İnstitutun rəhbəri yeni ildə əməkdaşlarla görüş keçirmişdir

2023-cü il yanvarın 5-də Hüquq və İnsan Haqları İnstitutunda yeni ildə əməkdaşlarla ilk görüş keçirilib. İnstitutun İdarə Heyətinin sədri Məhəmməd Quluzadə bütün kollektivi yeni – 2023-cü il münasibətilə ürəkdən təbrik edərək, əməkdaşlara uğurlar və yeni fəaliyyət istiqamətlərinə uyğun səmərəli iş arzuladı. İnstitutun qarşıda duran plan və hədəfləri barədə ətraflı məlumat verərək rəhbər hər bir şöbənin öz fəaliyyətinə müvafiq olaraq əsasnamələrinin hazırlanmasını məqsədəuyğun hesab etdi.

Ətraflı

Afaq Sadıqovanın Elmi Xəbərlər jurnalında məqaləsi dərc olunub

İnstitutumuzun əməkdaşı Afaq Sadıqovanın Azərbaycan Respublikasının Daxili İşlər Nazirliyinin Polis Akademiyasının Elmi Xəbərlər jurnalının №1(33) 2022-ci il buraxılışında «Azərbaycan Respublikasında miqrasiya proseslərinin iştirakçıları və onların hüquqları» adlı məqaləsi dərc olunub. Məqalədə göstərilir ki, müəllif Azərbaycan Respublikasında miqrasiya proseslərinin iştirakçıları və onların hüquqlarını araşdırır və təhlil edir.

Ətraflı

Günay Əliyevanın “Təhlükəsizlik və İnsan hüquqlarının müdafiəsinə dair qanunvericiliyin mahiyyəti” adlı məqaləsi dərc olunub

27 dekabr tarixində Azərbaycan Respublikası DİN-in Polis Akademiyası Ümumdünya insan hüquqları Bəyannaməsinin 74 illiyinə həsr olunmuş “Müasir dövrdə insan hüquqlarının aktual problemləri” mövzusunda Beynəlxalq elmi-praktiki konfrans keçirmişdir. Əməkdaşımız Günay Əliyevanın “Təhlükəsizlik və İnsan hüquqlarının müdafiəsinə dair qanunvericiliyin mahiyyəti” adlı məqaləsi konfransın məqalələr toplusuna salınmışdır. Məqalədə qeyd olunur ki, müasir milli təhlükəsizlik konsepsiyaları üçün xarakterik amillərdən biri və daha əhəmiyyətlisi olan insan təhlükəsizliyindən bəhs olunur.

Ətraflı

Tədqiqatçımızın “Müasir Beynəlxalq hüquqda ekoloji insan hüquqları” adlı məqaləsi dərc olunub

Hüquq və İnsan Haqları İnstitutunun əməkdaşı Şəlalə Həsənovanın “Müasir Beynəlxalq hüquqda ekoloji insan hüquqları” adlı məqaləsi 27 dekabr tarixində Azərbaycan Respublikası DİN-in Polis Akademiyasının Ümumdünya insan hüquqları Bəyannaməsinin 74 illiyinə həsr olunmuş “Müasir dövrdə insan hüquqlarının aktual problemləri” mövzusunda keçirtdiyi Beynəlxalq elmi-praktiki konfransın materiallar toplusunda dərc edilmişdir. Məqalədə əsasən İnsan Hüquqları üzrə Avropa Məhkəməsinin (İHAM) təcrübəsinə nəzər yetirilib və insanların əlverişli (sağlam) ətraf mühitdə yaşamaq hüququna “İnsan hüquqlarının və əsas azadlıqlarının müdafiəsi haqqında” Avropa Konvensiyasının 2-ci (Yaşamaq hüququ) və 8-ci (Şəxsi və ailə həyatına hörmət hüququ) maddələri kontekstindən yanaşıldığı geniş şərh edilib.

Ətraflı

İnstitut əməkdaşları üçün təlim keçirilmişdir

28 dekabr tarixində Hüquq və İnsan Haqları İnstitutunda professor Kamran Behbudov “Kontrakt qanunvericiliyinin post-sovet məkanında inkişafı və Avropa İttifaqının (Aİ) müqavilələrini yeniləşdirmək prinsipləri” mövzusunda təlim keçmişdir. İnstitut əməkdaşları üçün təşkil olunmuş təlimdə K.Behbudov müqavilə hüququnun anlayışları, tarixi, mahiyyəti, həmçinin keçən əsrlərdə Azərbaycanda bağlanan ticarət razılaşmaları və müqavilələri haqqında geniş məlumat vermişdir.

