağlı bir çox xarici ölkə və yerli dövlət qurumları ilə əməkdaşlıqlar genişləndirilmişdir.
Müəllif :
İntiqam Hacıyev - Vəkilliyə namizəd
Nəşr tarixi : 2018
Məhsulun və ya hasilatın pay bölgüsü haqqında Saziş karbohidrogen ehtiyatlarının kəşfiyyatı, işlənməsi və inkişaf etdirilməsi məqsədilə ən çox müraciət olunan müqavilə formasıdır. Sazişə əsasən mineral faydalı qazıntıların mülkiyyətçisi kimi dövlət yataqların kəşfiyyatı, işlənməsi və inkişafı məqsədilə texnoloji və maliyyə xidmətləri göstərən xarici neft şirkətini cəlb edir. Belə münasibətlərdə dövlət adətən hökumətlə, yaxud öz təşkilatlarından biri ilə, məsələn milli neft şirkəti ilə təmsil olunur.
Müəllif :
Anar Əsədov - Vəkilliyə namizəd
Nəşr tarixi : 2018
The principle of party autonomy plays a significant role in arbitration. By applying this principal parties agree on the provisions of a contract, rights and obligations of parties, performance form of the contract etc. It is not always possible to predict the right intention of parties. Therefore, arbitral tribunal, most of the time, refer to the provisions of applicable law chosen by parties. According to this principle, the parties are free to make their own contract and choose an applicable law.
Müəllif :
Toghrul Guluzadeh - Master of Laws in Legal Sciences (LL.M), International Commecial Lawyer
Nəşr tarixi : 2018
30 iyun 2009¬cu il tarixli 846 IIIQ saylı Azərbaycan Respublikasının “Azərbaycan Respublikasının İnzibati Prosessual Məcəlləsinin təsdiq edilməsi haqqında” Qanuna əsasən Azərbaycan Respublikasının İnzibati Prosessual Məcəlləsi təsdiq edilmiş və Azərbaycan Respublikasının İnzibati Prosessual Məcəlləsi 2011 ci il yanvarın 1 dən qüvvəyə minmişdir. İnzibati Prosessual Məcəllənin qanuni qüvvəyə minməsi ilə Azərbaycan Respublikasının hüquq sistemində qanunla birbaşa tənzimlənmiş yeni iddia növlərinin yaranması baş vermişdir.
Müəllif :
İlham Səfərov - Hüquqşünas
Nəşr tarixi : 2018