В статье рассматриваются уголовно-правовые механизмы защиты прав интеллектуальной собственности в Азербайджане и отмечаются их особенности, обусловленные характерными чертами, отличающий интеллектуальную собственность от материальной. Далее проводится анализ статей Уголовного Кодекса регулирующих правонарушения в данной сфере, а также рассматриваются нормы других Кодексов и специализированных законов, принятых в разных областях права интеллектуальной собственности. Последующая часть, в статье изучает законодательство Франции с точки зрения правонарушений прав интеллектуальной собственности, где центральное место отводится Кодексу Интеллектуальной собственности Франции.
Müəllif :
Айдан Мамедова
Nəşr tarixi : 2024
Bu məqalədə Azərbaycan Respublikasının təcrübəsinə əsaslanaraq, bəzi əmək qanunvericiliyi normaları ilə mediasiya sahəsində qanunvericilik arasında əlaqə araşdırılır. Mediasiya institutunun inkişafına mane olan, bəzən isə hüquqların pozulmasına və əmək mübahisələrinin yaranmasına səbəb olan bəzi mövcud hüquq normaları daxilindəki ziddiyyətlər vurğulanır. Mediasiya mübahisələrin həlli forması kimi, şübhəsiz ki, müasir cəmiyyətin tələbləri nəzərə alınmaqla əmək münasibətlərinin keyfiyyətinin yüksəldilməsində böyük əhəmiyyət kəsb edir. Məqalədə qanunvericiliyə konkret təkmilləşdirmələr təklif edilir, mediasiya institutunun uzunmüddətli inkişafının zəruriliyi vurğulanır. Məhkəmə icraatında olan əmək münasibətlərindən irəli gələn mübahisələrinin tam əksəriyyəti, təbii ki, işçi tərəfindən qaldırılmış iddialar əsasında başlanılmış icraatlardır. Beləliklə, daha “güclü tərəf” olan işəgötürən əmək mübahisələrində əksər hallarda sadəcə olaraq mediasiya mərhələsinə maraqlı olmayaraq, mümkün yollarla burada iştirakdan yayınmaq istəyir. Bir çox hallarda formalaşmış yanaşma mediasiya prosesində iştirakın “zəiflik” əlaməti kimi dəyərləndirilməsi baxımından da, mediasiya prosesinin keçirilməsinə ciddi maneədir.
Müəllif :
Azər Rəhimov
Nəşr tarixi : 2024
Məqalədə Azərbaycan Respublikası Konstitusiya Məhkəməsi Plenumunun 2023-cü il 28 dekabr tarixli qərari ilə bağlı müəllifin elmi mülahizəsi irəli sürülmüşdür. Bu zaman Konstitusiya Məhkəməsi haqqında qanunvericilik, dünya dövlətləri təcrübəsi və qərarla bağlı müəllifin
irəli sürdüyü bəzi məqamlar qarşılıqlı şəkildə və ardıcıllıqla təhlil edilir. Müəllifin gəldiyi nəticələr sırf özünün elmi yanaşması olmaqla müvafiq dövlət orqanlarını tənqidi xarakter daşımır.
Müəllif :
Kəmalə Mehdiyeva - hüquq üzrə fəlsəfə doktoru, Paris XII Créteil Universitetinin professoru
Nəşr tarixi : 2024
Yerli özünüidarə ideologiyasının həyata keçirilməsinin zəruri şərtlərindən biri Avropa Şurası üzv dövlətləri tərəfindən “Yerli özünüidarə haqqında” Avropa Xartiyasına uyğun yerli özünüidarəyə dair milli qanunvericiliyin yaradılmasıdır. “Bələdiyyələrin statusu haqqında” Azərbaycan Respublikası Qanununun (2 iyul 1999-cu il) 7-ci maddəsinə uyğun olaraq yerli özünüidarəyə dair qanunvericilik Azərbaycan Respublikasının Konstitusiyasından və qanunlarından, Azərbaycan Respublikasının müvafiq icra hakimiyyəti orqanlarının aktlarından (Naxçıvan Muxtar Respublikasında isə həm də Naxçıvan Muxtar Respublikasının Konstitusiyasından və qanunlarından, Naxçıvan Muxtar Respublikası müvafiq icra hakimiyyəti orqanlarının aktlarından) ibarətdir.
