Məqalələr toplusunda robotların hüquqi rejiminin təhlili aparılır, normayaradıcılıq təşəbbüsləri qiymətləndirilir. Məlum olduğu kimi, hazırda robotlara və süni intellektin digər daşıyıcılarına hüquq subyektliliyinin verilməsi məsələsi müzakirə olunur. Lakin perspektivdə gec-tez bu kontekstdə məsuliyyətin ünvanlılığı ilə bağlı normalar hüquqi gündəmə daxil olacaq. Robotlara hüquqların verilməsi müasir texnologiyaların bütün müxtəlifliyini və yuxanda göstərilən özəllikləri nəzərə almalıdır. Məqalədə robototexnika sahəsində gələcək nizamlanmanın mümkün modelləri təhlil olunur. Müasir mərhələdə süni intellektin tətbiqi, bu sahədə aparılan tədqiqatlarda qaldırılan hüquqi əhəmiyyətli problemlər, həmçinin süni intellektdən istifadənin hüquqi tənzimlənməsində boşluqların aradan qaldırılması məqsədilə yeni strategiya və hüquqi normaların formalaşması kimi məsələlərin gələcəkdə müzakirəsi üçün təkliflər irəli sürülmüşdür.
Müəllif :
AMEA Hüquq və İnsan Haqları İnstitutu
Nəşr tarixi : 2020
Bu monoqrafiya insan və vətəndaşların əsas konstitusion hüquqlarından biri kimi sağlamlığın qorunması hüququnun təhlilinə həsr olunmuşdur. Müəllif bu monoqrafiyada sağlamlığın və onun qorunmasının anlayışını, sağlamlığın qorunmasının əsas prinsiplərini, sağlamlığın qorunması hüququnun yaranması və inkişaf tarixini, sağlamlığın qorunması hüququnun hüquqi təbiətini və məzmununu, sağlamlığın qorunması hüququnun mənbələrini, sağlamlığın qorunması hüququnun dövlətdaxili və beynəlxalq təminatlarını, habelə sağlamlığın qorunması hüququnun dolğun təminatının mühüm şərti kimi tibbi yardım sisteminin inkişaf perspektivlərini ətraflı şəkildə araşdırmışdır.
Müəllif :
Zamiq Aslanov
Nəşr tarixi : 2019
Bu monoqrafiya elmi-texniki tәrәqqi, süni intellekt vә hüququn qarşılıqlı әlaqәsi ilә bağlı mәsәlәlәrin tәhlilinә hәsr olunmuşdur. Müәllif bu monoqrafiyada elmi-texniki tәrәqqinin nәzәri aspektlәri, anlayışı vә mahiyyәti, әhәmiyyәti vә başlıca funksiyaları, müasir dövrdә elmi-texniki tәrәqqinin әsas tendensiyaları, elmi-texniki tәrәqqinin sosial nәticәlәri, bu sahәdә müasir tәhdidlәr vә çağırışlar, elmi-texniki tәrәqqinin hüquqi tәnzimi problemlәri, onun dövlәtdaxili vә beynәlxalq hüquqla qarşılıqlı nisbәti, süni intellektin hüquqi tәnziminin aktuallığı vә bu sahәdә mövcud yanaşmalar vә çağırışlar, süni intellektin hüquqi statusu, ona hüquqların (vәzifәlәrin) verilmәsinә dair diskussiyalar, süni intellektin hüquqi mәsuliyyәti problemi, habelә süni intellekt vә insan hüquqları, süni intellekt, hüquq tәtbiqetmә fәaliyyәti vә hüquqşünaslıq peşәsi ilә bağlı mәsәlәlәri әtraflı şәkildә araşdırmışdır.
Müəllif :
Zamiq Aslanov
Nəşr tarixi : 2021
Vəsaitdə BMT-nin ixtisaslaşmış qurumu, dünyada elm, təhsil, mədəniyyət və insan hüquqlarının inkişafı istiqamətində əməkdaşlığın ən böyük hökumətlərarası forumu olan YUNESKO-nun fəaliyyətinə və prioritet istiqamətləri üzrə Ombudsmanla əməkdaşlığına dair mövzular öz əksini tapmışdır.
Müəllif :
Azərbaycan Respublikasının İnsan Hüquqları üzrə Müvəkkili (Ombudsman) professor Elmira Süleymanova
Nəşr tarixi : 2014
Kitabda məişət zorakılığı terminin anlayışı, məişət zorakılığı ilə mübarizə
sahəsində beynəlxalq-normativ aktların xüsusiyyəti, habelə xarici ölkələrin və
Azərbaycan Respublikasının təcrübəsinin təhlili ilə yanaşı “Məişət zorakılığının
qarşısının alınması haqqında” 2010-cu il 22 iyun tarixli Azərbaycan Respublikası
Qanununun maddələrinə dair kommentariya aparılıb.
Kitab hüquq fakültələrinin müəllim, tələbələri, habelə, dövlət təşkilat və
idarələrinin əməkdaşları və gender bərabərliyi sahəsinə maraq göstərən geniş oxucu
auditoriyasına tövsiyə edilir.