Ətraflı

Əməkdaşımızın fikirləri Rusiya saytında dərc edilib

Laçın dəhlizində baş verən son hadisələrdən bəhs edən “Почему Армении не нравятся российские миротворцы” (“Rusiya sülhməramlıları nə üçün Ermənistanın xoşuna gəlmir”) adlı məqalə Rusiyanın “Взгляд. Деловая газета” saytında yerləşdirilmişdir. Məqalədə göstərilir ki, Ermənistan lideri N.Paşinyan Rusiyanı günahlandıraraq, Qarabağda yerləşdirilmiş sülhməramlıların öz öhdəliklərini yerinə yetirmədiyini bildirmişdir. Onun sözlərinə görə, Laçın dəhlizinin nəzarət altında saxlanılması öhdəliyi yerinə yetirilmir, guya Azərbaycan Laçın dəhlizini qanunsuz blokadaya almışdır... Lakin Moskva bu ittihamları qəbul etməmişdir.

Ətraflı

İnstitutumuzun rəhbəri USAID Özəl Sektorun İnkişafı layihəsinin təmsilçiləri ilə görüşüb

27 dekabr 2022-ci il tarixində Hüquq və İnsan Haqları İnstitutu İdarə Heyətinin sədri Məhəmməd Quluzadə USAID Özəl Sektorun İnkişafı layihəsinin nümayəndələri Şəlalə Kamilova və Rəşid Məmmədovla görüşmüşdür. Qeyd olunmuşdur ki, ABŞ İnkişaf Agentliyi (USAİD) tərəfindən maliyyələşən PSA layihəsi (Özəl Sektorun İnkişafı layihəsi) Azərbaycanda qadın sahibkarlar arasında araşdırma aparmış və bu sahədə mövcud olan çətinliklərin aradan qaldırılmasına dair bir sıra tövsiyələri özündə ehtiva edən Qadınların Milli Biznes Gündəliyini hazırlayıb dövlət və özəl sektoru təmsil edən qurumlara təqdim etmişdir. Tövsiyələrin bir qisminin qanunvericiliyə aid olduğunu nəzərə alaraq, tərəflər bu təkliflərin yanvar ayında İnstitutda müzakirə edilməsi barədə razılığa gəlmişlər.

Ətraflı

İnstitutun rəhbəri Polis Akademiyasında təşkil olunmuş konfransda iştirak edib

27 dekabr 2022-ci il tarixində Hüquq və İnsan Haqları İnstitutu İdarə Heyətinin sədri Məhəmməd Quluzadə Polis Akademiyası tərəfindən təşkil edilmiş “Müasir dövrdə insan hüquqlarının aktual problemləri” mövzusunda beynəlxalq elmi-praktiki konfransda iştirak etmişdir. Tədbir Ümumdünya insan hüquqları Bəyannaməsinin 74 illiyinə həsr olunmuşdur. Tədbirdə müxtəlif dövlət qurumlarının, o cümlədən Ombudsman, Konstitusiya Məhkəməsi, Daxili İşlər Nazirliyi, Ədliyyə Nazirliyi, Baş Prokurorluğun və s. nümayəndələri iştirak etmişlər. Eyni zamanda tədbirə onlayn şəkildə müxtəlif ölkələrdən olan alimlər, habelə və Akademiyanın müəllim və tələbələri də qoşulmuşlar.

Ətraflı

İnstitutda Mülki Məcəlləyə dair bəzi təkliflər müzakirə edilmişdir

26 dekabr 2022-ci il tarixində institutumuzun əməkdaşı Günay Əliyevanın hazırladığı Azərbaycan Respublikası Mülki Məcəlləsinin 4-cü fəslinə (“Qeyri-kommersiya təşkilatları”) dair təkliflər dinlənilib. Müzakirədə institutun rəhbəri Məhəmməd Quluzadə, əməkdaşlar Fərid Ələkbərov və İsmayıl Musayev iştirak etmiş və təklif edilən tövsiyyələrə dair öz fikirlərini bildirmişlər. Gələcəkdə əməkdaşlar arasında bu cür təkliflərinin hazırlanıb müzakirəyə çıxarılması gözlənilir.

Ətraflı

Əməkdaşımızın “Azərbaycan” qəzetində məqaləsi dərc olunub

İnstitutumuzun əməkdaşı Vüsalə Muradxanlının “Azərbaycan” qəzetinin 22 dekabr 2022-ci il tarixli buraxılışında “Ermənistan beynəlxalq hüququn prinsiplərini pozduğunu bildiyi halda xislətindən əl çəkmir” adlı məqaləsi dərc edilmişdir. Məqalədə qeyd olunur ki, ikinci Qarabağ müharibəsindən sonra Azərbaycan qonşu ölkələrlə, o cümlədən Ermənistanla münasibətlərinin beynəlxalq hüququn prinsipləri əsasında qurulmasının və tənzimlənməsinin tərəfdarı olduğunu nümayiş etdirir. Buna baxmayaraq, Azərbaycan Ermənistanın təcavüzü məsələsinə beynəlxalq hüququn prinsipləri çərçivəsində baxılmasını tələb etdiyi halda, Ermənistan tərəfi "xalqların öz müqəddəratını təyinetmə" prinsipinə istinad edərək təcavüzkar müharibənin səbəblərini və nəticələrini öz üzərindən atmağa çalışır.

Ətraflı