Məqalədə səhiyyə sahəsində beynəlxalq hüquq normalarının milli hüquqda realizəsi ilə bağlı yarana biləcək mübahisələrin həlli üzrə beynəlxalq məhkəmə mexanizmlərinin fəaliyyətindən bəhs edilir. Burada xüsusi olaraq Avropa İnsan Hüquqları Məhkəməsinin fəaliyyəti geniş təhlil edilir. Qeyd edilir ki, Avropa İnsan Hüquqları Məhkəməsi səhiyyə sahəsinə aid olan mübahisələrə bir qayda olaraq Avropa Konvensiyasının 2, 3 və 8-ci maddələri kontekstində baxır. Eyni zamanda Avropa Ədalət Məhkəməsinin bu sahədə qəbul etdiyi qərarlar da təhlilə cəlb edilmişdir. Bundan başqa məqalədə mübahisələrin həlli üzrə fəaliyyət göstərən alternativ mexanizmlərin fəaliyyəti də təhlil edilir. Bu istiqamətdə Daimi Arbitraj Məhkəməsinin fəaliyyətinə diqqət yetirilir.
Müəllif :
Fatimə Hüseynova - Hüquq üzrə fəlsəfə doktoru, Bakı Dövlət Universiteti
Nəşr tarixi : 2024
Təcrübədə tez-tez rast gəlinən və təqsirləndirilənşəxsin əməlinə hüquqi qiymət verilərkən fikir ayrılıqlarına səbəb olan hallardan biri də qanunsuz olaraq mənzilə daxil olmaqla digər cinayətlərin törədilməsi halında əməlin tövsifi problemidir. Bu problem özünü həm ibtidai araşdırma mərhələsində, həm də məhkəmə icraatında göstərir. Xüsusən də, mənzilə qanunsuz daxil olmaqla törədilən qəsdən adam öldürmə, zorlama və s. cinayətlərdə təqsirləndirlən şəxsin əməli bəzi hallarda cinayətlərin məcmusu ilə tövsif edilsə də, əksər hallarda mənzilə qanunsuz daxil olma digər cinayəti törətmənin üsulu kimi qiymətləndirilərək və şəxsin bilavasitə qəsdinin digər cinayəti törətmək olduğu əsas gətirilərək əməl mənzil toxunulmazlığını pozma ilə birlikdə tövsif edilmir.
Müəllif :
Sabir Musayev Baş Prokurorluğunun Prokurorluqda İstintaqa nəzarət idarəsinin böyük prokuror-metodisti II dərəcəli hüquqşünas
Nəşr tarixi : 2021
Məqalədə beynəlxalq hüquq normalarının Azərbaycan Respublikasının cinayət qanunvericiliyinə implementasiyasının nəzəri və praktiki aspektləri hüquq ədəbiyyatında mövcud fikir müxtəlifliyi və beynəlxalq praktika əsasında geniş təhlil edilir. Qeyd edilir ki, hər bir dövlətin hüquq sistemində beynəlxalq hüquq normaları prioritet rol oynayır və istənilən sferada milli qanunvericiliyin formalaşdırılması beynəlxalq hüquq normalarının iştirakı olmadan həyata keçirilə bilməz. İnkişaf etmiş dövlətlər təcrübəsini əsas tutaraq Azərbaycan Respublikası hüquq sistemində də beynəlxalq hüquq normaları effektiv təsir gücünə malik olmaqla, müxtəlif hüquq sahələrinin formalaşması və inkişafında mühüm rol oynamışdır
Müəllif :
Mehriban Eyyubova - Hüquq üzrə fəlsəfə doktoru, Bakı Dövlət Universiteti
Nəşr tarixi : 2024
Məqalədə müasir dövrdə yoluxucu xəstəliklərə qarşı mübarizə problemləri və yoluxucu xəstəliklər zamanı onlardan qorunma məsələləri mühüm beynəlxalq sənədlər əsasında geniş təhlil edilir. Yoluxucu xəstəliklərə tutulmuş şəxslərin yoluxucu xəstəliklərə tutulduğu zaman yoluxucu xəstəliklərdən sağalmasının və yoluxucu xəstəliklərə qarşı mübarizə aparmasının üsul və vasitələri qeyd edilir. Məqalədə belə nəticəyə gəlinir ki, görülən əhəmiyyətli fəaliyyətin məntiqi davamı olaraq ayaxın gələcəkdə dünya dövlətlərində yoluxucu xəstəliklər (epidemiyalar, pandemiyalar) da daxil olmaqla, səhiyyə sahəsində münasibətlərin səmərəli tənzimlənməsi və mövcud olan problemlərin həll edilməsi istiqamətində də beynəlxalq sferada mühüm fəaliyyətlər həyata keçiriləcəkdir. Bura dünya dövlətlərinin qeyd edilən sahədə beynəlxalq mexanizmlərlə sıx əməkdaşlığı, regional və ikitərəfli beynəlxalq müqavilələrin imzalanması, mühüm beynəlxalq tədbirlərin keçirilməsində yaxından iştirak və s. kimi məsələlər daxil edilə bilər.
Müəllif :
Mətin Əlili - Magistrant, Bakı Dövlət Universiteti
Nəşr tarixi : 2024
inayət barəsində xəbər verməmə və ya qabaqcadan vəd etmədən cinayəti gizlətməyə görə cinayət məsuliyyəti Azərbaycan Respublikası Cinayət Məcəlləsinin 307-ci maddəsi ilə müəyyən edilmişdir. Azərbaycan Respublikası Cinayət-Prosessual Məcəlləsinin 49.4.2-ci maddəsinə əsasən cinayətin törədilməsi ilə onun gizlədilməsi və ya xəbər verilməməsinə dair ittihamlar bir icraatda birləşdirilə bilməz.
