Fundamental insan hüquqları və azadlıqlarının əsas prioritet kimi qəbul edildiyi müasir cəmiyyətimizdə məişət zorakılığının qarşısının alınması və məişət zorakılığından zərər çəkmiş şəxslərə yardım göstərilməsi bır sıra dövlət orqanlarının qarşısında duran əsas vəzifələrdən biridir. İnsan hüquq və azadlıqlarının pozulmasının ən geniş yayılmış formalarından biri də məişət zorakılığının törədilməsidir. Məişət zorakılığının qarşısı alınmaq, bu istiqamətində görülən işlərin səmərəliliyini artırmaq, zorakılıqdan zərər çəkmiş şəxslərə təxirəsalınmaz və hərtərəfli yardım göstərilməsi və bu məqsədlə beynəlxalq standartlara cavab verən yardım mərkəzlərinin yaradılması digər dünya dövlətləri kimi dövlətimiz də qarşısında duran mühüm vəzifələrdən biri hesab edilir. Bunun nəticəsidir ki, bu sahədə hüquqi tənzimetməni həyata keçirmək və bu cür hüquqpozmaların qarşısının alınması məqsədilə ölkəmizdə “Məişət zorakılığının qarşısının alınması haqqında” 22 iyun 2010-cu il tarixli Azərbaycan Respublikasının Qanunu qəbul edilmişdir.
Müəllif :
Ata Vəliyev - Daxili İşlər Nazirliyinin Polis Akademiyasının “Mülki hüquq” kafedrasının baş müəllimi, Bakı Dövlət Universitetinin “Əmək və ekologiya hüququ” kafedrasının doktorantı, polis baş leytenantı
Nəşr tarixi : 2022
In the article, the right to professional legal assistance and the protection of human rights are widely analyzed based on the existing diversity of opinions in the legal literature and international practice. It is noted that professional legal assistance is recognized as an independent basic human right, which widely demonstrates its importance and necessity in the protection and promotion of human rights. Professional legal aid serves as a crucial mechanism to ensure the effective exercise of various human rights and to contribute to the overall realization of justice, equality, and the rule of law. The right to receive professional assistance has an irreplaceable role in the provision of legal equality and human rights. It is the violation of these rights that indirectly leads to the restriction of other human rights and freedoms, which is clear proof of the important place of the mentioned right in human rights
Müəllif :
Polad Mehdiyev
Nəşr tarixi : 2022
Əgər sosial-demoqrafik xüsusiyyətlər üzərində dayanmasaq, azadlıqdan məhrum etmə cəzasına məhkum edilmiş qadınların hüquqi statusunun təhlili tam olmayacaq. Aydındır ki, bunun təkcə nəzəri deyil, həm də praktiki əhəmiyyəti var. Şəxs haqqında əldə edilən məlumatlar gələcəkdə cinayətlərin törədilməsinin qarşısını almaq üçün ona ən uyğun təsir üsul və vasitələrini seçməyə imkan verir. Cinayətkarın şəxsiyyətinin öyrənilməsi cinayətkar davranışın elmi cəhətdən əsaslandırılmış profilaktikası üçün vacib və zəruri ilkin şərtdir. Şəxsiyyət ailə və məişət, istehsal və digər münasibət və əlaqələrin - onun yaşadığı, fəaliyyət göstərdiyi və formalaşdığı sosial mikromühitin konkret məzmunu ilə şərtlənən insanın həyat yolunu, varlığını əks etdirən fərdi unikal əlamətlərin və xüsusiyyətlərin təcəssümüdür”. Cəza məqsədlərinə yalnız həbsxanada cəza çəkən qadınlar haqqında etibarlı məlumat olduqda nail olmaq olar.
Müəllif :
Günay Hacıyeva - Bakı Dövlət Universitetinin Hüquq fakültəsinin “İnsan hüquqları və informasiya hüququ” UNESCO kafedrasının müəllimi
Nəşr tarixi : 2022
Sivilizasiya yarandığı vaxtdan hazırki günədək onun tərkib hissəsini təşkil edən insan müəyyən sosial mühitdə formalaşaraq cəmiyyətə adaptasiya olunur. İnsanın formalaşmasının əsas sosial mühiti ailədir. İnsan məhz “kiçik dövlət” adlandırılan və cəmiyyətin əsas elementi olan ailə mühitində boya-başa çatır, inkişaf edir, ona vətən və yurd sevgisi, milli-mənəvi dəyərlər və mentalitet aşılanır. Təbii ki, cəmiyyətinə və xalqına layiq, ailəsinə sadiq, vətənpərvər və sağlam insanın yetişməsi əsasən sağlam ailə mühitindən asılıdır. Çünki, məhz həmin mühitdə o, göstərilən xüsusiyyətlərə malik ola bilər. Sağlam olmayan mühitdə inkişaf edən, ailə-məişət zorakılığı şəraitində formalaşan insan sosial-psixoloji problemlərə malik olur, cinayət törətməyə meyilli olur və cəmiyyətdən təcrid olunur. Ailə-məişət zorakılığı halları əsasən uşaqların gözü qarşısında baş verir və onların yaddaşında dərin izlər buraxır. Qeyd olunan məqam və ailələrdə baş verən məişət zorakılığı faktları gələcəkdə daha ağır cinayətlərin törədilməsinə, cəmiyyətin mühüm dayaqlarının sarsılmasına və digər sosial bəlalara səbəb olur.
