Ümumiyyətlə, qədim zamanlardan hal‐hazıra kimi insanlar arasında münasibətlər müəyyən
davranış qaydaları ilə tənzimlənmiş və tənzimlənməkdə davam edir. İşgüzar, xidməti və digər
bütün münasibətlər davranış qaydaları ilə tənzimlənir. Bu davranış qaydalarının əksər hissəsi
müəyyən aktlardan, digər hissəsi isə insanlar arasında təşəkkül tapan qaydalardan ibarətdir.
İnkişaf etmiş ölkələrdə olduğu kimi Azərbaycanda da əksər peşə sahiblərinin davranış qaydaları
mövcuddur. Bura hakimlərin, prokurorluq, ədliyyə işçilərinin və digər çoxsaylı peşə sahiblərinin
davranış qaydaları ilə bərabər, “Vəkillərin davranış qaydaları haqqında” Əsasnamə də daxildir.
Müəllif :
Şahmar Məmmədov Azərbaycan Respublikası Vəkillər Kollegiyasının və Vəkillərin İntizam Komissiyasının üzvü
Nəşr tarixi : 2013
Məqalədə sənaye mülkiyyətinin mühafizəsi sahəsində patent qanunvericiliyi milli prizmadan, həm də ABŞ, Türkiyə, Almaniya və digər dövlətlərin timsalında müqayisəli təhlil edilərək qanunvericilikdəki boşluqlara patent müvəkkillərinin statusu, məsuliyyət təminatı və ondakı tarixi qalıq izlər, müəyyən prosessual intitusional məsələlərlə əlaqədar münasibət bildirilir. Universal və regional olmaqla patent hüquqlarının beynəlxalq təminat sistemi araşdırmaya cəlb olunan prioritet məsələlərdəndir. İki hüquqi sistemdə özünü büruzə verən prinsipal fərqlər və patent hüquqlarının pozulması ilə bağlı mübahisələrdə müstəsna yurisdiksiyaya malik milli ixtisaslaşdırılmış, o cümlədən beynəlxalq ədalət mühakiməsi mexanizmləri də müəllifin diqqətindən yan keçə bilməzdi...
Müəllif :
Zəhra Nəzərova - Azərbaycan Respublikasının Prezidenti yanında Dövlət İdarəçilik Akademiyası, dövlət hüququ ixtisasının 1‑ci kurs əyani magistrantı
Nəşr tarixi : 2020
Hüquqi şəxsi ilə onun icra orqanının rəhbəri arasında yaranan hüquq münasibətlərinin mahiyyət və məzmununun müəyyən edilməsi hazırda hüquqi mübahisə predimetini təşkil edən mövzulardandır. Hüquqi şəxsin icra orqanının rəhbərinin hüquqi statusunun müəyyən edilməsi rəhbər (təmsilçi) funksiyasını yerinə yetirən şəxsin hüquqi məsuliyyətinin və cavabdehlik daşıdığı məsələlərinin əhatə dairəsinin müəyyən edilməsi üçün əhəmiyyətli, eyni zamanda kifayət qədər aktualdır.
Müəllif :
Xamis Seyranov - Hüquqşünas
Nəşr tarixi : 2020
Yer üzərində hər gün minlərlə cinayət hadisəsi, eləcə də digər qanun pozuntuları baş verir ki, bunların da böyük əksəriyyətinin səbəbi alkoqoldur. İstər həyat təcrübəmdən, istərsə də hüquqşünas olaraq işlədiyim məhkəmə və vəkillik təcrübəsindən gördüm ki, insanlar tərəfindən qəbul edilən alkoqollu içkilər bir çox hallarda onların həyatını, azadlığını, xoşbəxtliyini və sağlamlığını əlindən alır.