Müəllif :
Mürvət Həsənov Bakı şəhər prokurorunun müavini baş ədliyyə müşaviri
Nəşr tarixi : 2021
Məqalənin predmetini təşkil edən xalqların öz müqəddəratının təyin edilməsi hüququ ədəbiyyatda geniş təhlil edilən və barəsində yüzlərlə məqalələr yazılan bir mövzu olsa da, hələ də bu hüququn kifayət qədər mücərrəd olmasından irəli gələn problemlər qlobal və regional miqyası ilə seçilir. Bunu nəzərə alaraq, məqalədə “xalq” anlayışına münasibətdə əvvəlcə ənənəvi yanaşma göstərilir, daha sonra təklif edilən yeni və kompleks metod konkret müddəalarla ortaya qoyulur. Məqalənin gedişində son illərin aktual hadisələrindən, müxtəlif məhkəmə işlərindən və elmi nəşrlərdən istifadə edilmişdir. Nəticəvi hissədə isə yanaşma tənqidlərə açıq elan edilir və təkmilləşdirmənin hər bir dövrdə labüdlüyü vurğulanır.
Müəllif :
Siyavuş Bağırov
Nəşr tarixi : 2024
İqtisadi Əməkdaşlıq və İnkişaf Təşkilatının Maliyyə Tədbirləri üzrə İşçi Qrupunun (FATF) cinayət yolu ilə əldə edilmiş əmlakın müsadirəsini və bununla bağlı beynəlxalq əməkdaşlıq məsələlərini tənzimləyən 4-cü və 38-ci Tövsiyələrinə müvafiq olaraq, müsadirə üçün effektiv sistem özündə izləmə və istintaqı, beynəlxalq əməkdaşlığı, qətimkan tədbirlərini (dondurma və əmlak üzə rinə həbs qoy ma) və cinayət mühakmə icraatından kənar müsadirə tədbirlərini əhatə edir.
Müəllif :
Rauf Gözəlov
Qazax rayon prokuroru
ədliyyə müşaviri
Nəşr tarixi : 2021
Layiqli həyat hüquqlarının təminatı müasir dövrdə ən başlıca gündəlik tələbatların ödənilməsi ilə səsləşir. Nisbi xarakter daşıyan bu hüquqlar müxtəlif regionlarda fərqli tənzimlənir. Regionlarda bu hüququn realizəsini geniş araşdıran müəllif tərəfindən bu dəfə Afrika regionu tədqiq edilir. Belə ki, regionda yoxsulluq və bərabərsizlik kimi davamlı qlobal problemlərin mövcudluğu bu ərazilərdə yaşayan insanların layiqli həyat səviyyəsinin aşağı düşməsi və onların tələbatlarının adekvat səviyyədə ödənməməsi ilə nəticələnir. Məqalədə layiqli həyatın təminatı sahəsində bu bölgədə mövcud normativ aktlar araşdırılmış, bu istiqamətdə mövcud məhkəmə təcrübələri təhlil edilmişdir. Müəllif adekvat rifah halına çıxışa maneə törədən halları da araşdırmış, bu istiqamətdə müvafiq təkliflər irəli sürmüşdür.
Müəllif :
Mələkxanım Rəhimova
Nəşr tarixi : 2024
Azərbaycan Respublikası dünyada müxtəlif dövlətlərdən ibarət beynəlxalq təşkilatların üzvü olmaqla insan hüquq və azadlıqlarının təminatçısı olan bir çox konvensiyalara qoşulmuşdur. Respublikamızın belə bir təşkilatların üzvü olması onu həmin təşkilat tərəfindən qəbul olunan beynəlxalq standartların, qərarların və həyata keçirilən proqramların tələblərinə riayət etməyə və beynəlxalq hüququn normalarına uyğun milli qanunvericilik sistemini forma laşdırmasına yönəldir. Digər dövlətlər kimi Azərbaycan Respublikası da dövlətin qanunlarının beynəlxalq hüquqa uyğunluğunu təmin etmək məqsədilə bir çox sahələrdə islahatlar aparmışdır. Həmin islahatların keçirilməsini zəruri edən sahələrdən biri də yetkinlik yaşına çatmayanların hüquqlarıdır.
Müəllif :
Emil Qədimov Bakı şəhər prokurorluğunun Təşkilat və icraya nəzarət şöbəsinin böyük prokuroru ədliyyə müşaviri
Nəşr tarixi : 2021
Məqalədə, Avropa Birliyinin əsas insan hüquqlarına dair Xartiyasının qəbulu və qüvvəyə minməsindən sonra İnsan Hüquqları üzrə Avropa Məhkəməsinin presedent hüququnda baş vermiş və davam edən yeniliklər tədqiq olunur. Bu məqsədlə, İnsan Hüquqları və Əsas Azadlıqların Müdafiəsi haqda Avropa Konvensiyasının və Xartiyanın analoji maddələri müqayisəli təhlil edilir. Konkret işlərin araşdırılması əsasında, Xartiyanın İHAM-ın presedent hüququna təsir xüsusiyyətləri aşkarlanır və sistemləşdirilir.
Müəllif :
Səadət Novruzova - Dissertant, Bakı Dövlət Universiteti
Nəşr tarixi : 2024
.jpg)