Müəllif :
Fuad Babaşov - Azərbaycan Respublikasının Vəkillər Kollegiyasının üzvü, Milli Aviasiya Akademiyasının doktorantı
Nəşr tarixi : 2022
This legal article discusses the nature of intellectual property rights as an investment and its value. The recent development of intellectual property rights has included it in the scope of investment treaties, making it an attractive investment for states. Firstly, the article discusses the economic value of intellectual property and the difference between intellectual property as an asset and other physical assets. The article then addresses how intellectual property rights issues are reflected in investment agreements. The article provides an overview of Lilly vs. Canada, an investment dispute related to intellectual property. Also, the relationship between international law and domestic legislation in the background of this issue was analyzed. This legal article provides an easy understanding of the issue with examples referring to various bilateral investment treaties.
Müəllif :
Kanan Adilkhanov
Nəşr tarixi : 2022
Hər hansı bir insana verilmiş ən qiymətli nemət onun həyat və sağlamlığıdır. Həyat və sağlamlığın mühafizəsi həm konstitusiya, həm də cinayət qanunvericiliyi tərəfindən həyata keçirilir. Lakin real həyatda bu nemətlər bəzən konkret həkimin, tibb bacısının və digər tibbi personalın biliyindən, təcrübəsindən, işə vicdanlı münasibətindən, elementar diqqət göstərməsindən, insani, hüquq mədəniyyətindən asılı olmuş olur.
Müəllif :
Məleykə Bayramova - hüquq üzrə fəlsəfə doktoru, BDU-nun Cinayət hüququ və kriminologiya kafedrasının dosenti,
Nəşr tarixi : 2022
Bizi əhatə edən ətraf təbii mühit insanın həyatının şəraiti və vasitəsi, onun yaşadığı ərazi, dövlət hakimiyyətinin həyata keçirildiyi məkan, sənaye və kənd təsərrüfatı obyektlərinin, mədəni-məişət əhəmiyyətli digər obyektlərin yerləşdiyi ərazi rolunu oynayır. Beləliklə, mürəkkəb anlayış olan ətraf mühit çərçivəsində tarixi baxımdan təbiət və cəmiyyətin qarşılıqlı təsirinin iki forması inkişaf etmişdir. Bunlardan birincisi, insanın təbiətdən istifadəsi, yəni insanın öz maddi və mənəvi tələbatını təmin etmək üçün təbiətdən faydalanmasıdır. Bu formaya qaşılıqlı təsirin iqtisadi forması da demək olar. Qarşlılıqlı təsirin ikinci forması bioloji və sosial varlıq kimi insanın və onun təbii yaşayış mühitinin qorunub saxlanması məqsədi ilə ətraf təbii mühitin mühafizəsidir. Bu forma təbiət və cəmiyyətin qaşılıqlı təsirinin ekoloji forması adlanır.
Müəllif :
Məhəmməd İmanlı - hüquq elmləri doktoru, professor
Nəşr tarixi : 2022
Cinayətin subyekti cinayət əməlini törədən və cinayət hüququna əsasən cinayət məsuliyyəti daşıya bilən fiziki şəxsdir. (6, s. 37) Bu cinayətin subyekti ilə bağlı ən ziddiyyətli məqamlardan biri də ilkin cinayəti törətmiş şəxsin cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına görə cinayətin də subyekti ola bilib-bilməməsidir. Tarixən çirkli pulların yuyulması əməli üçüncü şəxslər tərəfindən törədilən qanun pozuntusu kimi nəzərdə keçirilirdi. Belə ki, dövlət cinayətkarların qanuni iqtisadiyyata daxil olmaması üçün qapı rolunu oynayan maliyyə institutları, vəkillər və digər şəxslərin onlara belə imkan verməyəcəyinə əmin olmaq istəyirdilər. Bu sahədə əsas beynəlxalq sənədlərdə, o cümlədən FATF-ın (Pulların yuyulmasına qarşı maliyyə tədbirləri üzrə işçi qrupu) tövsiyələrində bununla bağlı birbaşa göstəriş qeyd edilmir və hər ölkənin ümumi cinayət hüququnun prinsiplərinə uyğun olaraq məsələni tənzimləməsi imkanı təsbit edilir.
Müəllif :
Elnur Nuriyev - Bakı Dövlət Universiteti Cinayət hüququ və kriminologiya kafedrasının doktorantı
Nəşr tarixi : 2022
Həbs qətimkan tədbirinin tətbiqi ilə bağlı nəzərə alınmalı milli qanunvericiliyin maddi və prosessual hüquq normaları dedikdə, ilk öncə Azərbaycan Respublikasının Cinayət Məcəlləsi nəzərdə tutulur. Lakin siyahı bu mənbələrlə məhdudlaşmır, digər mənbələr Azərbaycan Respublikasının Konstitusiyası, qanunları, Konstitusiya Məhkəməsinin qərarları da nəzərə alınmalı normalara malik ola bilər.
Müəllif :
Lalə Məmmədova - Hüquq üzrə fəlsəfə doktoru Bakı Dövlət Universiteti Cinayət prosesi kafedrasının əməkdaşı
Nəşr tarixi : 2022