Müəllif :
Elşad Rəhimov - Vəkillər Kollegiyasının üzvü
Nəşr tarixi : 2020
2011‐ci ildə Almaniya Beynəlxalq Əməkdaşlıq Cəmiyyəti (GİZ) tərəfindən təşkil olunmuş tədris
səfəri çərçivəsində Azərbaycanın hər üç məhkəmə instansiyasını təmsil edən mülki işlər üzrə on
hakim Berlin Torpaq Məhkəməsində keçirilmiş bir məhkəmə iclasında iştirak etmişdilər. İclasdan
sonra azərbaycanlı hakimlərdən biri alman həmkarı Dr. Hayko Vaqnerə belə bir sualla müraciət
etmişdi: “Sizin başlıca məqsədiniz nədən ibarətdir: düzgün qərar çıxarmaq, yoxsa tərəflər arasında
hüquqi sülhə nail olmaq”?
Müəllif :
Tomas Meltser Almaniya Beynəlxalq Əməkdaşlıq Cəmiyyətinin (GİZ) “Cənubi Qafqazda məhkəmə və hüquq islahatlarına dəstək” layihəsinin Azərbaycan üzrə koordinatoru
Nəşr tarixi : 2013
Valideynlik hüquqlarını həyata keçirərkən valideynlər uşaqların mənəvi inkişafına, fiziki və psixi sağlamlığına xələl yetirməməlidirlər. Qanunvericiliyə əsasən, valideynlər uşaqlarının tərbiyəsində onların istismarına, təhqir edilməsinə, mənəviyyatının alçaldılmasına, qəddarlığa, kobudluğa və biganəliyə yol verə bilməzlər.
Müəllif :
Faiq Kazımov - Vəkillər Kollegiyasının üzvü
Nəşr tarixi : 2020
Bu məqalədə sahibkarlar və mühasiblər üçün aktual olan bir mövzudan ‑ ƏDV tutulan əməliyyatların aparıldığı vaxtın müəyyənləşdirilməsi qaydasından danışacaq və təhlili podrat müqaviləsi əsasında yaranan münasibətlər çərçivəsində aparacağıq.
Müəllif :
Samir Hüseynzadə - Vəkillər Kollegiyasının üzvü
Nəşr tarixi : 2020
Məlum olduğu kimi,“Azərbaycan Respublikası Vergi Məcəlləsinə dəyişiklik edilməsi haqqında” 30.11.2018ci il tarixli Qanunla Vergi Məcəlləsinə bir sıra dəyişikliklər edilmişdir. Bu dəyişiklliklər arasında hüquqi istiqamətdə mühüm yeniliklər vardır.
Müəllif :
Sirac Piriyev - Vəkillər Kollegiyasının üzvü
Nəşr tarixi : 2020
XXI yüzillikdə insanlığın həyatı qəribə bir dövrə təsadüf edib. Dayanmadan təkmilləşən ictimai
münasibətlər burulğanında kursumuzu neçə dərəcə dəyişməyə cəhd etsək də, həmin burulğanın
mərkəzəqaçma qüvvəsindən yaxa qurtarmaqda çətinlik çəkirik. Bu, bir sınaqdır. Birilərinin
sınaqdan məğlubiyyətlə çıxacağı qaçılmazdır, lakin uğur qazananların da olacağı şübhəsizdir.
Bəziləri bu ictimai transformasiya rüzgarından qorunmaq üçün hasarlar ucaldacaq, digərləri isə
ondan faydalanmaq üçün külək dəyirmanları tikəcəklər.Bununla belə, unutmamalıyıq ki, istənilən sahədə tərəqqini, inkişafı tormozlayan faktorlar vardır.
Onlardan ən mürəkkəbini, mübarizə aparılması üçün güclü metodika tələb olunanını "korrupsiya"
adlandırsaq, yəqin ki, yanılmarıq. Maraqlısı odur ki, son yüzillikdə insan təfəkkürünün inkişafı o
səviyyəyə çatmışdır ki, artıq cəmiyyət – dövlət, hətta fərdlər sosial və təbiət hadisələrinin taleyinə
hiss olunacaq həddə təsir etmək gücünə yiylənmişlər.
Müəllif :
Anar Bağırov, Vəkillər Kollegiyasının Rəyasət Heyətinin və Hakimlərin Seçki Komitəsinin üzvü
Nəşr tarixi : 2013