Müəllif :
Sahil Hüseynov
Nəşr tarixi : 2024
Müxtəlif ölkələrdə prokurorların cinayət hüquq sistemində statusu fərqli olmasına baxmayaraq, bütün dövlətlərin hüquq ənənələrində dövlət ittihamçısının cinayət mühakiməsinin həyata keçirilməsində əhəmiyyətli rolu, habelə böyük gücü və öhdəlikləri mövcuddur. Dürüst, müstəqil və tərəfsiz (qərəzsiz) dövlət ittihamını müdafiə edən prokurorun iştirakı olmadan bu sahədə qanunun aliliyi və insan hüquqlarının müdafiəsini təsəvvür etmək mümkün deyildir
Müəllif :
Anar Nəsibov, Azərbaycan Respublikası Baş Prokurorluğunun Dövlət ittihamının müdafiəsi üzrə idarəsinin rəis müavini, baş ədliyyə müşaviri.
Nəşr tarixi : 2020
Məlum olduğu kimi, hüquqi yardım almaq və müdafiəçinin köməyindən istifadə etmək hüququ hər bir insana aid fundamental konstitusion hüquqdur. Müdafiə hüququ qanunla şübhəli və təqsirləndirilən şəxslərə verilmiş prosessual hüquqlardan, həmçinin onların mənafelərinin qorunması üçün qanunla qadağan olunmayan digər üsullardan istifadə etmək imkanını ehtiva etməklə yanaşı, həm də ədalət müha kiməsi maraqlarının təminatçısı, onun fundamental əsaslarından biri kimi çıxış edir
Müəllif :
Baş Prokurorluğun Elm-Tədris Mərkəzi
Nəşr tarixi : 2021
“Gender bərabərliyi” anlayışı cəmiyyətdə kişilərlə qadınlar arasında “de-yure” və “de-fakto” bərabərliyin təmin edilməsini, hər iki cinsə bərabər im -kan ların yaradılmasını ehtiva edir. Cəmiyyət üzvləriqa dınlar və kişilər özlərinin bioloji xüsusiyyətlərinə, ana tomik strukturlarına görə cins fərqliliyinə malik olsalar da, sosio-mədəni mühitdə bərabər imkanlara sahibdirlər . Bu baxımdan “Cins” termini bioloji fərqliliyi, “Gender” (və ya sosial cins) kişi və qadınların ictimai mü nasibətlər çərçivəsində formalaşan rol və vəzifələrini əhatə edir.
Müəllif :
Günay Süleymanova, Abşeron rayon prokurorluğuna ezam olunmuş Daşkəsən rayon prokurorluğunun müstəntiqi, II dərəcəli hüquqşünas.
Nəşr tarixi : 2021
İstintaq və məhkəmə orqanlarının cinayət işi üzrə həqiqətin müəyyən edilməsinə dair fəaliyyəti keçmişdə baş verən hadisələrə, faktlara və hallara yönəlmiş olur. Təhqiqatçı, müstəntiq, prokuror və məhkəmə hadisələrin bilavasitə müşahidəçisi olmurlar. Buna görə də cinayət işi üzrə istintaq aparan şəxsin fəaliyyəti bilavasitə özünün müşahidə etmədiyi halların tədqiqinə yönəlir. Bu halların müəyyən edilməsi cinayətin maddi izləri və cinayət hadisəsi ilə əlaqədar halları müşahidə etmiş şəxslərin məlumatları – yəni ümumilikdə sübutetmə prosesində əldə edilmiş məlumatlarla mümkündür.
Müəllif :
Tural İbrahimov, Ağdaş rayon prokuroru ədliyyə müşaviri.
Nəşr tarixi : 2021
.jpg)