Müəllif :
Qaracayev C.Y
Nəşr tarixi : 2011
İnsan hüquqlarının müdafiəsinə xüsusi önəm verildiyi bir dövrdə, qadın hüquqlarının və azadlıqlarının konstitusiya və beynəlxalq hüquq elmlərinin müqayisəli tədqiqat metodu əsasında yazılmış bu əsər, son dərəcə aktual və müasir bir problemin elmi-nəzəri tədqiqinə həsr edilmiş ilk monoqrafiya hesab oluna bilər. Əsərin sonuna, ilk dəfə olaraq hazırlanmış «Azərbaycan Respublikasında qadın hüquqları və azadlıqları haqqında Qanun» layihəsinin müəllif mətni də əlavə edilmişdir.
Müəllif :
Səidə Həsənzadə
Nəşr tarixi : 2014
Təqdim olunan bələdçinin məqsədi Azərbaycanda qeyri-hökumət təşkilatı (QHT) yaratmaq istəyən şəxslərə və qruplara QHT-nin yaranması, qeydiyyatı və ləğvi proseduru barədə ətraflı məlumat vermək və onları qanunvericiliyin tələbləri ilə tanış
etməkdir. Vəsait qeydiyyatdan keçməmiş ictimai birliklər,beynəlxalq təşkilatlar, hüquqşünaslar və bu sahədə qanunvericilik və təcrübə ilə maraqlanan digər şəxslər üçün də faydalı ola bilər.
Müəllif :
MG Consulting
Nəşr tarixi : 2015
Kitabda Azərbaycan ədalət mühakiməsinin İnsan Hüquqları üzrə Avropa Məhkəməsinin (İHAM) yurisdiksiyası altında olduğu 20 il müddətində “İnsan hüquqları və
əsas azadlıqların müdafiəsi haqqında” Avropa Konvensiyasının 5-ci maddəsi əsasında
Azərbaycana qarşı qəbul edilmiş 66 qərarı təhlil edilərək, aşkar edilmiş pozuntular
ümumiləşdirilməklə müxtəlif bölmələr üzrə sistemləşdirilmiş, azadlıq və təhlükəsizlik
hüququ ilə bağlı aşkar edilmiş pozuntular şərh edilmişdir.
Müəllif :
Vəfaddin İbayev
Nəşr tarixi : 2023
Monoqrafiyada ehtiyatsızlıqdan adam öldürmə cinayətinin anlayışı və ictimai təhlükəliliyi, bu cinayətə görə məsuliyyət müəyyən edən cinayət qanunvericiliyinin inkişaf tarixi təhlil edilmiş, cinayət tərkibinin obyektiv və subyektiv əlamətləri, tövsifi və bu əmələ görə cəza təyini məsələləri hərtərəfli araşdırılmışdır. Eyni zamanda bu kateqoriya cinayətlərlə bağlı bir çox ölkələrin cinayət qanunvericiliyi müqayisəli şəkildə təhlil edilmiş və cinayət qanunvericiliyinin təkmilləşdirilməsi ilə əlaqədar bir sıra yeni redaksiya layihələri təklif edilmişdir. Əsərdə ehtiyatsızlıqdan adam öldürmə cinayətlərini doğuran səbəb və şərait, onların qarşısının alınmasına yönələn profilaktik tədbirlər, cinayətkarın şəxsiyyəti məsələləri də sistemli şəkildə tədqiqata cəlb olunmuşdur. Bir sözlə, kitabda ehtiyatsızlıqdan adam öldürmə əməllərinin cinayət-hüquqi və kriminoloji aspektləri kompleks tədqiq edilmişdir.
Müəllif :
Sevinc Hüseynova
Nəşr tarixi : 2021
Müasir dövrdə baş verən dərin proseslər, insanlar, dövlətlər, cəmiyyətlər,dinlər, sivilizasiyalar və digər bəşəri təzahürlər arasında, bütün əlaqələrin və münasibətlərin genişlənməsi, ümumdünya informasiya cəmiyyətinin formalaşması,beynəlxalq kapital,əmtəələr, işçi qüvvələri, təbii resurslar, texnogen təsirlər və sair məcmuu şəkildə özündə birləşdirməklə beynəlxalq bazarı, iqtisadiyyatı,mədəniyyəti,həyat tərzini, bir sözlə, ictimai həyatın bütün sahələrini əhatə edən geniş miqyaslı, qlobal bir prosesi ehtiva edir.Bu gün aparılan müxtəlif istiqamətli və çoxsaylı tədqiqatlarda qloballaşmanın çoxtərəfli və çoxməzmunlu inkişaf istiqamətlərinin daha dərindən öyrənilməsinə maraq artmışdır. Mahiyyətinə və dərinliyinə diqqət yetirdikdə,mövcud informasiyaların , texnologiyaların, iqtisadiyyatın, siyasətin,bazarın, bir sistem olaraq məntiqi- epstemoloji struktur baxımdan və rəngarəng sosial sistem olaraq elmlə sıx bağlı olduğu tam təsdiq edilir.Bu da bəşəriyyətin və dünyanın bir sistem olaraq elmi əsaslarla tədqiqinə zərurət yaradır.
Müəllif :
Səidə Həsənzadə
Nəşr tarixi : 2022
.jpg)
